2 Petero 2:3 - Baibuli Ekibono kya Katonda 2014

³ Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.

2 Petero 2:3 Iomraidhean Croise

Yobu 6:27

Imwe musobola n'okukubira ku bamulekwa akalulu olw'okubafunamu! Era musobola n'okukola ekintu kyonakyona ku bakagwa baimwe, olw'okubafunamu amagoba!

Zabbuli 18:44

Olwampuliraku bati, baatoolera okugondera ebiragiro byange, abamaghanga agandi baidha ye ndi nga baavula bwavule.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Zabbuli 81:15

Abo abankyagha nze Musengwa Katonda, bandiidhye ye ndi nga baavula bwavule, naababonereza ebyanda n'ebyanda.

Isaia 5:19

Bakoba bati: “Musengwa Katonda atere ayanguyeeku by'akola tusobole okubibona; Omutukuvu wa Isiraeli oyo akole mangu by'ategeka tusobole okubimanha.”

Isaia 56:11

Bali ng'oti mbwa edh'amairu amangi, edhitaiguta naire. Abakulembeze abo tibakaalimu kategeera, buli muntu yeefubiriire ku bibye, nga yeenooneza by'anaafunamu amagoba.

Isaia 60:22

N'amaka agasingayo obutono galifuuka ekika ekiramba, era ekika ekisembayo obutono kirifuuka eighanga ery'amaani. Nze Musengwa Katonda ekyo ndikireetera okwangugha okubaagho, ng'ekiseera kyakyo kimaze okutuuka.”

Yeremia 6:13

kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Yeremia 8:10

Kye ndiva ni mbatoolaku bakazi baibwe ni mbagha abasaadha abandi, n'emisiri gyaibwe ni ngigha abantu abandi; kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Ezekieli 13:19

Mwonoona eriina lyange mu bantu bange, nga mwenda okufunayo emiganda obuganda egya sayiri, n'ebitole obutole eby'emere. Mwaita abantu abatagwaniire kufa, ate abatagwaniire kuba balamu mwabawonia. Era mwakobera abantu bange eby'obuguya, era boona baabawulirisa.”

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Habakkuku 3:3

Katonda aidha kwidha kabiri ng'ava e Temani eky'omu Edomu; Omutukuvu oyo aidha kuviira ku nsozi edh'e Parani. Okumesunkana kwe kuja kumaamira eigulu lyonalyona, n'ensi yoonayoona emusaake.

Malaki 1:10

Musengwa Katonda Afuga Amagye akoba ati: “Kyandibaire kikalamu ngoli owundi ku imwe aigalagho endhigi dh'eisinzizo, mwalekera agho okukumira obwereere emiriro ku alutaari yange! Bye mukola tibiinhoonha naire, n'ebigheebwayo ebiva mu ngalo dhaimwe tiidhanga kubisiima.

Matayo 23:14

“Mukagwireku Abanamateeka n'Abafarisaayo, abakuusa imwe, mukaavuula eby'omu ndhu dha banamwandu, ate mwasaba esaala edhitakutuka nga mwenda okweraga. Kale ekibonerezo kyaimwe kikakali.]

Luka 18:8

Ka mbakobere: Aja kubatawulula, ate mangu. Aye Omwana w'Omuntu bw'aliidha, alyagaana okwikiriza ku nsi?”

Luka 20:20

Kale baagunirira baasasula abantu empiiya ab'okumuleba, abeefuula abeesimbu ate nga baayenda kumugemekeza mu by'ayogera, basobole okumughaayo mu mikono egy'ab'obuyinza.

Luka 22:47

Yali akaayogera ng'eikuukuubira ery'abantu livaayo nga ni Yuda omulala ku ikumi n'Ababiri akulembeiremu, era yaaseeta aghaali Yesu okumugwa mu kifuba.

Yoanne 2:16

Yaalagira abaali bali kutunda enjiibwa ati: “Bino mubitoole ghano. Era mulekere okufuula endhu ya Lata wange ekiya!”

