2 Petero 3:7 - Baibuli Ekibono kya Katonda 2014

⁷ Era olw'ekibono kyene ekyo, eigulu n'ensi ebirigho buti Katonda abikuuma nga bya kwokebwa muliro. Abikuuma okutuusa ku lunaku olw'okusalirwaku omusango n'okuzikiriza abo abatatya Katonda.

2 Petero 3:7 Iomraidhean Croise

Zabbuli 102:26

Ebyo biidha kuwaagho, aye iwe oligho ekiseera kyonakyona; byonabyona birikairigha ng'oti kivaalo. Olibisuula ere ng'oti ngoye nkaire, byabulagho.

Zabbuli 50:3

Katonda waife aidha, aye taidha kisiriikiriza; omuliro ogwaka einho gumukulemberamu nga kiwunga ow'amaani amwezungulwire.

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Isaia 66:15

Bona, Musengwa Katonda aliidhira mu muliro ng'ali n'ebigaali eby'omu lutalo ebiziinhuuka ng'oti kiwunga, ng'aidha okwolesa obusungu bwe obubitirivu, n'okubonereza ng'akozesa enimi edh'omuliro.

Danieli 7:9

Nali nkaalingirira ebyo, baataagho ebityamo eby'obwakyabazinga. Oyo eyaligho okuva eira n'eira yaatyama ku kindi ku bityamo ebyo. Ebivaalo bye byali byeru ng'oti mugozi, n'enviiri dhe dhaaba ndheru ng'oti buviiri bwa ntaama. Ekityamo kye ekyo nga kiriku enkede edhivaaku omuliro, n'ekityamo kyene kyavaaku enimi edh'omuliro.

Zefania 3:8

Musengwa Katonda akoba ati: “Kale ni muteegerere olunaku lwe ndyesimbagho okugha obudhulizi obulumiriza amaghanga ebibi bye gakola. Nsazeegho okusololeza aghalala amaghanga n'obwakyabazinga, mbamalireku ekiruyi kyange kyonakyona kuba obusungu bwange obuli ng'oti muliro, obuva ku nkikidi ye ndi nayo ku bantu bange, buja kuzikiriza ensi yoonayoona.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Matayo 10:15

Bwenebwene ka mbakobere ku lunaku olw'okusalirwaku omusango, Sodoma ni Gomorra birisaasirwa okusinga ekibuga ekyo.

Matayo 11:22

Aye ka mbakobere: Ku lunaku olw'okusalirwaku omusango, Tiro ni Sidoni birisaasirwa okusinga imwe.

Matayo 11:24

Aye ka mbakobere: Ku lunaku olw'okusalirwaku omusango, Sodoma kirisaasirwa okusinga imwe.”

Matayo 12:36

“Aye ka mbakobere: ku lunaku olw'okusaliraku omusango abantu balyewozaaku ebyakalebule bye boogera.

Matayo 24:35

Eigulu n'ensi biriwaagho aye ebibono byange tibiriwaagho.

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Mariko 6:11

Ate mu kifo kyonakyona mwe batabasangaalira waire okubawulira, bwe mubanga mukivaamu mukunkumulanga enkungu eri mu bigere byaimwe, kabe akamanhiso okubalaga nti musango gwaibwe.”

Yoanne 12:48

Oyo aloba nze era n'asambaadha ebibono byange, ali n'amusalira omusango. Ebibono bye ndhogera n'ebirimusalira omusango ku lunaku olw'ensembo.

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

1 Ab'e Korintho 3:13

Aye omulimo gwa buli muntu guliboneka ku lunaku lwa Kurisito, kuba olwo gulyolekebwa mu muliro, era mu muliro omwo, obulungi obwa buli mulimo gwa muntu, bwamanhika.

Ab'e Filippi 1:28

aghazira kutiisibwa bazigu baimwe mu nsambo yoonayoona. Kano n'akamanhiso ka Katonda akabooleka nga baja kuzikirizibwa, ate akooleka imwe nga muja kulokolebwa.

2 Ab'e Thessalonika 2:3

Ghatabangagho muntu yeenayeena abaguya mu nsambo yoonayoona, kuba olunaku olwo tiruja kutuuka okutuusa ng'okudheema okusembayo kumaze okutuuka, n'omuntu Omubi Isaababi ow'okuzikirira ng'amaze okweyoleka.

1 Timotheo 6:9

Aye abo abenda okukombaghala tibalwa kukemebwa ni bagwa mu mutego ogw'amairu amangi ag'obusirusiru, ag'akabi era agasuula abantu mu kufafaagana ni mu kuzikirira.

Abaheburayi 12:29

kuba Katonda waife muliro gwene oguzikiriza.

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.

2 Petero 3:10

Aye olunaku lwa Musengwa luliidha ng'oti mwibi, era olwo eigulu liriwaagho nga liduma inho. Eby'oku igulu birisaanuuka n'omuliro, era ensi n'ebigiriku byonabyona biriya omuliro byasiriira.

2 Petero 3:12

Nga muteegerera era nga mukola ebinaatezaaku okwidha okw'Olunaku lwa Katonda. Ku lunaku olwo eigulu lirigema omuliro lyasiriira n'eby'oku igulu byasaanuuka.

1 Yoanne 4:17

Mu nsambo eno okugonza okuli mu ife kwidhuulirizibwa, memale olwo twaba bagumu ku lunaku olw'okusalirwaku omusango kuba ng'oyo bw'ali, twena bwe tuli mu nsi muno.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

Okwolekebwa 17:11

Ate ekisolo ekyaligho aye mperaano ekitakaaligho, kitegeeza kyabazinga owomunaana, owundi ku bale omusanvu era aja okuzikirizibwa.

Okwolekebwa 17:8

Ekisolo ky'oboine kyaligho, aye mperaano tikikaaligho. Aye kiidha kuniinaniina okuva mu lwina olutakoma, kije kizikirizibwe. Abantu abali ku nsi, beene maina agataaghandiikibwa mu kitabo eky'obulamu, okuva ensi lwe yatondebwa, balyewuunhia bwe balibona ng'ekisolo ekyaligho, mperaano tikikaaligho, ate nga kiriidha.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.

Okwolekebwa 21:1

Agho naabona eigulu eiyaaka n'ensi empyaka, kuba eigulu eryasooka n'ensi eyasooka byali bibuzeegho, n'enhandha nga tekaaligho.