Abalamuzi 1:2 - Baibuli Ekibono kya Katonda 2014

² Musengwa Katonda yairamu ati: “Ekika kya Yuda n'ekibe kisooke okuja. Nkighaire okufuga ensi eyo.”

Abalamuzi 1:2 Iomraidhean Croise

Okubala 2:3

Abanaasimbanga weema dhaibwe ku luuyi olw'e buvandhuba, baidha kubanga ab'ekika kya Yuda nga bali mu bikunsu byaibwe. Omukulembeze ow'ab'ekika kya Yuda, ni Nahashoni mutabane wa Amminadabu,

Okubala 7:12

Omukulembeze eyaghaayo ekigheebwayo kye olunaku olwasooka yali Nahashoni mutabane wa Amminadabu, nga n'akulira ekika kya Yuda.

Abaheburayi 7:14

Kimanhiibwa bukalamu nga Musengwa waife yali wa mu kika kya Yuda, Musa ky'ataayogeraku nga kirivaamu bakabona.

Yoshua 2:24

Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Okwolekebwa 5:5

Agho owundi ku bakulembeze yankoba ati: “Otalira. Bona, oyo ayetebwa Empologoma, ow'omu ighanga lya Yuda, mwidhukulu wa Daudi yaghangula, era asobola okukakampula obumanhiso omusanvu, n'okuzingulula enzingo ey'ekitabo.”

Abalamuzi 1:3

Agho ab'ekika kya Yuda baakoba ab'ekika kya Simeoni bati: “Mwidhe muje n'ife mu kiketezo Musengwa Katonda ky'atughaire, tulwanise Abakanaani nga tuli ghalala. Mu nsambo n'endala twena tulija n'imwe mu kiketezo Musengwa Katonda ky'abaghaire.”

Abalamuzi 20:18

Abaisiraeli beesitula baaniinaniina okuja e Betheli, baabuuza Katonda bati: “Kika ki ekibe kisooke okulumba Ababenjamini?” Yaabairamu ati: “Ekika kya Yuda n'ekibe kisooke.”