2 Ebyomubyanda 8:18 - Baibuli Ekibono kya Katonda 2014

¹⁸ Kyabazinga Hiramu yaasindika ku bagheereza be n'amaato, abaali n'obumanhi ku by'oku nhandha, baajiira mu maato ago ghalala n'abagheereza ba Solomoni. Baaja mu nsi Ofiri, baatoolayo zaabu agheza kilo ng'oti omutwalo mulala n'enkumi itaanu (15,000), baamuleetera kyabazinga Solomoni.

2 Ebyomubyanda 8:18 Iomraidhean Croise

1 Bakyabazinga 10:22

Kyabazinga yali n'olugololiro olw'amaato agaajanga e Tarushishi ku nhandha enene nga gali ghalala n'olugololiro olw'amaato ga Hiramu. Buli lumaliira lwa myaka esatu, olugololiro olw'amaato olwo lwairanga okuva e Tarushishi nga luleese zaabu, ni feeza, n'amasanka, n'ensude, n'enkembo.

2 Ebyomubyanda 9:10

Abagheereza ba Hiramu n'aba Solomoni abaaleeta zaabu okuva mu Ofiri, baaleeta n'embaawo edh'emiti egyetebwa emyalumugi, n'amabaale ag'omughendo.

2 Ebyomubyanda 9:13

Zaabu Solomoni ye yafunanga omwaka, yaghezanga kilo ng'oti emitwalo ebiri n'enkumi isatu (23,000),

2 Ebyomubyanda 9:21

Kyabazinga yali n'olugololiro olw'amaato agaajanga e Tarushishi ku nhandha enene nga gali ghalala n'olugololiro olw'amaato ga Hiramu. Buli ku nkomerero ya myaka esatu, olugololiro lw'amaato olwo lwairanga okuva e Tarushishi nga luleese zaabu, ni feeza, n'amasanka, n'ensude, n'enkembo.

Omulangirizi 2:8

Naasoloza feeza, ni zaabu, n'eby'obukombe ebindi kamaala okuva mu biketezo bye nafuganga. Naataagho abasaadha n'abakazi abaanhemberanga, era naaba n'abakazi ab'embali ng'omusaadha yeenayeena bwe yaalyenze.