2 Petero 2:16 - Baibuli Ekibono kya Katonda 2014

¹⁶ Aye yaanenezebwa olw'ekibi kye, endogoyi ye ku olwo bwe yayogera oti muntu, era n'eresa omulanzi oyo eby'ekiralu bye yali aja okukola.

2 Petero 2:16 Iomraidhean Croise

Zabbuli 39:11

Iwe okangaivula omuntu ng'omudhuuka olw'ebibi bye, era omuntu ky'atwala okuba eky'omughendo iwe okizikiriza, ng'oti n'ekintu ekiriiriibwa ekisiisa. Bwenebwene buli muntu muuka buuka gwa mu nhindo!

Omulangirizi 7:25

Agho neemalira ku kunoonereza, nsobole okufuna n'okumanha amagezi, era ntegeere ebintu byonabyona nga bwe biri. Olwo mmanhe ng'omuntu okuba omubi kiba kya busiru, era ng'obusiru buli ng'oti iralu lyene.

Omulangirizi 9:3

Ekibi ekiri mu byonabyona ebikolebwa ku nsi, kiri nti enkomerero yaabyo byonabyona eri ndala. Mu myoyo gy'abantu abalamu mwidhwire bibi na iralu, era ekisembayo kuba kufa bufe.

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Luka 16:11

Kale oba nga timwali beesimbu mu bukombe buno obw'ensi, naani aja okubateresa obukombe bwene obw'amazima?

Ebikolwa by'Abatume 26:11

Emikuzi kamaala naababonererezanga mu sinagoga dhoonadhoona nga ngezaaku okubakaka okwegaana endhikiriza yaibwe. Bangemya inho ekiruyi, naabakirigiranga ni mu bibuga eby'omu maghanga agandi.