2 Ebyomubyanda 9:8 - Baibuli Ekibono kya Katonda 2014

⁸ Musengwa Katonda wo asaakibwe, eyayoleka nga bw'akusiimye, n'akufuula kyabazinga, ofugenga mu liina lye. Musengwa Katonda oyo agonza inho abantu be Abaisiraeli era ayenda okubakuuma babeegho lubeerera, kyeyava n'akufuula kyabazinga waibwe, olamulenga mu mazima ni mu butuufu.”

2 Ebyomubyanda 9:8 Iomraidhean Croise

2 Samueli 23:3

Katonda wa Isiraeli yayogera, oyo olubaale lwa Isiraeli olw'okwewogomamu yankoba ati: Omuntu bw'afuga abantu ng'asala mu butuufu, n'afuga ng'atya Katonda,

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

1 Bakyabazinga 10:9

Musengwa Katonda wo asaakibwe, eyayoleka nga bw'akusiimye, n'akufuula kyabazinga wa Isiraeli. Musengwa Katonda oyo agonza inho Isiraeli, kyeyava n'akufuula kyabazinga, olamulenga mu mazima ni mu butuufu.”

1 Bakyabazinga 3:28

Abaisiraeli boonaboona bwe baawulira kyabazinga Solomoni bw'asaze omusango ogwo, baamwewuunhia inho, kuba baabona ng'amagezi ga Katonda gamulimu, asobole okusalanga mu butuufu.

1 Ebyomubyanda 17:22

Wataagho Abaisiraeli babenga bantu bo ebyanda n'ebyanda, ate iwe Musengwa Katonda waafuuka Katonda waibwe.

1 Ebyomubyanda 28:5

Musengwa Katonda oyo yampa abaana kamaala era mu batabane bange boonaboona, yaalondamu Solomoni okutyama ku kityamo eky'obwakyabazinga bwa Isiraeli, Musengwa Katonda mwene oyo bwe yataagho.

1 Ebyomubyanda 29:10

Agho kyabazinga Daudi yaasaaka Musengwa Katonda ng'abantu boonaboona abeesoloiza bali agho. Yaakoba ati: “Wo Musengwa Katonda wa dhaadha waife Isiraeli, ogwaine osaakibwenga ebyanda n'ebyanda.

1 Ebyomubyanda 29:20

Agho Daudi yaakoba abantu boonaboona abaali beesoloiza ati: “Musaake Musengwa Katonda, oyo Katonda waimwe.” Kale abantu boonaboona abaali beesoloiza baasaaka Musengwa Katonda, Katonda wa badhaadha baibwe. Baakuba amakiryaivu era baakutama n'ebyeni byatuuka ku itaka, baasinza Musengwa Katonda era baagha ni kyabazinga ekitiibwa.

1 Ebyomubyanda 29:23

Kale Solomoni yaatyama ku kityamo eky'obwakyabazinga Musengwa Katonda kye yataagho, yaaba kyabazinga mu kifo kya lata we Daudi. Ebintu byajiiranga Solomoni oyo bukalamu, era eighanga Isiraeli lyamugonderanga.

2 Ebyomubyanda 13:8

“Mpegaano muli kusala amagezi okulwanisa obwakyabazinga bwa Musengwa Katonda, mubutoole ku b'eizaire lya Daudi olw'okuba muli igye inene, era nga muli n'ebifaananie eby'ente ento ebya zaabu, Yeroboamu bye yabakolera bibenga bakatonda baimwe.

2 Ebyomubyanda 2:10

Abantu bo abatema emiti ndidha kubafunira kilo dh'engaano ye bamaze okukuba edhigheza obukaire bubiri n'emitwalo amakumi ana (2,400,000), n'edha sayiri dhoona nga dhigheza kilo obukaire bubiri n'emitwalo amakumi ana (2,400,000), n'elita dh'omwenge ogw'emizabbibu emitwalo amakumi ana (400,000), n'omuzigo ogw'ebibala eby'emiti emyoliva nga gwona gugheza lita emitwalo amakumi ana (400,000).”

2 Ebyomubyanda 2:11

Agho Hiramu kyabazinga w'e Tiro yaaghandiikira Solomoni embaluwa emwiramu ng'ekoba eti: “Musengwa Katonda akufiire kyabazinga w'abantu be, lwa kuba agonza inho abantu be abo.

2 Ebyomubyanda 9:7

Bakazi bo beesiimye! N'abagheereza bo ababa buliidho mu maiso go ni bawulira eby'amagezi by'oyogera beesiimye!

2 Ebyomubyanda 9:9

Agho yaatonera kyabazinga zaabu agheza kilo ng'oti enkumi ina (4,000), n'eby'obuwoowo kamaala inho, n'amabaale ag'omughendo. Era ghaali tighabangaghooku buwoowo ng'oti n'obwo kyabazinga omukazi ow'e Sheba bwe yatonera kyabazinga Solomoni.

Zabbuli 18:19

Yantuusa mu kifo ekigazi yaabamponia, kuba nali nga nkola by'ayenda.

Zabbuli 22:8

“Yeesiga Musengwa Katonda, lwaki buti tamuwonia? Oba nga Musengwa Katonda amugonza lwaki tamuyamba?”

Zabbuli 72:2

Afuge abantu bo mu butuufu, era agoloze abatuntuzibwa nga tasaliriza.

Zabbuli 99:4

Iwe Kyabazinga ow'amaani, toyenda kusaliriza, wataagho ensala ejiira ku mazima, era waaleetagho obutuufu mu Isiraeli.

Ensambo 21:3

Okukola ebituufu n'okukolera ku mazima, bisiimya Musengwa Katonda okuwula okumugha emisengo.

Ensambo 29:4

Kyabazinga ajiira ku kukola amazima aleetera ensi ye okuba emiraala, aye ole ayenda enguzi buli kiseera aitaitana ensi.

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 62:4

Toliiramu kabiri kwetebwa “Eyalekulirwa agho,” oba ensi yo okwiramu okwetebwa “Ekifulukwafulukwa.” Aye olyetebwa “Eyasiimibwa,” n'ensi yo yaayetebwa “Mufumbo”; kuba Musengwa Katonda akusiima, era ensi yo eriba ng'omukazi omufumbo.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Amateeka Agokubiri 7:8

Aye olw'okuba Musengwa Katonda yabagonza, era yaayenda okukuuma ekisuubizo, kye yasuubiza badhaadha baimwe, kyeyava n'akozesa amaani ge agataloodheka okubanunula. Yaabatoola mu ngalo dha kyabazinga ow'e Misiri, ye mwakolanga obwiru.