2 Petero 1:6 - Baibuli Ekibono kya Katonda 2014

⁶ ku kumanha mwongereku okwefuga, ku kwefuga mwongereku okuguminkiriza ku kuguminkiriza mwongereku okutya Katonda

2 Petero 1:6 Iomraidhean Croise

Amainhama 5:24

Enoka oyo yaamala obulamu bwe ng'atambulira mu Katonda era yaamala yaabulagho bubule, kuba Katonda yamutwala.

Zabbuli 37:7

Sirikanga ng'oli aghali Musengwa Katonda, oteegerere ky'anaakola. Ole ebintu ni bwebimujiira obukalamu, oba n'afuna ebintu ng'abita mu magira amabi, otafangayo.

Isaia 57:1

Omuntu akola ebituufu afa, era ghaaloba kubaagho ekyo akitaaku mwoyo omuntu atya Katonda yaatwalibwa, era ghaaloba kubaagho ekyo akitegeera. Aye ng'abantu abalungi abo baba bawonezeibwa akabi akandibaidhiire.

Luka 21:19

Mu kuguma kwaimwe mwe muliwoneza obulamu bwaimwe.”

Luka 8:15

Eyo eyagwa mu itaka eirungi, n'abo abawulira ekibono kya Katonda n'omwoyo ogugwaine era omulungi, baakikalangula baabala ebibala nga baguminkiriza.

Ebikolwa by'Abatume 24:25

Aye Paulo bwe yayogera ku butuukirivu, ni ku muntu okufuga omubiri gwe, era ni ku lunaku olw'okusaliraku omusango, Felikisi yaatya, yaakoba ati: “Mperaano ja ndidha kufunayo ekiseera nkwetese.”

Ab'e Roma 15:4

Byonabyona Ebyaghandiikibwa eira, byaghandiikibwa olw'okutwegeresa tusobole okubanga n'eisuubi olw'okuguminkiriza n'olw'amaani, ebiva mu Byaghandiikibwa.

Ab'e Roma 2:7

Abo abanoonia ekitiisa, okusaakibwa n'obutafa nga banhiinkiira okukola obukalamu, alibagha obulamu obutawaagho

Ab'e Roma 8:25

Aye bwe tusuubira ekyo kye tutabonaku, tulindirira n'okuguminkiriza.

1 Ab'e Korintho 9:25

Buli muzaanhi azaanha emizaanho egy'entaka, yeegendereza inho asobole okufuna ekirabo eky'ekiseera obuseera, aye ife twegendereza inho tufune ekirabo ekitawaagho.

2 Ab'e Korintho 6:4

Aye mu byonabyona bye tukola twoleka nga tuli bagheereza ba Katonda nga tugumira n'obuguminkiriza okudaazibwadaazibwa, ebizibu, ebibamba,

Ab'e Galatia 5:23

buwombeefu, na kwefuga. Ebyo biziraku iteeka libitakania.

Ab'e Kolosai 1:11

Mukalanguke olw'amaani goonagoona agaabagheebwa okuva mu bukumu bwe obw'ekitiisa, mughange okugumira buli kintu n'obuguminkiriza era n'okusagamba.

1 Ab'e Thessalonika 1:3

Twidhukira mu maiso ga Katonda era Lata waife, nga bwe mwoleka okwikiriza n'okugonza kwaimwe mu bye mukola, era twidhukira nga bwe mwoleka eisuubi lyaimwe eritakoma mu Musengwa waife Yesu Kurisito.

2 Ab'e Thessalonika 1:4

N'ife beene kye tuva ni tuwulira nga twesiimye n'imwe, mu Bikunsu eby'Abaikiriza mu Kurisito ebya Katonda, olw'okuguma n'okwikiriza bye muli nabyo mu kukirigibwa n'okudaazibwadaazibwa.

2 Ab'e Thessalonika 3:5

Musengwa abatuuse ku kugonza kwa Katonda ni ku kuguminkiriza kwa Kurisito.

