Abalamuzi 8:3 - Baibuli Ekibono kya Katonda 2014

³ Kuba imwe Katonda abaghaire okwita abalangira ababiri, Orebu ni Zeebu, ab'e Midia. Aye nze katyo nkoze ki ekyagayaga n'ekyo?” Bwe yamala okwogera ebyo obusungu bwabawaaku.

Abalamuzi 8:3 Iomraidhean Croise

Zabbuli 115:1

Aa Musengwa Katonda, ti niife abagwaniire okugheebwa ekitiisa, ti niife naire naire. Aye niiwe oteekwa okugheebwa ekitiisa, olw'okugonza kwo okutakoma n'obwesigwa bwo.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Ensambo 15:1

Omuntu airamu nga yeewooya amalagho obusungu, aye ole ayogera n'eikabyo abusiikuula busiikuule.

Ensambo 16:32

Omuntu alwagho okusungughala aba muzira okuwula omulwani ow'amaani, n'ole eyeefuga mu mwoyo gwe awula ole aghangula ekibuga ekiramba.

Ensambo 25:11

Ekibono ekyogeirwa mu kiseera ekituufu, kiba kirungi ng'oti ni zaabu atoneibwatoneibwa mu feeza.

Ensambo 25:15

Omuguminkiriza aikirizisa omufuzi okukola ekintu, n'olulimi olw'okwewooya lwaghangula ebizibu.

Yoanne 4:37

Agho ni ensambo eno ntuufu ekoba eti, ‘Owundi asimba owundi yaakungula.’

Ab'e Roma 12:3

Olw'ekisa Katonda kye yampa, nkoba kiisi mulala ku imwe obuteetwala nga wa kitalo. Aye yeebisenga bukalamu ng'ajiira ku kigero eky'okwikiriza Katonda kye yamugha.

Ab'e Roma 12:6

Kale nga bwe tuli n'ebirabo eby'endhawulo olw'ekisa kya Katonda, tubikozesenga. Oba twagheebwa kya bulanzi, tukoberenga abantu ekibono kya Katonda ng'okwikiriza kwaife bwe kuli.

Ab'e Filippi 2:3

Timukolanga kintu kyonakyona nga mwefaaku mwenka oba olw'okwenda bababone babasaake. Aye mu kwefeebya buli muntu atwale abandi nga n'abamusinga.

Abalamuzi 8:2

Aye yaabakoba ati: “Kye nakola kitono inho, bw'okigerangerania n'ekyo imwe kye mukoze. Imwe abantu aba Efuraimu kye mukoze, kisinga ghala ekyo ife ab'endhu ya Abiezeri kye tukoze.

Abalamuzi 8:4

Agho Gideoni n'abasaadha be ebikumi ebisatu baatuuka ku mwiga Yorudani, baagusomoka nga bakoowu, aye baasigala nga bakaabingirira omuzigu.