2 Petero 1:16 - Baibuli Ekibono kya Katonda 2014

¹⁶ Bwe twabamanhisa ku kwira kwa Musengwa waife Yesu Kurisito n'obuyinza, ti twali ng'ababakobera enfumo obufumo. Aye twabaloodhera ekitiisa kye, kye twabona n'amaiso gaife geene.

2 Petero 1:16 Iomraidhean Croise

Malaki 3:2

Aye naani alisobola okugumira olunaku olwo lw'aliidhiraku? Era bw'aliboneka, naani alisobola okusigalagho ng'akaali mulamu? Ali ng'oti ni saabbuuni atumbeera einho, era ng'oti n'omuliro ogukenenula ebyuma.

Malaki 4:5

“Aye bona eno, olunaku lwa Musengwa Katonda olukologho era olw'entiisa bwe luliba lukaali kutuuka, ndibatumira Eliya omulanzi.

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Matayo 16:28

Bwenebwene ka mbakobere ghaligho abandi ku beemereire ghano abataja kukomba ku kufa okutuusa nga baboine Omwana w'Omuntu ng'aidha nga Kyabazinga.”

Matayo 17:1

Nga ghabiseegho enaku mukaaga, Yesu yaagema ku Petero, Yakobo ni Yoanne muganda we, yaabakulemberamu baaja ku lusozi oluleeyi baaba eyo bonka.

Matayo 24:27

Kuba ng'olukuba bwe lumyansa okuva ku luuyi olw'e buvandhuba ni lutuuka ku luuyi olw'e bugwandhuba, n'okwidha kw'Omwana w'Omuntu kutyo bwe kuliba.

Matayo 24:3

Bwe yali ng'atyaime ku Lusozi olw'Emiti Emyoliva, Abeegeresebwa baidha y'ali mu kyama, baakoba bati: “Tukobere ebyo biribaagho li, era kiki ekiriba akamanhiso ak'okwidha kwo, n'okufundikira okw'ebyanda?”

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Mariko 13:26

ng'olwo ni babona Omwana ow'Omuntu ng'aidhira mu bire n'amaani amangi n'ekitiisa.

Mariko 14:62

Agho Yesu yaakoba ati: “Ninze. Era mulibona Omwana w'Omuntu ng'atyaime ku mukono omusaadha ogw'ow'obukumu, era ng'aidhira mu bire eby'eigulu.”

Luka 1:2

nga bwe baabitukobera, abaabiboneraku irala okuva mu mainhama, abeegeresa ekibono kya Katonda.

Luka 9:43

Boonaboona baayasaamirira olw'obukumu bwa Katonda. Boonaboona baali bakeewuunhia bye yakola, Yesu yaakoba Abeegeresebwa be ati:

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 17:2

Wamugha obukumu ku bantu boonaboona aghe obulamu obutawaagho abo boonaboona be wamugha.

Ab'e Roma 1:4

aye mu butukuvu obuva mu Bwakatonda bwe, bwe yazuukizibwa mu bafu, yaboneka ng'ali n'amaani mangi ng'Omwana wa Katonda.

1 Ab'e Korintho 1:17

Kurisito tiyantuma kubatiza aye yantuma okukobera abantu Amawulire Amalungi, era ngabakobere nga tikozesa magezi ga bantu, olwo okufa kwa Kurisito ku musalaba kulobe kuwaamu maani gaakwo.

1 Ab'e Korintho 1:23

Aye ife tubakobera ku Kurisito ye baakomerera, eyafuuka ekitimuguunha eri Abayudaaya, ate ekizira makulu eri abamaghanga agandi.

1 Ab'e Korintho 1:7

Olwo ghaabula ekitone eky'omwoyo kyonakyona kye muzira, nga bwe muteegerera okweyoleka kwa Musengwa waife Yesu Kurisito.

1 Ab'e Korintho 2:1

Aboluganda, bwe naidha ye muli okubakobera amazima ag'ekyama kya Katonda, tyakozesa bibono bikalangafu waire okukozesa amagezi ag'ekikugu.

1 Ab'e Korintho 2:4

era mu ndhegeresa yange ni mu bukwenda bwange timwalimu magezi ga nsi agasendasenda, aye mwalimu kwoleka maani ga Mwoyo wa Katonda.

2 Ab'e Korintho 2:17

Tituli oti n'abantu abandi kamaala abakozesa ekibono kya Katonda okufunamu kye banaalya, aye tuli bantu Katonda be yatuma, era twogera mazima mu maiso ge, ng'abagheereza mu Kurisito.

2 Ab'e Korintho 4:2

Ebikolwa ebikolebwa mu ngiso era ebiswaza twabyevuma, tituguyaguya oba okufuulaniafuulania ekibono kya Katonda, aye twogera mazima gonka, twaleka buli muntu ow'omwoyo omukalamu okutulowoozaaku nga bw'atubona mu maiso ga Katonda.

Ab'Efeso 4:14

Era tube nga titukaali baana bato abayuuzibwayuuzibwa era abatwalibwa kiisi mpewo ey'endhegeresa y'abantu abaguya, abakiidhamya abandi n'obuguya bwaibwe.

Ab'e Filippi 3:21

Ono n'alikyusa emibiri gyaife eminafu era egifa n'agifuula ng'oti n'ogugwe ogw'ekitiisa, ng'akozesa amaani agamusobozesa okuta ebintu byonabyona mu bufuzi bwe.

1 Ab'e Thessalonika 2:19

Kuba eisuubi lyaife, eisanhu lyaife, n'okwesaaka olw'obughanguzi mu maiso ga Musengwa waife Yesu lw'aliira, biri mu ani? Tibiri mu imwe?

2 Ab'e Thessalonika 2:9

Omubi Isaababi oyo aliidha n'amaani ga Sitaani era alikola obumanhiso n'ebyewuunhio eby'obuguya ebya buli nsambo.

1 Timotheo 1:4

Bakobe bakange agho okwemalira ku nfumo, ni ku kunoonenkereza endyo edh'abantu endeeyiriri edhitakutuka. Ebyo bivaamu bwa kutakana, mu kifo ky'okwegeresa abantu ebya Katonda ebiri mu kwikiriza.

1 Timotheo 4:7

Weesambenga enfumo edhiziramu kutya Katonda, edhitagwanira na kughayaku. Wemanhirize okutyanga Katonda.

Tito 1:14

mu kifo eky'okwemalira mu nfumo edh'Ekiyudaaya oba ku biragiro ebigundhe eby'abantu abaaloba amazima.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.

1 Yoanne 4:14

Era twakibona, twakighaaku n'obudhulizi tuti Lata yatuma Omwana we okuba Omulokozi ow'ensi.

Yuda 1:14

Abantu bano Enoka ow'omu luse olwomusanvu okuva ku Adamu, be yayogeraku ng'alanga ati: “Bona, Musengwa aliidha n'olukunkumuli olw'abatuukirivu,

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.