Abalevi 10:1 - Baibuli Ekibono kya Katonda 2014

¹ Agho Nadabu ni Abihu batabane ba Aaroni, baatoola ebiniokezebwaku obubbaani, buli mulala ekikye, baabitaamu omuliro baataaku obubbaani, baabuniokeza mu maiso ga Musengwa Katonda. Aye omuliro ogwo tigwali mutukuvu, kuba Musengwa Katonda ti n'eyabalagira okuguleeta.

Abalevi 10:1 Iomraidhean Croise

1 Bakyabazinga 18:38

Agho Musengwa Katonda yaasindika omuliro gwaika, gwayokya ekigheebwayo ekyo n'enku n'amabaale n'eitaka, era gwakaza amaadhi agaali mu lukokonko.

Zabbuli 141:2

Ganha okusaba kwange kukutuukeku ng'oti n'akawoowo ak'obubbaani, n'emikono gyange gye nsituliire y'oli gibe ng'oti n'omusengo ogw'eigulo.

Okuvaayo 24:1

Agho Musengwa Katonda yaakoba Musa ati: “Iwe, ni Aaroni, ni Nadabu, ni Abihu, aghalala n'abakulu ab'ebikunsu mu Isiraeli nsanvu, muniine olusozi nga mwidha ye ndi nze. Aye bwe munaaba nga mukaali ghalaku, musooke mukube amakiryaivu munsinze.

Okuvaayo 24:9

Agho Musa, ni Aaroni, ni Nadabu, ni Abihu, ghalala n'abakulu ab'ebikunsu mu Isiraeli nsanvu, baaniina olusozi

Okuvaayo 27:3

Ogikolereku obulobo obw'okusuulangamu eivu ery'amasavu. Ogikolereku n'ebitiiyo, n'ebibya eby'okutaamu omusaayi ogw'okumansira, n'ebyuma eby'amaino ng'oti wuuma, n'ebintu eby'okutwalirangaku amanda agaliku omuliro. Ebintu ebikozesebwa ku alutaari byonabyona, oidha kubikola mu kyuma eky'e kikomo.

Okuvaayo 28:1

Agho Musengwa Katonda yaalagira Musa ati: “Mu bantu boonaboona Abaisiraeli oidha kulondamu Aaroni muganda wo, ni batabane, Nadabu, ni Abihu, ni Eleazari, ni Ithamari, obaawule bampeereze nga bakabona.

Okuvaayo 31:11

n'omuzigo ogw'okusiiga, n'obubbaani obuwunha akawoowo obw'okuniokeza mu Kifo Ekitukuvu. Ebyo byonabyona biri na kukolebwa nga bwe nakulagira.”

Okuvaayo 37:29

Era yaakola omuzigo ogusiigibwa omutukuvu, n'obubbaani obuwunha akawoowo obusinga bulungi, bweyatabula ng'oti ni bwe batabula ebizigo eby'okwesiiga.

Okuvaayo 38:3

Yaakola ebikozesebwa ku alutaari eyo byonabyona mu kyuma ky'ekikomo, era ni bino: obulobo obw'okusuulangamu eivu ery'amasavu, n'ebitiiyo, n'ebibya eby'okutaamu omusaayi ogw'okumansira, n'ebyuma eby'amaino ng'oti wuuma, n'ebintu eby'okutwalirangaku amanda agaliku omuliro.

Okuvaayo 40:27

Era yaaniokezaaku obubbaani obuwunha akawoowo nga Musengwa Katonda bweyamulagira.

Okuvaayo 6:23

Aaroni yaafuna omukazi nga bamweta Elisheba, mughala wa Amminadabu era nga mwanhina Nahashoni. Baazaala abaana era nga ni bano: Nadabu, Abihu, Eleazari ni Ithamari.

Okuvaayo 8:27

Tuteekwa kuja mu irungu nga tutambula olugendo olumala enaku eisatu memale tugheereyo eyo emisengo ye Musengwa Katonda waife, nga mwene bw'alitulagira.”

Yeremia 19:5

Era baaja baazimbira omusambwa Baali ebifo ebigulumivu ebisinzibwamu, eby'okwokerangaku abaana baibwe n'omuliro ng'ebigheebwayo ebyokebwa. Ate nga nze tibalagirangaku kukola kintu ekyo, waire okukirowoozaaku obulowooze mu mwoyo gwange.

