2 Petero 3:12 - Baibuli Ekibono kya Katonda 2014

¹² Nga muteegerera era nga mukola ebinaatezaaku okwidha okw'Olunaku lwa Katonda. Ku lunaku olwo eigulu lirigema omuliro lyasiriira n'eby'oku igulu byasaanuuka.

2 Petero 3:12 Iomraidhean Croise

Zabbuli 50:3

Katonda waife aidha, aye taidha kisiriikiriza; omuliro ogwaka einho gumukulemberamu nga kiwunga ow'amaani amwezungulwire.

Isaia 24:19

Ensi eryetema entanda, yaagabulukukamu, era yaatengeesebwa ebitaloodheka.

Isaia 34:4

Endhuba n'omwezi n'emuunienie, birighanuka ku igulu byagwa, eigulu lyazingibwaku ng'oti nzingo ya kitabo. Eby'oku igulu byonabyona birimagala, ng'oti n'amakaba bwe gava ku muzabbibu oba ku mutiini, ni gagwa.

Mika 1:4

Buli lusozi lw'alitangaku ekigere nga lusaanuuka ng'oti muzigo bagutaire ku muliro. Era nga luyuyika mu kiiko ng'oti maadhi gayuyika kuva ku lusozi.

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Matayo 16:28

Bwenebwene ka mbakobere ghaligho abandi ku beemereire ghano abataja kukomba ku kufa okutuusa nga baboine Omwana w'Omuntu ng'aidha nga Kyabazinga.”

Ab'e Filippi 1:6

Era nkakasa bukalamu ng'oyo eyatoolera omulimo guno omukalamu mu imwe aligutuusa ku kumalirizibwa ku lunaku lwa Yesu Kurisito.

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

2 Petero 3:10

Aye olunaku lwa Musengwa luliidha ng'oti mwibi, era olwo eigulu liriwaagho nga liduma inho. Eby'oku igulu birisaanuuka n'omuliro, era ensi n'ebigiriku byonabyona biriya omuliro byasiriira.

2 Petero 3:11

Oba nga ebintu bino bija kuzikirizibwa bityo, imwe mugwaine kuba mutya? Mugwaine kuba batukuvu era abatya Katonda mu bulamu bwaimwe.

2 Petero 3:4

nga bakoba bati: “Eyabasuubiza okwira ali gha? Kasookanga badhaadha bafa ebintu byonabyona bikaali nga bwe byali ku kutondebwa kw'ensi!”

2 Petero 3:7

Era olw'ekibono kyene ekyo, eigulu n'ensi ebirigho buti Katonda abikuuma nga bya kwokebwa muliro. Abikuuma okutuusa ku lunaku olw'okusalirwaku omusango n'okuzikiriza abo abatatya Katonda.

Yuda 1:21

era mwekuumirenga mu kugonza kwa Katonda. Muteegerere Musengwa Yesu Kurisito, mu kusaasira kwe abaghe obulamu obutawaagho.