Abalamuzi 1:9 - Baibuli Ekibono kya Katonda 2014

⁹ Ebyo bwe byawa, baaja okulwanisa Abakanaani ab'omu kiketezo eky'ensozi, n'ab'omu kiketezo eky'omu kiiko, n'ab'omu kiketezo ekikalukalu ku luuyi olw'omukono omusaadha olw'e buvandhuba.

Abalamuzi 1:9 Iomraidhean Croise

Amainhama 12:9

Agho Aburamu yeeyongera okutambula ng'ayolekeire ekiketezo eky'e Kanaani ekikalukalu ekiri ku luuyi olw'omukono omusaadha olw'e buvandhuba.

Yoshua 10:36

Ebyo bwe byawa, Yoshua n'abasaadha be abalwani boonaboona, baava e Eguloni baaja baalumba ekibuga Heburoni ekyali mu biketezo eby'ensozi.

Yoshua 11:21

Mu kiseera ekyo, Yoshua yaja yaazikiriza olulyo olw'abantu abawaigufu abaayetebwanga Abanaki, abaabanga mu bibuga Heburoni, Debiri, Anabu, ni mu biketezo byonabyona eby'ensozi eby'omu Buyudaaya ni mu Isiraeli. Yoshua yabazikiriza boonaboona n'ebibuga byaibwe.

Yoshua 12:8

Mu kiketezo kino n'omwali ebitundu eby'ensozi, n'eby'omu kiiko, ni Araba ekiiko ekirimu omwiga Yorudani, n'obuserengeto, n'eirungu ku luuyi olw'omukono omusaadha olw'e buvandhuba. Yoshua n'Abaisiraeli nga bakaali kunhaga kiketezo kino, mwalingamu Abahitti, Abamori, Abakanaani, Abaperizzi, Abahivi n'Abayebusi.

Abalamuzi 1:10

Agho baaja, baalumba Abakanaani abaabanga mu kibuga Heburoni, ekyayetebwangaku Kiriathi Araba, era eyo baaghangulirayo abantu bano: ab'ekika kya Sheshai, n'ab'ekya Ahimani, n'ab'ekya Talumai.

Abalamuzi 1:8

Agho ab'ekika kya Yuda baalumba ekibuga Yerusalemu, baakigema, baita abantu baamu, era baakyokya omuliro.