Abalamuzi 3:3 - Baibuli Ekibono kya Katonda 2014

³ Abantu abaalekebwa mu nsi eyo ni bano: abantu ab'omu bibuga eby'Abafilisiti ebitaanu n'abafuzi baibwe, n'Abakanaani boonaboona, n'Abasidoni, n'Abahivi abatyamye b'omu nsozi dh'omu Lebanoni, okuva ku lusozi Baali Herimoni okutuuka gh'oingirira e Hamathi.

Abalamuzi 3:3 Iomraidhean Croise

Amainhama 49:13

Zebuluni aidha kubanga kumpi n'enhanda. Ku bukalu bwe n'okunaabanga omwalo gw'amaato. Ensalosalo ye eidha kubanga ku Sidoni.

2 Samueli 24:7

Agho baatuuka e Tiro mu kifo eky'okwewogomamu, baamala baaja mu bibuga byonabyona eby'Abahivi n'Abakanaani, era baaja baabita mu kiketezo kya Buyudaaya ekikalukalu ku luuyi olw'omukono omusaadha olw'e buvandhuba, baatuuka e Beerisheba.

1 Bakyabazinga 8:65

Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

1 Bakyabazinga 9:20

Ghaaligho abantu abaawonagho abataali Baisiraeli, nga n'omuli Abamori, Abahitti, Abaperizzi, Abahivi, n'Abayebusi abaali mu nsi Kanaani.

Ezekieli 47:20

“Ku luuyi olw'e bugwandhuba, Enhandha Eyaghagati n'eriba ensalosalo okuva ku nsalosalo ey'oku luuyi olw'omukono omusaadha olw'e buvandhuba okutuuka aghangirirwa e Hamathi.

Okubala 13:29

Twabona nga Abamaleki baba mu kiketezo kyayo ekikalukalu eky'oku luuyi olw'omukono omusaadha olw'e buvandhuba, Abahitti n'Abayebusi n'Abamori, baaba mu kiketezo kyayo eky'ensozi, ate Abakanaani baaba ku mbali okw'enhandha, ni ku mbali okw'omwiga Yorudani.”

Okubala 34:8

Bw'enaavanga ku lusozi Hori eidha kujanga etuuke aghaingirirwa e Hamathi okukoma e Zedadi,

Amateeka Agokubiri 1:7

Mpegaano mukole muje, mweyongere mu lugendo lwaimwe. Muje mu biketezo eby'oku nsozi eby'Abamori, ni mu biketezo byonabyona ebibiriiraine: mu kiiko kya Yorudani, ni mu biiko ebindi, ni mu nsozi, ni mu biketezo ebikalukalu eby'oku luuyi olw'omukono omusaadha olw'e buvandhuba, n'eby'oku Nhandha Eyaghagati. Muje mu nsi y'Abakanaani, ni mu nsozi edh'e Lebanoni, okutuukira irala ku mwiga omukologho Eufurate.

Amateeka Agokubiri 3:9

Abasidoni nga beeta olusozi Herimoni olwo Sirioni, ate Abamori baalweta Seniri.

Yoshua 11:19

Ebibuga byonabyona byanhagibwanga nga bimaze kughangulwa mu lutalo, okutoolaku Abahivi ab'e Gibeoni abaakola endagaano n'Abaisiraeli.

Yoshua 11:3

Era yaagheereza obukwenda eri Abakanaani e buvandhuba n'e bugwandhuba bwa Yorudani, n'eri Abamori, Abahitti, Abaperizzi, n'Abayebusi abaali mu biketezo eby'oku nsozi, era n'eri Abahivi ab'e Mizipa mu kiketezo ky'omu kiiko ky'olusozi Herimoni.

Yoshua 13:3

Ekiketezo kino, kiva ku mwiga Shihori, oguli e buvandhuba wa Misiri okwira ku luuyi olw'omukono omugooda olw'e buvandhuba, okutuuka ku nsalosalo ni Ekuroni. Era kitwalibwa ng'eky'Abakanaani, era nga kirimu abafuzi bataanu ow'e Gaza, ow'e Ashidodi, ow'e Ashikeloni, ow'e Gathi n'ow'e Ekuroni. Ekiketezo ekindi n'eky'e Avvimu

Yoshua 13:5

Ghaligho ekiketezo eky'Abagebali n'eky'e Lebanoni kyonakyona ekiri e buvandhuba ow'e Baalagada nga kiva ku luuyi olw'omukono omusaadha ogw'olusozi Herimoni ku ngira eja e Hamathi.

