2 Petero 1:8 - Baibuli Ekibono kya Katonda 2014

⁸ Kuba bwe muba ni bino era ni byeyongeraku obungi, bibafuula bakozi ba bikolwa birungi ebyoleka nga bwe mwidhi Musengwa Yesu Kurisito.

2 Petero 1:8 Iomraidhean Croise

Ensambo 19:15

Omuntu omugayaavu afuluuta bwa ndoolo ekiseera kyonakyona, era omuntu atayenda kukola yeereetera mwene endhala.

Matayo 13:22

Ensigo edhaagwa mu mawa, n'oyo awulira ekibono aye okweraliikirira eby'obulamu obw'ensi, n'okuguyibwa eby'obukombe bifundekeza ekibono kyaloba kwama naire.

Matayo 20:3

Yaafuluma ku saawa eyokusatu yaabona abandi nga beemereire agho mu kiya nga bazira kye bakola.

Matayo 20:6

Era ni ku saawa oti ikumi na ndala yaafuluma, yaayagaana abandi abeemereire, yaabakoba ati: “Lwaki mwemereire ghano olunaku lwonalwona nga muzira kye mukola?”

Matayo 25:26

“Aye musengwa we yaamwiramu ng'akoba ati, ‘Mugheereza iwe omubi, era omugayaavu! Wamanha oti nkungula ye ntaasimba, oti era nsoloza ye ntaasigira.

Yoanne 15:2

Kiisi lusaga oluli ku nze olutayama alukutulaku, ate kiisi lusaga olwama aluwoolera lwanhirira male lwayama inho.”

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Yoanne 5:42

aye ndidhi nga muzira kugonza kwa Katonda mu imwe.

Ab'e Roma 12:11

Mufubenga okukola era mutabanga bagayaavu. Mugheerezenga Musengwa n'omwoyo omumalirivu.

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

2 Ab'e Korintho 13:5

Mweringemu beene mubone oba nga mukaagumiire ku kwikiriza. Mwerebe beene. Aye bwene timwidhi nga Yesu Kurisito ali mu imwe? Okutoolaku koodhi nga mugwire mu kwereba kwaimwe.

2 Ab'e Korintho 8:2

Baabita mu kulebwa okunene nga badaazibwadaazibwa, aye baasigala nga basangaavu inho. Era baali baavu inho, aye baaba bagabi inho.

2 Ab'e Korintho 8:7

Mperaano musinga abandi mu byonabyona mu kwikiriza, mu kwogera, mu kumanha, mu kufuba kwonakwona era ni mu kutugonza. Kale twenda mubasinge ni mu mulimo guno ogw'okugaba.

2 Ab'e Korintho 9:14

Kale banaabasabiranga n'okusiima kunene, olw'ekisa Katonda kye yabagha imwe.

Ab'e Filippi 1:9

Era mbasabira okugonza kwaimwe kuje nga kweyongera, era mube n'amagezi n'okumanha kwonakwona.

Ab'e Filippi 2:5

Mube n'omwoyo ng'oti ni Kurisito Yesu gwe yali nagwo:

Ab'e Filippi 3:8

Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

Ab'e Kolosai 1:10

Agho musobole okwebisa nga Musengwa bw'ayenda era nga mukola ebimusangaaza mu buli nsambo nga kiisi kye mukola kikalamu era nga kyania ebibala, era mweyongere n'okumanha Katonda.

Ab'e Kolosai 2:7

Mwegemere irala ku oyo, era obulamu bwaimwe mubuzimbe ku oyo, era mwongeremu amaani mu kwikiriza kwaimwe, nga bwe mwayegeresebwa nga timukoogha kwebaza.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

1 Ab'e Thessalonika 3:12

Era Musengwa abongeremu okugonzanianga beene na beene, n'okugonzanga abantu boonaboona oti niife bwe tubagonza.

1 Ab'e Thessalonika 4:1

Aboluganda, mwatwegeraku nga bwe mugwaine okwebisa memale musobole okusiimya Katonda, era ekyo kye mubaire mukola. Mperaano tubeeghembye era tubakubiriza mu liina lya Musengwa Yesu, mukole mutyo ate era mwongeremu n'amaani,

2 Ab'e Thessalonika 1:3

Aboluganda, tuli n'okusiima Katonda buli kaseera olwa imwe, era nga bwe tugwaine kuba okwikiriza kwaimwe kuli kweyongera inho. Era n'okugonza kiisi mulala ku imwe kw'agonzaamu abandi kwona kweyongera inho.

1 Timotheo 5:13

N'ekindi beenazaaku omuze ogw'okuba agho nga bazira kye bakola, baayengeeta okubuna amayumba. Ate tibakoma ku kuba agho nga bazira kye bakola, aye bongeraku n'okuba n'olugambo, nga bengiza mu bitabagemaku, baayogera n'ebitagwaniire kwogera.

Tito 3:14

Abantu baife bagwaine beege okukozesanga ebiseera byaibwe obukalamu, nga bakola emirimo omuva ebyetaago balobe kuba agho nga bazira kye bagasa.

Filemoni 1:6

Era nsaba nti okwisania kwaife n'iwe mu kwikiriza, kutwongere okumanha ebirungi bye tuli nabyo mu Kurisito.

Abaheburayi 6:12

Ti twenda mube bagayaavu, aye mube ng'oti n'abo abaikiriza, era ni baguminkiriza, ni bafuna ebyasuubizibwa.

2 Petero 1:2

Enkabi n'emiraala byeyongerenga mu imwe mu kumanha Katonda ni Yesu Musengwa waife.

2 Petero 1:3

Musengwa waife oyo, mu buyinza bwe nga Katonda, yatugha byonabyona bye twetaaga okuba abalamu n'okutya Katonda, nga tubita mu kumanha oyo eyatweta tube mu kitiisa kye ni mu bulungi bwe.

2 Petero 2:20

Abantu bwe bamala okuwona obubi obw'ensi eno nga babita mu kumanha Musengwa waife era Omulokozi Yesu Kurisito, memale kabiri ni babwiramu era ni bubaghangula, embeera yaibwe ku nkomerero eba mbi inho okusinga eyasooka.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.