Ab'e Roma 16:18

kuba abantu abakola ebintu oti n'ebyo tibagheereza Musengwa waife Kurisito aye bakolerera nda dhaibwe. Bakozesa ebibono ebinhoonha era ebisaakiriza, baaguya abantu abazira kabi.

2 Ab'e Korintho 2:17

Tituli oti n'abantu abandi kamaala abakozesa ekibono kya Katonda okufunamu kye banaalya, aye tuli bantu Katonda be yatuma, era twogera mazima mu maiso ge, ng'abagheereza mu Kurisito.

Amateeka Agokubiri 24:17

“Mutasalirizanga nga musala omusango ogw'omusenze waire ogwa mulekwa. Era mutatoolanga ku namwandu kivaalo kye ng'omusingo ogw'eibandha lye mwamuwola.

Amateeka Agokubiri 32:35

kuba olunaku luli kumpi okutuuka, lw'alibeesasuulizaaku ng'ababonereza. Ekiseera kiidha kutuuka bagwe, era akabi kali kumpi inho okubagwira.

1 Ab'e Thessalonika 2:5

kuba nga bwe mwidhi, titukozesangaku bibono bya kusuutiriza waire ebibono ebighemba ku mairu ag'eby'okufuna, Katonda nga n'omudhulirwa.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

1 Timotheo 3:3

Ateekwa okuba nga ti mutamiivu, ti mukambwe, aye nga muwombeefu atakanamuka, era azira mairu ga kufuna.

1 Timotheo 3:8

Abagheereza mu Kikunsu eky'Abaikiriza mu Kurisito boona bateekwa okuba abantu abakalamu, ti baguya, ti batamiivu, era abatagwidhubanira bya kufuna.

1 Timotheo 6:5

n'okughaghaana. Ebyo byonabyona bikolebwa abantu ab'omwoyo omubi, abaawaamu amazima, abatwala okwikiriza ng'engira ey'okukombaghala.

Tito 1:11

Abantu abo bateekwa okusirisibwa, kuba bali kukiidhamya okwikiriza okw'amaka amalambirira kamaala, nga beegeresa ebyo bye batagwaniire kwegeresa olw'okwenda okugwidhubanira eby'okufuna.

Tito 1:7

Omulabirizi nga bw'ali nti n'alabirira emirimo gya Katonda, tateekwa kuba na kimunenezebwa. Tateekwa kuba mudhoozi, waire asungughala amangu, waire omutamiivu, oba omukambwe, era nga tagwidhubanira bya kufuna.

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

1 Petero 5:2

okwayanga obukalamu ebyayo bya Katonda bye yabagemya. Mutakolanga mutyo lwa kukakibwa, aye mukolenga n'omwoyo ogwenda, era nga ti lwa kugwidhubanira bya kufuna.

2 Petero 1:16

Bwe twabamanhisa ku kwira kwa Musengwa waife Yesu Kurisito n'obuyinza, ti twali ng'ababakobera enfumo obufumo. Aye twabaloodhera ekitiisa kye, kye twabona n'amaiso gaife geene.

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.

Yuda 1:11

Bakagwireku! Kuba bagema engira nga Kaini ye yagema. Olw'okugonza einho empiiya bagwa mu nsobi ya Balaamu. Era nga Kora bwe yakola, boona badheemera ababafuga, era baazikirizibwa nga bwe yazikirizibwa

Yuda 1:15

okusalira abantu boonaboona omusango gubasinge olw'ebikolwa byaibwe byonabyona eby'obutatya Katonda, n'olw'ebibono eby'obukambwe byonabyona abatatya Katonda bye baamwogeraku.”

Yuda 1:16

Abantu bano buli kaseera baba mu kutolooma olw'obutasiima, bageyigeyi, bajiira ku kwegomba kwa mibiri gyaibwe, beesaaka era baasuutiriza abantu nga bali ni kye babendaku.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.