2 Samueli 3:3 - Baibuli Ekibono kya Katonda 2014

³ Owokubiri yaaba Kileabu, inhina nga ni Abigaili namwandu wa Nabali ow'e Karumeli. Owokusatu yaaba Abusalomu, inhina nga ni Maaka, mughala wa Talumai eyali kyabazinga wa Geshuri.

2 Samueli 3:3 Iomraidhean Croise

2 Samueli 13:1

Abusalomu mutabane wa Daudi yali ni mwanhina aboneka obulungi einho, ng'ayetebwa Tamari. Bwe ghaabitaghooku ekiseera, Amunoni mutabane wa Daudi owundi yeegomba Tamari oyo.

2 Samueli 14:23

Kale Yoabu yaasitukiramu yaaja e Geshuri, yaiza Abusalomu e Yerusalemu.

2 Samueli 14:24

Aye kyabazinga yagha ekiragiro ati: “Abusalomu aje abenga mu ndhu ye yenka, era ataidhanga ye kyabazinga.”

2 Samueli 14:32

Abusalomu yaamwiramu ati: “Bona eno, nakugheereza obukwenda obukoba buti, ‘Idha onjiiregho ye kyabazinga, omubuuze ensonga lwaki nava e Geshuri. Kasinga nandisigaire eyo n'okutuusa mpegaano. Kale ni buti ka nje ye kyabazinga. Bwemba nga ndi n'omusango, kyabazinga k'andhite.’ ”

2 Samueli 15:7

Bwe ghaabitagho emyaka ena, Abusalomu yaakoba kyabazinga Daudi ati: “Nkweghemba ondhikirize nje e Heburoni ntuukirize obweyamo bwange bwe neeyama eri Musengwa Katonda.

2 Samueli 15:8

Nze omugheereza wo bwe nali nga nkaali e Geshuri mu Aramu, neeyama nti, ‘Bwenebwene Musengwa Katonda bw'alindhizaayo e Yerusalemu, ndimusinziza mu Heburoni.’ ”

2 Samueli 18:33

Agho kyabazinga enaku yaamugema ey'amaani. Yaaja ghaigulu mu kimante ekyali ku mulyango ogw'ekibuga, yaalira amaziga. Yaaja nga bw'alira ati: “Woowe omwana wange Abusalomu, omwana wange, omwana wange Abusalomu. Nze nandifiire mu kifo kyo. Woowe Abusalomu omwana wange, omwana wange!”

2 Samueli 2:2

Kale Daudi yaaja e Heburoni ni bakazi be bombi: Ahinoamu ow'e Yezireeli, ni Abigaili namwandu wa Nabali ow'e Karumeli.

1 Bakyabazinga 1:6

Lata we Daudi, yali nga tamuneniangaku mu kintu kyonakyona. Adoniya oyo yali mulungi mu mboneka ye, era nga ni muto wa Abusalomu amwiraku.

1 Bakyabazinga 2:15

Adoniya yaakoba ati: “Oidhi bukalamu nga ninze eyali ow'okusikira obwakyabazinga, era ng'abantu boonaboona mu Isiraeli ekyo kye baali basuubira. Aye muganda wange yaafuuka kyabazinga, kuba Musengwa Katonda atyo bwe yayenda.

1 Ebyomubyanda 3:1

Bano n'abaana Daudi be yazaala ng'ali e Heburoni: Amunoni n'eyali omuberi, inhina nga ni Ahinoamu Omuyezireeli kwairaku Danieli, inhina nga ni Abigaili Omukarumeli

1 Ebyomubyanda 3:2

kwairaku Abusalomu, inhina nga ni Maaka mughala wa kyabazinga Talumai ow'e Geshuri kwairaku Adoniya, inhina nga ni Haggithi

Amateeka Agokubiri 3:14

Yairi ow'omu kika kya Manasse yatwala ekiketezo kyonakyona eky'e Arigobu ekyo nga ni Bashani. Ekiketezo ekyo nga kituukira irala ku nsalosalo ey'Abageshuri n'Abamaaka. Ebyalo ebyo byonabyona yaabituuma eriina lye, era bimanhiibwa ng'ebyalo bya Yairi n'okutuusa mpegaano.

Yoshua 13:13

Aye ate Abaisiraeli tibaabinga Bageshuri na Bamaaka, era nga baba nabo ghalala okutuusa ni ye buli eno.

1 Samueli 25:3

Omusaadha oyo yali wa ku lulyo lwa Kalebu era nga eriina lye ni Nabali, ate eriina lya mukazi we nga ni Abigaili. Omukazi oyo yali nga mutegeevu era nga mulungi mu mboneka ye. Aye iba oyo, yali wa ikabyo era nga wa mpisa mbi.

1 Samueli 25:42

Agho Abigaili yaayangugha okusituka, yaatyama ku ndogoyi. Yaaja n'abagheereza ba Daudi, ng'agherekeirwaku abagheereza be abakazi bataanu. Abigaili oyo yaafuuka muka Daudi.

1 Samueli 27:8

Mu kiseera ekyo Daudi n'Abasaadha be, baajanga baalumba Abageshuri, n'Abagirizi, n'Abamaleki, kuba okuva eira n'eira, abo n'abaali abatyamye ab'ekiketezo ekyo okutuukira irala e Shuri ku nsalosalo ni Misiri.