1 Timotheo 2:10

Mu kifo ky'ebyo, bakole ebikolwa ebikalamu, nga bwe kigwanira abakazi abaisa mu Katonda ekitiisa.

1 Timotheo 2:2

Era musabirenga abafuzi ni boonaboona abali mu buyinza, olwo tube bukalamu nga tuli miraala, nga tutya Katonda era nga twebisa bukalamu.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

1 Timotheo 6:11

Aye iwe omuntu wa Katonda, ebyo byonabyona bireke, ojiirenga ku butuufu, okutya Katonda, okwikiriza, okugonza, okuguminkiriza n'okuba omwikaikamu.

1 Timotheo 6:3

Omuntu yeenayeena ayegeresa mu nsambo eyindi nga taisania na bibono bituufu ebya Musengwa waife Yesu Kurisito era nga taisania na ndhegeresa ya kutya Katonda,

1 Timotheo 6:6

Kituufu okwikiriza kulimu obukombe kamaala, kasita ole n'awulira ng'ebyo by'ali nabyo bimumala.

2 Timotheo 3:5

abeeyeta Abakurisito aye nga tibenda Bukurisito kubafuga. Weesambenga abantu ng'oti n'abo.

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,

Tito 1:8

Aye ateekwa okuba ng'asangaalira abageni, agonza okukola ebikalamu, aghanga okwefuga, akola ekituufu, omutukuvu era aghanga okwekugira.

Tito 2:2

Kubirizanga abasaadha abakulu beefugenga, babenga bantu bakalamu. Batenga amagezi mu bye bakola, babenga baidhuvu mu kwikiriza, mu kugonza ni mu kuguminkiriza.

Abaheburayi 10:36

Mwetaaga okuguminkiriza, memale musobole okukola Katonda ky'ayenda, n'okugheebwa ekyasuubizibwa.

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

Abaheburayi 6:12

Ti twenda mube bagayaavu, aye mube ng'oti n'abo abaikiriza, era ni baguminkiriza, ni bafuna ebyasuubizibwa.

Abaheburayi 6:15

Aburahamu yaaguminkiriza, era atyo yaafuna Katonda kye yamusuubiza.

2 Petero 1:3

Musengwa waife oyo, mu buyinza bwe nga Katonda, yatugha byonabyona bye twetaaga okuba abalamu n'okutya Katonda, nga tubita mu kumanha oyo eyatweta tube mu kitiisa kye ni mu bulungi bwe.

2 Petero 3:11

Oba nga ebintu bino bija kuzikirizibwa bityo, imwe mugwaine kuba mutya? Mugwaine kuba batukuvu era abatya Katonda mu bulamu bwaimwe.

Okwolekebwa 1:9

Ninze Yoanne muganda waimwe era Mukurisito munaimwe, agabanira aghalala n'imwe ku kudaazibwadaazibwa ni ku Bwakyabazinga bwa Kurisito era ni ku kuguminkiriza mu kudaazibwadaazibwa. Nateebwa ku kizinga ekyetebwa Patumo nga nangibwa okwegeresa abantu ekibono kya Katonda n'olw'okuba omudhulirwa wa Yesu.

Okwolekebwa 13:10

Kiisi muntu eyategekerwa okunhagibwa, alitwalibwa mu bunhage. Era kiisi muntu eyategekerwa okwitibwa empiima, alifa mpiima. Agho ni abatuukirivu bateekwa okuba n'okwikiriza era n'okuguminkiriza.

Okwolekebwa 14:12

Agho ni abo abatuukirivu abagema ebiragiro bya Katonda, ni basigala nga baikiriza Yesu, bateekwa okuguminkiriza.

Okwolekebwa 2:2

Ndidhi by'okola, okufaabiikana kwo, n'okuguminkiriza mu bizibu kw'oli nakwo. Ndidhi nga tosobola kuguminkiriza bantu babi. Era ng'abo abaali beeyeta abatume, ate nga ti batume, wabaleba waababona nga baguya.