2 Ebyomubyanda 8:6 - Baibuli Ekibono kya Katonda 2014

⁶ Era yaazimba ekibuga Baalathi, n'ebibuga bye ebyalimu amaterekero, n'ebibuga mwe yakuumiranga ebigaali bye eby'omu lutalo, n'ebibuga by'abasaadha be abavuzi b'embalaasi, n'ebindi byonabyona Solomoni bye yayenda okuzimba mu Yerusalemu ni mu Lebanoni, n'aghandi woonawoona mu biketezo bye yali afuga.

2 Ebyomubyanda 8:6 Iomraidhean Croise

1 Bakyabazinga 10:26

Solomoni yasoloza ebigaali eby'omu lutalo n'abavuzi b'embalaasi. Yali n'ebigaali eby'omu lutalo lukumi na bina (1,400), n'abavuzi b'embalaasi omutwalo mulala n'enkumi ibiri (12,000) abandi yaabata mu bibuga ebikuumirwamu ebigaali eby'omu lutalo, ate abandi yaabata mu Yerusalemu, mwene ye yali.

1 Bakyabazinga 7:2

Yazimba endhu eyayetebwanga Ekibira kya Lebanoni, ng'egheza mita amakumi ana na ina (44) mu buleeyi, mita amakumi abiri na ibiri (22) mu bugazi, n'emita ikumi na isatu n'ekitundu (13.5) mu bugungumavu. Yagizimbira ku nhiriri isatu edh'empango edh'omuvule, kwe baata emiti emikiika gyona nga gya muvule.

1 Bakyabazinga 9:1

Solomoni bwe yamala okuzimba eisinzizo n'ekisaagaati kye eky'obwakyabazinga, era n'okumaliriza byonabyona bye yayenda okuzimba,

2 Ebyomubyanda 1:14

Yaasoloza ebigaali eby'omu lutalo n'abavuzi b'embalaasi. Yali n'ebigaali eby'omu lutalo lukumi na bina (1,400), n'abavuzi b'embalaasi omutwalo mulala n'enkumi ibiri (12,000) abandi yaabata mu bibuga ebikuumirwamu ebigaali eby'omu lutalo, ate abandi yaabata mu Yerusalemu, mwene ye yali.

2 Ebyomubyanda 17:12

Yehoshafati yaaja nga yeeyongera okuba ow'amaani, yaazimba ebifo eby'okwewogomamu, n'ebibuga ebyalimu amaterekero,

2 Ebyomubyanda 8:4

Yaazimba ekibuga Tadimori mu irungu, era yaazimba n'ebibuga mu Hamathi ebyalimu amaterekero.

2 Ebyomubyanda 8:5

Era yaazimba ebibuga Bethi Horoni eky'Eitale, ni Bethi Horoni eky'Eifo, nga byezungulwirwa ebimante ebigumu era nga biriku endhigi edhiriku ebisiba eby'ekyuma.

2 Ebyomubyanda 8:7

Ghaaligho abantu abaawonagho abataali Baisiraeli, nga n'omuli Abamori, Abahitti, Abaperizzi, Abahivi, n'Abayebusi, abaali mu nsi Kanaani.

Omulangirizi 2:4

Neekolera ebintu kamaala: naazimba amayumba, naasimba amasamba ag'emizabbibu.

Olwembo 4:8

Omugole wange, idha tuje, tuve ku nsozi dh'e Lebanoni; idha tuje, tuve mu Lebanoni. Vaayo ku mutwe ogw'olusozi Amani, ove n'eyo ku mitwe egy'ensozi Seniri ni Herimoni, eri empologoma n'empala.

Yoshua 19:44

Eliteke, Gibbethoni, Baalathi,