Abalevi 1:2 - Baibuli Ekibono kya Katonda 2014

² “Kobera Abaisiraeli oti bweghabangagho omuntu yeenayeena mu imwe aghaayo omusengo eri Musengwa Katonda, aidha kugughangayo ng'atoola mu byayo bye.

Abalevi 1:2 Iomraidhean Croise

Amainhama 4:3

Ekiseera nga kibiseegho Kaini yaaleeta ku makungula ge, yaagaghaayo eri Musengwa Katonda.

Amainhama 4:5

Aye yaaloba kusiima Kaini n'ekigheebwayo kye. Agho Kaini yaatuubatuuba olw'obusungu obungi.

1 Ebyomubyanda 16:29

Mughe eriina lya Musengwa Katonda ekitiisa ekirigwaniire; mwidhe mu maiso ge era mumuleetere ebigheebwayo. Musinze Musengwa Katonda mu butukuvu bwe,

Ezera 3:5

Bwe baamalanga ekyo baayongeranga okughaayo ebigheebwayo ebya buli lunaku ebyokebwa byonabyona okuwaagho, n'ebigheebwayo ku mbaga edh'Ekibinuko eky'Okuboneka kw'Omwezi, n'ebigheebwayo ku mbaga edh'ebibinuko ebindi Musengwa Katonda bye yalagira, n'ebigheebwayo ebya buli muntu eby'ekyeyendere.

Okuvaayo 20:24

Nzimbira alutaari ey'eitaka era ogheereyo ku alutaari okwo entaama, oba embuzi, oba ente, ng'ekigheebwayo ekyokebwa, era n'ekigheebwayo olw'okutabagana. Mu kifo kyonakyona kye nnaasalangagho okunsinzizaamu, ndidha kwidhanga nkughe enkabi.

Okubala 15:3

Bwe munaayendanga okugha nze Musengwa Katonda ekigheebwayo okuva mu nte dhaimwe, oba mu ntaama dhaimwe, oba mu mbuzi dhaimwe, ng'ekigheebwayo ekyokebwa, oba ng'omusengo ogugheebwayo olw'okutuukiriza obweyamo, oba ng'ekigheebwayo eky'ekyeyendere, oba nga muli ku mbaga edh'ebibinuko ebyalagirwa, akawoowo ak'ebigheebwayo ebyo kaidha kunsangaazanga nze Musengwa Katonda.

Okubala 5:15

Bwe kinaabanga kityo, iba anaamutwalanga ye kabona era yaatwala n'ekigheebwayo ekimwetaagibwaku nga kya kilo ndala ey'obuwunga bwa sayiri, aye taabufukengaku muzigo waire okubutaaku obubbaani, kuba ekyo n'ekigheebwayo eky'emere ey'empeke olw'eibuba, ekigheebwayo olw'okwidhusa ekibi.

Okubala 7:15

ente ento enume ndala, entaama ento enume ndala ey'omwaka omulala, n'entaama enume ndala enkulu; ekyo nga n'ekigheebwayo ekyokebwa.

Mariko 7:11

Aye imwe mukoba muti ole bw'akoba ise oba inhina ati kyonakyona kye nandikughaire kiri ‘Korubani’, ekitegeeza kiti nakisengamu Katonda,

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

Ab'e Roma 12:6

Kale nga bwe tuli n'ebirabo eby'endhawulo olw'ekisa kya Katonda, tubikozesenga. Oba twagheebwa kya bulanzi, tukoberenga abantu ekibono kya Katonda ng'okwikiriza kwaife bwe kuli.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.