2 Petero 1:10 - Baibuli Ekibono kya Katonda 2014

¹⁰ Kale ni aboluganda, mufubenga inho okwekalangulira ku kwetebwa Katonda kwe yabeetamu n'okulondebwa kwe yabalondamu, birobe kukyukamu. Bwe mukola mutyo timuja kugwa

2 Petero 1:10 Iomraidhean Croise

Zabbuli 112:6

Omuntu atya Katonda ghazira kisobola kumutengeesa; aidha kwidhukirwanga ebyanda n'ebyanda.

Zabbuli 121:3

Musengwa Katonda oyo taja kukuganha kugwa, oyo n'omukuumi wo ataja kuwongera naire.

Zabbuli 15:5

Bw'awola empiiya tasuubira magoba, era ole tasobola kumugula kulumiriza muntu aziraku musango. Omuntu ng'oti n'oyo ghazira kisobola kumutengeesa.

Zabbuli 37:24

Ni bw'agwa, taja kuweera ku itaka, kuba Musengwa Katonda amugema ku mukono.

Zabbuli 62:2

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Zabbuli 62:6

Oyo yenka n'olubaale lwange mwe neegisa era n'obulokozi bwange; oyo n'ekifo kyange mwe neewogoma era ghazira kisobola kuntengeesa.

Isaia 56:2

Ndigha enkabi abo abakuuma Sabbato buliidho ni batagyonoona, era naagha enkabi abo abeekuuma ni batakola bibi.”

Mika 7:8

Abazigu baife, mulobe kutusekerera mbu kuba tugwire. Tuja kusituka! Waire tuli mu nzikiiza buti, Musengwa Katonda aidha kutugha obutangaavu.

Matayo 22:14

“Abantu kamaala abeetebwa, aye batono abalondebwa.”

Ab'e Roma 11:29

Kuba Katonda tiyeidhusa bw'alondamu, oba bw'agabira abantu.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

Abaheburayi 6:11

Era twenda kiisi mulala ku imwe okwolekanga okufaabiikana okwo, okutuusa ku nkomerero lwe mulifuna kye musuubira.

Abaheburayi 6:19

Eisuubi eryo ni lye tuli nalyo, era n'erinhwekeza irala emyoyo gyaife ng'oti n'ekizito ekyemereza eryato bwe kinhweza eryato. Eisuubi eryo liziramu kutya era ikakafu. Era lingirira irala mu kifo ekitukuvu ekiri einhuma w'olutimbe.

Yakobo 2:10

Oyo agema Amateeka goonagoona aye eirala liti ni limulema, abaaku omusango ogw'okumenha Amateeka goonagoona

Yoshua 7:3

Bwe baira baakobera Yoshua bati: “Otadaaza bantu boonaboona kuja ere, kuba abantu abaliyo batono bati. Leka abantu ng'enkumi ibiri oba isatu n'ababe baje bakirumbe.”

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

2 Petero 1:3

Musengwa waife oyo, mu buyinza bwe nga Katonda, yatugha byonabyona bye twetaaga okuba abalamu n'okutya Katonda, nga tubita mu kumanha oyo eyatweta tube mu kitiisa kye ni mu bulungi bwe.

2 Petero 1:5

Olw'ekyo mwefubirize inho, ku kwikiriza kwaimwe mwongereku ebikolwa ebikalamu ku bikolwa ebikalamu mwongereku okumanha

2 Petero 3:14

Agho ni nga bwe muli kuteegerera ebintu bino bakagwa, mwekalangule mwagaanibwe nga muli miraala, nga muziraku kamyamya oba kamogo koonakoona.

2 Petero 3:17

Imwe ni bakagwa, nga bwe mukiidhi obukalamu, mwekuume mulobe kutwalibwa mu bukyamu bwa bantu babi, na kuva ghe mwekalanguliire kugwa.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,

Okwolekebwa 22:14

Ba nkabi abo abaamula ebivaalo byaibwe. Baligheebwa obukumu okulya ebibala eby'omuti ogw'obulamu, era n'okwingira mu kibuga nga babita mu miryango.