2 Petero 3:2 - Baibuli Ekibono kya Katonda 2014

² Nhenda okubaidhusa ebibono abalanzi abatukuvu bye baayogera eira, n'ekiragiro kya Musengwa era Omulokozi ekyabagheebwa Abatume.

2 Petero 3:2 Iomraidhean Croise

Luka 1:70

Nga bwe yayogerera mu batuukirivu be, abalanzi abaaligho eira,

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Luka 24:44

Olumaliira yaabakoba ati: “Bino n'ebibono byange bye nabakoberanga nga nkaali n'imwe, nti buli kintu kyonakyona ekyampandiikibwaku mu Mateeka ga Musa n'abalanzi, ni mu Zabbuli kiri n'okutuukirizibwa.”

Ebikolwa by'Abatume 10:43

Oyo abalanzi boonaboona ye boogeraku nga bakoba bati, ‘Kiisi amwikiriza asoniyibwa ebibi olw'amaani ag'eriina lye.’ ”

Ebikolwa by'Abatume 28:23

Baamulaga olunaku era ku olwo baidha kamaala mu ndhu mwe yasulanga. Era okuva enkyo okutuusa eigulo yaabainhonholanga era ng'abakobera eby'Obwakyabazinga bwa Katonda. Yaafubanga okubaikirizisa Yesu nga adhuliza eby'omu Mateeka ga Musa n'ebyaghandiikibwa abalanzi.

Ebikolwa by'Abatume 3:18

Aye Katonda kye yalangirira ng'abita mu balanzi be boonaboona ati Kurisito we, yali waakudaagadaaga, yakituukiriza atyo.

Ebikolwa by'Abatume 3:21

Waire nga kimugwaniire oyo buti okuba ng'akaali mu igulu okutuusa ekiseera eky'okwiza byonabyona obuyaaka nga Katonda bwe yayogerera mu balanzi be abatuukirivu okuviira irala mu mainhama.

Ab'e Galatia 6:2

Buli muntu ayambenga mwine, olwo mube nga mutuukiriiza eiteeka lya Kurisito.

Ab'Efeso 2:20

kuba mwazimbibwa ku musingi ogw'Abatume n'abalanzi, nga Kurisito Yesu mwene n'eibaale eikulu ery'omu nsonda.

Ab'Efeso 3:5

Mu byanda eby'eira ghazira muntu yeenayeena eyamanhisibwaku ku kino mu nsambo oti n'eno Mwoyo y'akyolekamu Abatume be n'abalanzi be abatukuvu.

1 Timotheo 6:14

okuumenga ekiragiro kalemberera nga ghazira kibi kyonakyona kikwogerwaku, okutuusa Musengwa waife Yesu Kurisito lw'aliidha.

2 Petero 2:21

Ekyandiwuze n'abantu abo okuba nga tibamanhangaku ngira ya butuufu, mu kifo eky'okugimanha memale kabiri ni bakyuka ni bava ku biragiro ebitukuvu ebyabagheebwa.

2 Petero 3:15

Mukitwale ng'okuguminkiriza kwa Musengwa kuligho lwa imwe kulokolebwa. Atyo muganda waife omugonzi Paulo bwe yabaghandiikira mu magezi Katonda ge yamugha.

2 Petero 3:16

Ebyo abyogeraku mu mbaluwa dhe dhoonadhoona. Mu mbaluwa edho mulimu ebintu ebizibu eby'okutegeera, abantu abataidhi n'abanafu mu kwikiriza bye bavuunula obubi, oti ni bwe bakola n'Ebyaghandiikibwa ebindi. Olw'ekyo beereetera beene okuzikirira.

1 Yoanne 4:6

Ife tuli ba Katonda, aidhi Katonda atuwulirisa era atali wa Katonda tatuwulirisa. Ekyo kye tumanhiraku Mwoyo ow'amazima ni mwoyo omuguya.

Yuda 1:17

Bakagwa, muteerabiranga Abatume ba Musengwa waife Yesu Kurisito, bye baabakobera eira.

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.