Yoshua 19:28

n'Eburoni, n'e Rehobu, n'e Hammoni, n'e Kana, era yaatuukira irala e Sidoni ekikologho.

Yoshua 9:7

Aye Abaisiraeli baabakoba bati: “Tusobola tutya okukola n'imwe endagaano? Musobola okuba nga muva kumpi ghano.”

Abalamuzi 10:12

n'Abasidoni, n'Abamaleki, n'Abamoani? Bwe mwandirira tyabawonia?

Abalamuzi 10:7

Musengwa Katonda yaasungughalira Abaisiraeli abo, yaaleka Abafilisiti n'Abammoni baabaghangula.

Abalamuzi 14:4

Aye ise n'inhina baali tibaidhi nga Musengwa Katonda n'eyasindika Samusoni okukola ekyo kuba Musengwa Katonda oyo yali ali kunoonia ensonga ey'okuvaaku okulwanisa Abafilisiti. Mu biseera ebyo, Abafilisiti n'abaafuganga Isiraeli.

Abalamuzi 18:7

Agho abasaadha abo abataanu baaja, baatuuka e Laishi. Baabona ng'abantu baayo bali miraala ng'oti n'ab'e Sidoni bwe baali. Abantu abo baali baikaikamu, nga tibasuubira muntu yeenayeena kubalumba naire, nga bali na kiisi kye beetaaga era nga bakombe. Baali ghala inho n'Abasidoni, era nga bazira bantu bandi be bakolagana nabo.

Abalamuzi 3:2

Ekyo yakikola ng'ayenda okwegeresa Abaisiraeli aba buli luse eby'entalo, okusingira irala abo abaali nga tibabangaku mu lutalo.

Abalamuzi 4:2

Agho yaabaleka baaghangulwa kyabazinga Yabini ow'e Kanaani, eyafugiranga mu kibuga Hazori. Omuduumizi w'eigye lye yali nga ni Sisera, ng'aba mu Haroshethi Hagoyiimu.

1 Samueli 13:5

Agho Abafilisiti beesoloza okulwanisa Abaisiraeli. Baali n'ebigaali eby'omu lutalo emitwalo esatu (30,000), n'abalwani kakaaga (6,000) ab'oku mbalaasi, era n'abalwani abaali abangi ng'oti musenho oguba ku mbali kw'enhandha. Abalwani Abafilisiti abo, baaja baasimba weema dhaibwe e Mikamashi, ku luuyi olw'e bugwandhuba wa Bethaveni.

1 Samueli 29:2

Abafuzi b'Abafilisiti bwe baabitagho n'ebikunsu byaibwe eby'abasaadha olukumi olukumi n'eby'ekikumi ekikumi, Daudi n'abasaadha be ghalala ni Akishi, boona baabitagho nga n'abasembyeyo.

1 Samueli 6:16

Abafuzi ab'Abafilisiti bwe baamala okubona ebyo, bairayo mu Ekuroni ku lunaku olwo.

1 Samueli 6:18

Era baagheereza n'ebiwumbe ebya zaabu ebyakolebwa nga bifaanana ng'oti mpube, nga byagayaga n'obungi bw'ebibuga byonabyona ebyafugibwanga abafuzi b'Abafilisiti abataanu ebyali nga byezungulwirwa ebimante ebigumu, era n'ebyalo ebiziraku bimante. Eibaale eikologho kwe baata Esanduuku ya Musengwa Katonda mu musiri gwa Yoshua ow'e Bethi Shemeshi, likaaligho ni ye buli eno, okukakasa ebyo ebyaligho.

1 Samueli 6:4

Abafilisiti baababuuza bati: “Kigheebwayo ki kye tunaamugheereza ng'omutango?” Baabairamu bati: “Ebiwumbe ebya zaabu bitaanu ebifaanana ng'oti bizimba, n'ebiwumbe ebindi ebya zaabu bitaanu ebifaanana ng'oti mpube, nga mujiira ku bungi obw'abafuzi Abafilisiti kuba ekibamba Katonda kye yasindika ku imwe mwenamwena, n'ekirala ekyo kye yasindika ni ku bafuzi baimwe.