Abalamuzi 7:2 - Baibuli Ekibono kya Katonda 2014

² Musengwa Katonda yaakoba Gideoni ati: “Abantu abali n'iwe babitiriire obungi, nze okubagha okughangula Abamidia, kuba baghanga okuneesuutiraku nga bakoba bati baghangwire lwa maani gaibwe.

Abalamuzi 7:2 Iomraidhean Croise

Amainhama 46:2

Katonda yaayogera ni Isiraeli oyo, nga amubonekeire obwire, yaakoba ati: “Yakobo, Yakobo!” Yakobo yaavugira ati: “Ndi ghano!”

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

Isaia 10:13

Kyabazinga oyo yeesuuta ati, “Ebyo nze nabikola lwa maani gange, na lwa magezi gange, kuba ndi mugezigezi. Namala okutoolagho ensalosalo edh'amaghanga, naanhagulula eby'obukombe byago, naadhooga abantu baago, naabatoola ku bityamo eby'obwakyabazinga ng'oti nte nume etyankirira isubi.

Isaia 2:11

Olunaku lwidha kutuuka, okwekuluntaza okuli mu bantu kumalibwegho, n'okwegulumiza kwaibwe kusaanizibwegho. Ku olwo, Musengwa Katonda yenka n'aligulumizibwa.

Isaia 2:17

Okwekuluntaza okuli mu bantu kulimalibwagho, n'okwegulumiza kwaibwe kwasaanizibwagho. Ku olwo Musengwa Katonda yenka n'aligulumizibwa.

Yeremia 9:23

Musengwa Katonda akoba ati: “Abagezi balobe kwesuuta lwa magezi gaibwe, n'ab'amaani bateesuuta lwa maani gaibwe, waire abakombe okwesuuta olw'obukombe bwaibwe.

Ezekieli 28:17

Weekudumbaza olw'obulungi obw'emboneka yo. Ebitiibwa bye wali nabyo byakuleetera okwebisa ng'omusiru. Kyenava ni nkusuula ghansi ku itaka, naakuleka agho, bakyabazinga abandi baakwerolera beene n'amaiso gaibwe.

Ezekieli 28:2

“Iwe omuntu, kobera omufuzi ow'e Tiro oti nze Musengwa Katonda ndi kumukoba nti: Olw'okwekudumbaza kw'oli nakwo, weeyeta katonda. Okoba oti niiwe otyama ku kityamo kya bakatonda, eyo ghagati mu nhandha. Ate nga oli muntu buntu toli katonda naire, waire nga weetwala okuba ng'oli katonda mulamba.

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Habakkuku 1:16

Era baaghaayo n'emisengo eri obutimba bwaibwe obutono, baaniokeza obutimba bwaibwe obunene obubbaani; kuba ebyo n'ebibafunisa ebirungi mu bulamu era ni balya emere esinga bulungi.

Zekaria 12:7

“Nze Musengwa Katonda ndisooka kuleetera magye ga Buyudaaya okughangula, olwo ekitiisa baidhukulu ba Daudi n'abantu b'omu Yerusalemu kye balifuna, kirobe kusinga ekyo abantu b'omu Buyudaaya abandi boonaboona kye balifuna.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Okubala 31:4

Mulonde abantu lukumi (1,000) okuva mu buli kika ky'Abaisiraeli, baje balwane.”

Ab'e Roma 11:18

kale ni tiweesuutiranga ku nsaga edho. Bw'obanga weesuuta oidhukiranga nga ti niiwe ogemereire ekikolo, aye ekikolo n'ekikugemereire.

Ab'e Roma 3:27

Kale ekikuleetera okwesuuta kiri gha? Kiziragho. Lwaki kiziragho? Olw'okuba nga tugema Amateeka? Busa naire, aye lwa kuba twikiriza

2 Ab'e Korintho 4:7

Aye ife abali oti nsugha dha itosi, niife abali n'obukombe buno, kino kisobole okwoleka ng'amaani amabitirivu ag'Amawulire Amalungi bwe gali aga Katonda se ti agaife.

Ab'Efeso 2:9

Tikyava mu bikolwa byaimwe, ghalobe kubaagho yeetuusa.

Amateeka Agokubiri 32:27

Aye naatya nti abazigu baibwe ababakyagha baidha kwesuuta ebiziramu, bati beene n'ababaghangwire se ti nze Musengwa Katonda.’

Amateeka Agokubiri 8:17

Kale ni mulobenga kukoba mule muti, “Amagezi gaife n'amaani gaife n'ebitufuniisa obukombe.”

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”