Yeremia 32:35

Era baaja baazimbira omusambwa Baali ebifo ebigulumivu eby'okusinzizaamu, mu kyetebwa Ekiiko ekya mutabane wa Hinnomu, baayokeranga okwo batabane baibwe ni baghala baibwe n'omuliro. Ate nga nze tibalagirangaku kukola kintu kyenhinhalwa ekyo, waire okukirowoozaaku obulowooze mu mwoyo gwange. Kale baaleetera abantu b'omu Buyudaaya okwonoona.”

Yeremia 44:15

Agho abasaadha boonaboona abaamanha nga bakazi baibwe baaniokezanga bakatonda obubbaani, n'abakazi boonaboona abaali beesoloiza nga beemereire agho, ghalala n'Abaisiraeli kamaala abaali nga baba mu biketezo bya Misiri ebiri ku luuyi olw'omukono omusaadha olw'e buvandhuba, bankoba bati:

Yeremia 44:8

Lwaki munsungughaza n'ebyo bye mukola, nga muniokeza obubbaani bakatonda ab'omu nsi Misiri ye mwaja okuba? Lwaki muli kukola ebyo okwereetera imwe beene okuzikirira, n'okuleetera abamaghanga agandi okuboogerangaku imwe nga babayeeyereza era nga bwebabakolimira?

Yeremia 7:31

Era baaja baazimba ebifo ebigulumivu eby'okusinzizaamu e Tofethi, mu kyetebwa Ekiiko ekya mutabane wa Hinnomu, baayokeranga mu muliro batabane baibwe ni baghala baibwe. Ate nga nze tibalagirangaku kukola kintu ekyo, waire okukirowoozaaku obulowooze mu mwoyo gwange.

Abalevi 16:1

Musengwa Katonda yaayogera ni Musa, nga Aaroni amaze okufiirwa batabane be ababiri, bwe baaseeta mu maiso ga Musengwa Katonda mu nsambo etaasiimya Musengwa Katonda oyo eyamala n'abaita.

Abalevi 16:12

anaatoolanga ekiniokezebwaku obubbaani ekiidhwire amanda ag'omuliro g'atoire ku alutaari mu maiso ga Musengwa Katonda, n'emiganda ebiri egy'obubbaani obw'akawoowo obusekwirwa einho, yaabireeta munda mw'olutimbe.

Abalevi 22:9

“Bakabona boonaboona banaatuukirizanga bye mbalagira, balobenga kwonoona ni bafa olw'okubinhooma. Ninze Musengwa Katonda abafuula abatukuvu.

Abalevi 9:24

Amangu ago Musengwa Katonda yaasindika omuliro, gwayokya ekigheebwayo ekyokebwa era n'amasavu ku alutaari. Abantu bwe baagubona, boonaboona baawowoigana, baakutama n'ebyeni byatuuka ku itaka.

Okubala 16:46

Musa yaakoba Aaroni ati: “Toola ekiniokezebwamu obubbaani ekikyo, okiteemu omuliro okuva ku alutaari era ote obubbaani ku muliro ogwo. Bw'omala okitwale mangu eri abantu okole omukolo ogw'okubatoolaku ebibi; kuba obusungu bwa Musengwa Katonda bumaze okubatuukaku era endwaire embi etooleire okubaita.”

Okubala 26:61

Aye Nadabu ni Abihu baafa, bwe baaleeta omuliro ogutali mutukuvu mu maiso ga Musengwa ng'ekigheebwayo.

Okubala 4:18

“Mutalekanga bantu basimuka mu Kohathi kufa kuwaagho mu Balevi.

Amateeka Agokubiri 12:32

“Mufubenga okutuukiriza buli kye mbalagira. Mutabangaku kye mwongeraku, waire kye mukendeezaaku.

Amateeka Agokubiri 17:3

Yaaja yaakubira amakiryaivu ebintu Musengwa Katonda bye yalobera okusinza, bino: bakatonda, oba endhuba, oba omwezi, oba edhindi ku muunienie.

Amateeka Agokubiri 4:2

Mutayongeranga kintu kyonakyona ku bye ndi kubalagira, waire okubikendeezaaku. Mugemenga ebiragiro bya Musengwa Katonda waimwe bye ndi kubagha.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.