Abalevi 1:10 - Baibuli Ekibono kya Katonda 2014

¹⁰ “Bw'anaabanga ng'aja kughaayo musengo ogwokebwa omulomba, ng'atoola mu ntaama dhe oba mu mbuzi dhe, aidha kughangayo enume eziraku kikyamu kyonakyona.

Abalevi 1:10 Iomraidhean Croise

Amainhama 4:4

Abeli yeena yaaleeta ku ntaama dhe edhaazaalibwa mu nzaalo edhisooka, yaadhiita, yaghaayo amasavu gaadho. Musengwa Katonda yaasiima Abeli n'ekigheebwayo kye.

Amainhama 8:20

Agho Noa yaazimbira Musengwa Katonda alutaari, era yatoola ku buli nsolo nongoofu, ni ku buli nhonhi nongoofu, yaaghaayo ebigheebwayo ebyokebwa ebiromba ku alutaari.

Okuvaayo 12:5

Entaama oba embuzi ye muba musazeegho okwita, eteekwa kuba nga nume ey'omwaka omulala era ng'eziraku kikyamu kyonakyona.

Ezekieli 43:22

Ku lunaku olwiririra, olighaayo embuzi enume eziraku kikyamu kyonakyona, yaaba ekigheebwayo olw'ebibi. Olwo alutaari baliba bagitukwiza n'omusaayi gw'embuzi eyo, nga bwe baagitukuza n'ogw'ente enume.

Abalevi 14:10

“Ku lunaku olwomunaana anaaleetanga entaama ento enume ibiri, n'entaama enduusi ndala ey'omwaka omulala, dhoonadhoona nga dhiziraku kikyamu kyonakyona. Era anaaleetanga kilo isatu edh'obuwunga bw'engaano obuseereibwa obukalamu, nga butabwirwamu omuzigo ogw'ebibala eby'emiti emyoliva. Era yaaleeta ekitundu kirala kirala ku buli bitundu bisatu ebya lita ey'omuzigo ogw'ebibala eby'emiti emyoliva.

Abalevi 16:3

Aye anaingiranga mu Kifo Ekitukuvu ng'ali n'ente enume entototo ey'ekigheebwayo olw'ebibi, n'entaama enume ey'ekigheebwayo ekyokebwa.

Abalevi 16:5

“Abantu Abaisiraeli banaaghanga Aaroni embuzi enume ibiri edh'ekigheebwayo olw'ebibi, n'entaama enume ndala ey'ekigheebwayo ekyokebwa.

Abalevi 22:19

kinaateekwanga okuba nga kya nte nume, oba mbuzi nume, oba ntaama nume, ng'eziraku kikyamu kyonakyona, memale Musengwa Katonda yaaganha okukisiima.

Abalevi 23:12

Era ku lunaku lwe munaagheerangayo ekinhwa ky'engaano ekyo, munaaghangayo eri Musengwa Katonda entaama enume ento ng'ekigheebwayo ekyokebwa, ng'eziraku kikyamu kyonakyona, era nga ya mwaka mulala gwonka.

Abalevi 3:1

“Omuntu bw'anaaghangayo ekigheebwayo olw'okutabagana, aidha kughangayo ente enkazi oba enume ng'eziraku kikyamu kyonakyona.

Abalevi 4:23

bw'anaamanhisibwanga ekibi kye, aidha kuleetanga ekigheebwayo kye nga kya mbuzi nume eziraku kikyamu kyonakyona.

Abalevi 4:3

Omukulu wa Bakabona bw'anaabanga nga n'akoze ekibi, mu nsambo eyo n'aleeta ku bantu omusango, aidha kughangayo eri Musengwa Katonda olw'ekibi kye, ente enume entototo ng'eziraku kikyamu kyonakyona.

Abalevi 5:15

“Omuntu bw'anaakolanga ekibi nga tagendereire, olw'obutaghaayo ebitukuvu by'ateekwa okughaayo eri Musengwa Katonda, anaaleetanga eri Musengwa Katonda entaama enume, oba embuzi eziraku kikyamu kyonakyona ebe ekigheebwayo ng'omutango. Omughendo ogw'empiiya oguja mu nsolo eyo, gunaabalirirwanga mu mbala entongole ey'eisinzizo.

Abalevi 9:2

yaakoba Aaroni ati: “Twala ente enume ento, n'entaama enume, dhombi nga dhiziraku kikyamu kyonakyona, oje odhigheeyo eri Musengwa Katonda ente eyo enume ebe ekigheebwayo olw'ebibi, n'entaama eyo enume ebe ekigheebwayo ekyokebwa.

Malaki 1:14

Omuntu omukupankupania akolimirwenga, oyo eyeeyama okughaayo ensolo enume enungi y'ali nayo mu kisibo kye, aye ate n'amala n'aghaayo eriku ekikyamu. Akolimirwenga kuba nze Musengwa Katonda Afuga Amagye ndi kyabazinga mukologho, era abantu ab'amaghanga goonagoona bantya.”

Okubala 15:5

Era aidha kughangayo e lita ey'omwenge ogw'emizabbibu ng'ekigheebwayo eky'ebyokunhwa. Ekyo kye mwidha okutegekanga kijiirenga ghalala na buli kigheebwayo ekyokebwa oba omusengo ogw'entaama ento.

Okubala 19:2

“Kino n'ekiragiro ekiri mu mateeka nze Musengwa ge nataagho: Mukobe Abaisiraeli babaleetere ente eya langi ya kasaayisaayi eziraku kikyamu kyonakyona, era etakozesebwangaku mulimo gwonagwona.

Okubala 6:14

Aidha kughangayo ye Musengwa Katonda ensolo isatu edhiziraku kikyamu kyonakyona, dhino: entaama ento enume ey'omwaka omulala ebe ekigheebwayo ekyokebwa; n'entaama ento enduusi ebe ekigheebwayo olw'ebibi; era n'entaama enume ebe ekigheebwayo olw'okutabagana.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

1 Petero 1:19

Kyali omusaayi gwa Kurisito ogw'omughendo einho, ali ng'oti n'entaama ento eziraku kamogo waire kimyamya.