Abalamuzi 7:3 - Baibuli Ekibono kya Katonda 2014

³ Mpegaano ni, langirira mu bantu oti, ‘Kiisi awulira ng'atya era ng'adhugumira, aireyo ewaibwe.’ ” Kale Gideoni yaabaleba atyo, era abantu emitwalo ebiri n'enkumi ibiri (22,000) bairayo ewaibwe. Abantu omutwalo mulala (10,000) n'abaasigala.

Abalamuzi 7:3 Iomraidhean Croise

Matayo 13:21

Aye ng'azira mizi, era asigala atyo akaseera katono. Ebizibu oba okukirigibwa bwe bibaagho olw'ekibono, mangu ago ng'alekayo.

Matayo 20:16

“Kale ab'ensembo batyo bwe baliba ab'emberi ate n'ab'emberi baaba ab'ensembo.”

Amateeka Agokubiri 20:8

“Abakulu mu igye era baneeyongeranga okukoba abalwani bati, ‘Ghano ghaligho omuntu atiire ng'awoiremu omwoyo? Bw'aba ng'aligho, aireyo eka kuba tomanha bw'amala mu baine mwoyo.’

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Abalamuzi 6:35

Yaatuma abakwenda mu biketezo bya Manasse byonabyona okubeeta baidhe bamweyimbeku. Era yaatuma abakwenda ni y'ekika kya Asheri, n'ekya Zebuluni, n'ekya Nafutali, boona baidha baamweyimbaku.