Abalevi 1:4 - Baibuli Ekibono kya Katonda 2014

⁴ Omuntu oyo aidha kutanga omukono gwe ku mutwe gwayo, olwo Musengwa Katonda asiimenga omusengo gwe, olw'okutoolebwaku ebibi bye.

Abalevi 1:4 Iomraidhean Croise

Okuvaayo 28:38

Era kaidha kubanga mu bweni bwa Aaroni okwoleka nti aikiriiza okwetwika ensobi dhoonadhoona edhisobola okukolebwa mu kughaayo ebigheebwayo ebitukuvu, Abaisiraeli bye bampa nze Musengwa Katonda, olwo mbe nga mbiikiriza.

Okuvaayo 29:10

“Bw'omala oidha kuleeta ente ere enume emberi ow'Eweema ey'Okwagaananirangamu ni Musengwa Katonda, Aaroni ni batabane bate emikono gyaibwe ku mutwe gwayo.

Okuvaayo 29:15

“Bw'omala ekyo, oidha kuleeta entaama enume esooka, Aaroni ni batabane bagiteeku emikono gyaibwe ku mutwe,

Okuvaayo 29:19

“Bw'omala ekyo oidha kuleeta entaama ere enume eyokubiri, Aaroni ni batabane bate emikono gyaibwe ku mutwe gwayo,

Okuvaayo 29:33

Baidha kulyanga ebintu ebyo ebinaaba bigheereibwayo ng'omusengo olw'ebibi byaibwe ku mukolo ogw'okubaawula. Era atali kabona atabiryangaku, kuba bitukuvu.

Isaia 56:7

“Ndibatwala ku Sioni olusozi lwange olutukuvu, naabagha eisanhu mu ndhu yange ey'okusinzizaamu. Ebigheebwayo byaibwe ebyokebwa n'emisengo gyaibwe ndibiikiriza ku alutaari yange, kuba endhu yange enaayetebwanga ndhu ya kusinzizaamu ab'amaghanga goonagoona.”

Ezekieli 45:15

Ku ntaama edhiri mu byayiro mu nsi Isiraeli, mwidha kughangayo entaama ndala ndala ku buli ntaama ebikumi ebibiri (200). Ebyo n'ebinaabanga ebigheebwayo eby'emere ey'empeke, n'ebigheebwayo ebyokebwa, n'ebigheebwayo olw'okutabagana, abantu basoniyibwe ebibi byaibwe. Nze Musengwa Katonda ninze nkobye.

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Abalevi 16:21

Anaatanga emikono gye gyombi ku mutwe gw'embuzi eyo enamu, yaalaamiriza ng'ayatula ebyonoono n'ebibi eby'Abaisiraeli n'obudheemu bwonabwona yaabisindika ku mutwe gwayo, olwo yaagisindiikiriza mu irungu ng'etwalibwa omuntu eyategekebwa okukola ekyo.

Abalevi 16:24

Anaanaabiranga omubiri mu Kifo Ekitukuvu ekyo, yaavaala ebivaalo bye ebyabuliidho, yaafuluma, yaaghaayo ekigheebwayo ekyokebwa ekikye, n'ekigheebwayo ekyokebwa eky'abantu, olw'okutoolagho ebibi ebibye n'eby'abantu boonaboona.

Abalevi 22:21

Omuntu bw'anaaghangayo eri Musengwa Katonda omusengo olw'okutabagana ng'atuukiriza kye yeeyama, oba ng'aghaayo gwa kyeyendere, ensolo enaateekwanga okuba ng'eziraku kikyamu kyonakyona, memale Musengwa Katonda yaagisiima.

Abalevi 22:27

“Ente, oba entaama, oba embuzi, bw'enaazaalibwanga, enaalekebwanga yaayonka inhina waayo okumala enaku musanvu. Okuva ku lunaku olwomunaana n'okweyongerayo, enaikirizibwanga okuba ekigheebwayo eri Musengwa Katonda ekyokebwa.

Abalevi 3:13

Aidha kutanga omukono gwe ku mutwe gwayo, era anaagiitiranga agho emberi w'Eweema ey'Okwagaananirangamu ni Musengwa Katonda. Agho bakabona ab'oku lulyo lwa Aaroni banaamansiranga omusaayi gwayo ku ndhuyi dhoonadhoona edh'alutaari.

Abalevi 3:2

Omuntu oyo aidha kutanga omukono gwe ku mutwe gwayo, era anaagiitiranga agho ku mulyango gw'Eweema ey'Okwagaananirangamu ni Musengwa Katonda. Agho bakabona ab'oku lulyo lwa Aaroni banaamansiranga omusaayi gwayo ku ndhuyi dhoonadhoona edh'alutaari.

Abalevi 3:8

Anaatanga omukono gwe ku mutwe gwayo, yaagiitiranga agho emberi w'Eweema ey'Okwagaananirangamu ni Musengwa Katonda. Agho bakabona ab'oku lulyo lwa Aaroni banaamansiranga omusaayi gwayo ku ndhuyi dhoonadhoona edh'alutaari.

Abalevi 4:15

Era abakulu ab'ebikunsu banaatanga emikono gyaibwe ku mutwe gwayo, nga bali mu maiso ga Musengwa Katonda, era baagiitira agho.

