Abalamuzi 5:3 - Baibuli Ekibono kya Katonda 2014

³ Muwulire imwe bakyabazinga, mutege amatu imwe abafuzi; ndidha kwembera Musengwa Katonda, Katonda wa Isiraeli, olwembo.

Abalamuzi 5:3 Iomraidhean Croise

Amainhama 6:17

kuba bona, ndidha kuleeta omwidhuzo gw'amaadhi ku nsi guzikirize kiisi kiri na bulamu ekiri ghansi gh'eigulu. Buli kintu ku nsi kiidha kufa.

Amainhama 9:9

“Bona, ndi kukola endagaano yange n'imwe, era n'eizaire lyaimwe erinairangagho

1 Bakyabazinga 18:22

Agho Eliya yaakoba abantu ati: “Ninze zenka omulanzi wa Musengwa Katonda akaasigairegho, aye abalanzi ba Baali bali ebikumi bina n'ataanu.

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

1 Bakyabazinga 19:14

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

Ezera 7:21

“Era nze kyabazinga Arutazerizesi ndi kugha ekiragiro abaghanika ab'ebiketezo Siria ni Foenikia, nti Ezera kabona eyasoma n'akuguka mu Mateeka ga Katonda ow'eigulu, bamughenga buli kintu kyonakyona ky'anaasabanga bakimukolerenga, aghazira kwegemya nsonga yoonayoona.

Zabbuli 119:46

By'okoba byonabyona ndidha kubikoberanga bakyabazinga, nga ghazira kingemya nsoni.

Zabbuli 146:2

Nze ndidha kusaakanga Musengwa Katonda obulamu bwange bwonabwona, era nhembenga enhembo edhisaaka Katonda wange nga nkaali mulamu.

Zabbuli 27:6

Olwo mbe nga mpangwire abazigu bange abaneezungulwire; olwo nkube emizira nga mpaayo emisengo mu ndhu ye, era nhembere Musengwa Katonda enhembo edhimusaaka.

Zabbuli 61:8

Nze ndidha kwembanga enhembo edhisaaka eriina lyo, nga bwempaayo kye neeyama buli kaakyeire.

Okuvaayo 31:6

Era naamulonderaku Oholiabu mutabane wa Ahisamaka ow'ekika kya Dani. Era naagha ekitone eky'obusobozi abo boonaboona abakozi ab'amagezi, baghange okukola ebyo byonabyona bye ndi kulagira okukola.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Amateeka Agokubiri 32:1

“Iwe eigulu, ntegera kutu ndhogere, n'iwe ensi, wulirisa bye nkoba.

Amateeka Agokubiri 32:3

Ndidha kukobera abantu nga Musengwa Katonda bw'ali omukologho, ndhatule nga Katonda waife bw'ali omubbede.

Abalamuzi 5:7

Ebyalo byawaamu abantu byawolongera, okutuusa iwe Debora lwe waidha, nga inhina wa Isiraeli.