2 Ebyomubyanda 9:4 - Baibuli Ekibono kya Katonda 2014

⁴ n'emere ye yagabulanga ku meeza ye, n'ensambo abakungu be ye baatyamangamu, n'ensambo abagheereza be ye baagheerezangamu nga bali mu bivaalo byaibwe, n'ensambo abo abaagheerezanga eby'okunhwa ye baavaalangamu. Era yaabona n'ebigheebwayo ebyokebwa Solomoni bye yaghangayo mu isinzizo. Ebyo byonabyona byamwewuunhisa inho ekibitiriire.

2 Ebyomubyanda 9:4 Iomraidhean Croise

1 Bakyabazinga 10:5

n'emere ye yagabulanga ku meeza ye, n'ensambo abakungu be ye baatyamangamu, n'ensambo abagheereza be ye baagheerezangamu nga bali mu bivaalo byaibwe, n'abo abaagheerezanga eby'okunhwa. Era yaabona n'ebigheebwayo ebyokebwa Solomoni bye yaghangayo mu isinzizo. Ebyo byonabyona byamwewuunhisa inho ekibitiriire.

1 Bakyabazinga 5:2

Solomoni yaasindika obukwenda ye Hiramu ng'akoba ati:

1 Bakyabazinga 5:3

“Oidhi nga lata wange, olw'entalo dhe yali n'okulwana n'ensi dh'abazigu edhaali dhimwezungulwire ku ndhuyi dhoonadhoona, tiyaghanga kuzimbira Musengwa Katonda we isinzizo, okutuusa Musengwa Katonda oyo bwe yamusobozesa okughangula abazigu be boonaboona.

2 Bakyabazinga 16:18

Era olw'okwenda okusanhusa kyabazinga w'e Assiria, Ahazi yaatoolagho olukuubo olusereke olw'okubitamu ku Sabbato olwali munda mu kisaagaati kya kyabazinga. Yaaziba n'omulyango kyabazinga gwe yaingirirangamu mu isinzizo.

1 Ebyomubyanda 9:18

Abo n'abaakuumanga omulyango ogw'e buvandhuba ogwetebwa Omulyango gwa Kyabazinga. Era n'abaakuumanga emiryango mu kifo Abalevi ghe baasimbanga weema dhaibwe.

2 Ebyomubyanda 23:13

Okuja okulinga ati, ng'abona kyabazinga ayemereire okumpi n'omulyango gha mpango agheemerera kyabazinga, ng'abaduumizi b'eigye n'abafuuyi ab'amagwala bamuli agho kumpi. Era ng'abantu boonaboona bali kusagamba nga bwe bafuuwa amagwala. N'abembi boona nga bali kukuba ebivuga byaibwe, nga bakulemberamu enhembo. Agho Athalia yaakanulamu ebivaalo bye olw'okunakughala, nga bw'akoba ati: “Mundiiremu olukwe! Mundiiremu olukwe!”

2 Ebyomubyanda 9:3

Kyabazinga omukazi ow'e Sheba oyo yaabona amagezi ga Solomoni, n'ekisaagaati kye eky'obwakyabazinga kye yazimba,

2 Ebyomubyanda 9:5

Agho yaakoba Solomoni ati: “Bye nawulira nga ndi mu nsi yange ku bikolwa byo ni ku magezi go, byali bituufu.

Nehemia 1:11

Wo Musengwa Katonda, tega kutu wo owulire nze omugheereza wo bye nkusaba, owulire n'eby'abagheereza bo abandi, abasanhukira einho okutya eriina lyo. Nze omugheereza wo nkusaba ompe obughanguzi olwaleero luno, oleetere omusaadha ono okunsaasira.” Mu kiseera ekyo, ninze nagheerezanga kyabazinga eby'okunhwa.

Zabbuli 119:81

Omwoyo gunsiriira olw'okuteegerera einho iwe okwidha okundokola; aye neesiga kye wayogera.

Zabbuli 143:7

Wo Musengwa Katonda, yangughaku ombeere! Mpoiremu eisuubi. Otaneegisaaku, ndobe kuba ng'oti n'abali e magombe.

Ensambo 9:5

“Idha olye ku mere yange ye nfumbye, era onhwe ni ku mwenge gwange ogw'emizabbibu gwe mpiisiisa.

Olwembo 5:8

Imwe abaghala ab'e Yerusalemu, ndi kubakoba mulayire, muti bwe munaabona omugonzi wange, munaamunkobera muti ndwaire olw'okumugonza einho.

Ezekieli 44:3

Omufuzi anaabangagho mu kiseera ekyo, yenka n'anaagubitangamu okuja okulya ku kiiwulo ekitukuvu mu maiso gange nze Musengwa Katonda. Aidha kwingiriranga mu kisasi eky'oku mulyango, era yeene eyo y'aidha okufulumiranga.”

Ezekieli 46:2

Kyabazinga aidha kwingiranga mu mulyango ogwo ng'aviira ku luya olw'okuliya, yaabitira mu kisasi eky'oku mulyango. Aidha kwemereranga gha bikondo eby'omulyango ogwingira mu luya olw'omunda, nga bakabona bali kughaayo ku lulwe ebigheebwayo ebyokebwa n'ebigheebwayo olw'okutabagana. Era kyabazinga oyo aidha kusinzizanga agho gha mulyango, memale afulume. Aye omulyango gwidha kusigalanga nga mwigule okutuusa eigulo.

Danieli 10:17

Kale nze omwiru wo, nnaasobola ntya okwogera n'iwe Musengwa wange? Tikaalimu maani waire okubaamu omuuka gwe mpeera.”

Matayo 6:29

Aye ka mbakobere, waire Solomoni mu kitiisa kye kyonakyona tiyavaalanga ng'ekirala ku ebyo.

Luka 12:37

Abagheereza abo nga ba nkabi, abo musengwa waibwe b'aliira n'ayagaana nga beetegefu. Bwenebwene ka mbakobere: Alyesiba, yaabatyamya ku kiiwulo, yaabita ng'abagheereza.

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

Okwolekebwa 3:20

Ndi ku lwigi nhemereire, nkonkona. Awulira amamiro gange n'aigulagho olwigi, ndingira omumwe naalya naye.