Abalamuzi 2:1 - Baibuli Ekibono kya Katonda 2014

¹ Agho malaika wa Musengwa Katonda yaava e Giligali, yaaja e Bokimu. Yaakoba Abaisiraeli ati: “Nabatoola mu nsi Misiri, naabaleeta mu nsi ye nasuubiza badhaadha baimwe. Naakoba nti, ‘Tirimenhagho ndagaano ye nakola n'imwe.

Abalamuzi 2:1 Iomraidhean Croise

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 16:13

Hagari yaayeta Musengwa Katonda eyali ayogeire naye ati ni “Katonda abona.” Yeebuuza mule ati: “Obwo bwenebwene mboine Katonda era naasigala nga nkaali mulamu?”

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

Zabbuli 89:3

Wakoba oti: “Nakola endagaano ni Daudi ye neerondera; era naasuubiza omugheereza wange oyo nti,

Zabbuli 89:34

Tirimenha ndagaano yange naye, waire okukyusaamu ku bye namusuubiza.

Okuvaayo 14:14

Musengwa Katonda aja kubalwanirira, kale imwe musirike busirike.”

Okuvaayo 14:19

Malaika wa Katonda eyakulemberangamu Abaisiraeli yaakyuka yaabaira einhuma, n'ekire ekiri ng'oti mpango kyona kyava emberi waibwe kyabaira einhuma

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 23:20

“Bona eno, ndidha kubatumira malaika okubakulemberamu ng'abakuuma, era abatuuse mu kifo kye mbategekeire.

Okuvaayo 33:14

Musengwa Katonda yaamwiramu ati: “Kale nze ndidha kuja n'iwe era ndidha kukuganha okuwuumula”

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Yeremia 14:21

Idhukira bye watusuubiza olobe kutusuula bw'ere. Otaswaza Yerusalemu ekifo eky'ekitiisa ekibaamu ekityamo kyo eky'obwakyabazinga. Otamenhagho ndagaano ye wakola n'ife.

Abalevi 26:42

olwo ndituukiriza endagaano ye nakola ni Yakobo, ni Isaaka era ni Aburahamu, era tija kwerabira nsi ye nabasuubiza.

Abalevi 26:44

Aye waire ng'ebyo binaabanga bityo, bwe banaabanga nga bakaali mu nsi y'abazigu baibwe, tiibalekulirenga agho oba okubakyagha obujiiririire, ni mmenhagho ndagaano ye nakola nabo; kuba ninze Musengwa Katonda waibwe.

Zekaria 11:10

Agho naatoola omwigo gwe natuuma eriina “Nkabi” naagumenhamu, okusazaamu endagaano Musengwa Katonda ye yali akoze n'abantu ab'amaghanga goonagoona.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Okubala 14:34

Mwidha kudaagadaaga olw'ebibi byaimwe okumala emyaka amakumi ana. Buli lunaku, ku nnaku amakumi ana dhe mwamala nga mukeeta ensi eyo, mwidha kulusasulangamu mwaka mulamba. Memale olwo mumanhe nga tiri musangaavu.

Amateeka Agokubiri 1:8

Eyo n'ensi nze Musengwa Katonda ye nasuubiza okugha badhaadha baimwe Aburahamu, ni Isaaka, ni Yakobo, ni baidhukulu baibwe. Yiiyo ngibooleike, muje mugitwale.’ ”

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.

Amateeka Agokubiri 7:9

Agho ni, mukimanhe nga Musengwa Katonda waimwe ni Katonda yenka era nga mwesigwa. Akuuma endagaano n'abantu ab'ense n'ense abamugonza era ni bakuuma ebiragiro bye, era abagonza obutalekera.

Yoshua 3:10

Bwe munaaja nga mweyongerayo emberi, mwidha kumanha nga Katonda oyo omulamu ali n'imwe, kuba aidha kuja ng'abingagho Abakanaani, Abahitti, Abahivi, Abaperizzi, Abagirigashi, Abamori n'Abayebusi.

Abalamuzi 11:24

Iwe twala ebyo byonabyona omusambwa gwo Kemoshi, bye gukugha okuba ebibyo. Aye ife twidha kutwala ebyo byonabyona Musengwa Katonda waife by'atoola ku bandi n'atugha.

Abalamuzi 13:2

Ghaaligho omusaadha, eriina lye nga ni Manoa, ow'e Zora, nga wa mu kika kya Dani. Mukazi we yali mugumba, nga tazaalangaku mwana.

Abalamuzi 13:3

Agho malaika wa Musengwa Katonda yaabonekera omukazi oyo, yaamukoba ati: “Oli mugumba, tozaalangaku mwana. Aye bona, oidha kutoola enda ozaale omwana mulenzi.

Abalamuzi 2:5

Ekifo ekyo baakituuma eriina Bokimu, era baaghaayo emisengo ye Musengwa Katonda nga bali eyo.

Abalamuzi 6:8

Era Musengwa Katonda yaatuma omulanzi ye bali, yaabakoba ati: “Musengwa Katonda, Katonda wa Isiraeli akoba ati, ‘Nabatoola mu Misiri ye mwali mufugirwa obwiru,