Abalevi 4:20

Anaakolanga ku nte eyo nga bw'akola ku nte ey'ekigheebwayo olw'ebibi, olwo agheeyo omusengo olw'ebibi by'abantu abo basoniyibwe.

Abalevi 4:24

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, agho mu maiso ga Musengwa Katonda aghaitirwa ensolo edh'ebigheebwayo ebyokebwa; ekyo n'ekigheebwayo olw'ebibi.

Abalevi 4:26

Amasavu gaayo goonagoona anaagookeranga ku alutaari, ng'oti ni bw'ayokya amasavu ag'ekigheebwayo olw'okutabagana. Atyo Kabona bw'anaaghangayo omusengo olw'ekibi ky'omufuzi, era omufuzi oyo aidha kusoniyibwanga.

Abalevi 4:29

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, agho mu maiso ga Musengwa Katonda, aghaitirwa ensolo edh'ebigheebwayo ebyokebwa.

Abalevi 4:31

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu nsolo ey'ekigheebwayo olw'okutabagana. Olwo kabona yaagookera ku alutaari, gaavaamu akawoowo akasangaaza Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Abalevi 4:33

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, aghaitirwa ensolo edh'ebigheebwayo ebyokebwa.

Abalevi 4:35

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu ntaama egheebwayo olw'okutabagana. Olwo kabona yaagookera ku alutaari ghalala n'eby'okulya ebigheebwayo eri Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Abalevi 4:4

Aidha kugireetanga ku mulyango gw'Eweema ey'Okwagaananirangamu ni Musengwa Katonda, era anaatanga omukono gwe ku mutwe gwayo, yaagiitira agho mu maiso ga Musengwa Katonda.

Abalevi 5:6

Era anaaleetanga eri Musengwa Katonda entaama enkazi oba embuzi ng'omutango olw'omusango ogwo gw'aiziiza. Kabona anaaghangayo ebintu ebyo byaba ekigheebwayo ng'omutango olw'ekibi eky'omuntu oyo.

Abalevi 6:7

Kabona anaaghangayo omusengo olw'omuntu oyo mu maiso ga Musengwa Katonda, era omuntu oyo anaasoniyibwanga.”

Abalevi 8:14

Agho Musa yaaleeta ente egheebwayo olw'ebibi, Aaroni ni batabane be baata emikono gyaibwe ku mutwe gwayo.

Abalevi 8:18

Agho Musa yaaleeta entaama enume ey'ekigheebwayo ekyokebwa. Aaroni ni batabane be, baata emikono gyaibwe ku mutwe gwayo.

Abalevi 8:22

Agho Musa yaaleeta entaama enume eyokubiri, ey'okwawulibwa kwa bakabona. Aaroni ni batabane be baata emikono gyaibwe ku mutwe gwayo.

Abalevi 9:7

Agho yaakoba Aaroni ati: “Ja kumpi n'alutaari, ogheeyo ekigheebwayo olw'ebibi, ogheeyo omusengo olw'ebibi byo n'olw'ebibi eby'abantu. Ghaayo ekigheebwayo eky'abantu, era ogheeyo omusengo olw'ebibi byaibwe, nga Musengwa Katonda bweyalagira.”

Okubala 15:25

Agho kabona akolanga omukolo ogw'okutoolebwaku ebibi, olw'Abaisiraeli boonaboona okusoniyibwanga, kuba ekisobyo ekyo tikyali kigenderere ate nga bandeeteire nze Musengwa Katonda ekigheebwayo kyaibwe ekyokebwa n'ekigheebwayo olw'ebibi, olw'ekisobyo kyaibwe ekyo.

Okubala 15:28

Kabona akoleranga mu maiso gange, nze Musengwa Katonda, omukolo ogw'okutoolebwaku ebibi olw'omuntu akoze ekibi nga tagendereire, era omuntu oyo asoniyibwanga.

Okubala 25:13

emufuula mwene n'eizaire eririmwiririra okubanga bakabona olubeerera; kuba enkikidi yamugema ku lwange nze Katonda we, era yaaleetera Abaisiraeli okutoolebwaku ekibi kyaibwe.”

Okubala 8:10

Bw'onaaba oghaayo Abalevi ye nze Musengwa Katonda, Abaisiraeli baidha kuta emikono gyaibwe ku Balevi abo,

Okubala 8:12

Agho Abalevi baidha kugema ku mitwe egy'ente enume dhombi, eyindi mugigheeyo ng'ekigheebwayo olw'ebibi ate eyindi mugigheeyo ng'ekigheebwayo ekyokebwa. Olwo Abalevi batoolebweku ebibi byaibwe.

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

Ab'e Roma 3:25

Olw'okufa kwe Katonda yamutaagho okuba omutango ogw'ebibi by'abaikiriza. Katonda yakola kino olw'okwoleka obutuufu bwe, kuba olw'okuguminkiriza kwe, ebibi by'abantu eby'eira tiyabiringiriza.

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

Abaheburayi 10:4

kuba omusaayi gw'ente enume n'ogw'embuzi tigusobola kutoolagho bibi.

1 Yoanne 2:2

Oyo n'omutango ogw'ebibi byaife, ate ti bibi byaife byonka aye n'ebibi eby'abantu abandi boonaboona.