2 Ebyomubyanda 8:14 - Baibuli Ekibono kya Katonda 2014

¹⁴ Solomoni oyo yaakola nga lata we Daudi bwe yalagira, yaataagho engobo bakabona dhe baakolerangamu omulimo gwaibwe. Yaataagho n'engobo Abalevi dhe baakolerangamu omulimo gwaibwe ogw'okwemba enhembo edhisaaka, n'okugheereza nga bayambaku bakabona, nga bwe kyetaagisanga buli lunaku. Yaataagho n'abakuumi b'emiryango mu ngobo, ku buli mulyango kuba atyo Daudi omuntu wa Katonda bwe yalagira.

2 Ebyomubyanda 8:14 Iomraidhean Croise

2 Samueli 23:2

Daudi oyo yakoba ati: “Omwoyo gwa Musengwa Katonda gwogerera mu nze, antaire ebibono bye mu kanwa.

1 Bakyabazinga 13:1

Agho omulanzi yaava mu Buyudaaya nga Musengwa Katonda n'amulagiire, yaaja e Betheli. Yaayagaana Yeroboamu ng'ayemereire aghali alutaari, okuniokeza obubbaani.

1 Ebyomubyanda 16:37

Kale kyabazinga Daudi yaataagho Asafu ni Balevi baine, bakulirenga eby'okusinza, nga bwe kyali kyetaagisa buli lunaku, agho mu maiso ag'Esanduuku y'Endagaano ya Musengwa Katonda.

1 Ebyomubyanda 16:42

Hemani ni Yeduthuni era n'abaakuumanga amagwala, n'ebide, n'ebivuga ebindi byonabyona bye baakubanga okwembera Katonda. Ate batabane ba Yeduthuni yaabata ku gw'okukuumanga emiryango.

1 Ebyomubyanda 23:1

Daudi bwe yakairigha einho, yaafuula mutabane we Solomoni kyabazinga wa Isiraeli.

1 Ebyomubyanda 24:1

Ab'oku lulyo lwa Aaroni baabagabamu bati: Aaroni yazaala Nadabu, Abihu, Eleazari, ni Ithamari.

1 Ebyomubyanda 24:3

Kyabazinga Daudi yagabamu bakabona mu bikunsu ng'ajiira ku mirimo gye baali baja okukolanga. Ekyo yakikola ng'ayambibwaku Zadoki mwidhukulu wa Eleazari, ni Ahimeleki mwidhukulu wa Ithamari.

1 Ebyomubyanda 25:1

Daudi ng'ali ghalala n'abaakuliranga eby'okusinza, baalonda ab'oku nda edh'Abalevi dhino okulangiriranga obukwenda bwa Musengwa Katonda nga bemba enhembo bwe bakubiraku endingidi, entongooli, n'ebide: ab'oku nda ya Asafu, n'ab'oku ya Hemani, n'ab'oku ya Yeduthuni. Luno n'olukalala olw'abo be baalonda okukola omulimo ogwo nga bajiira ku mirimo gye baali baja okukolanga:

1 Ebyomubyanda 26:1

Bano n'abaali abakuumi b'emiryango gy'eisinzizo: Mu bantu abaasimuka mu Kora, mwalimu Meshelemia mutabane wa Kore ow'oku nda ya Asafu.

1 Ebyomubyanda 28:19

Kyabazinga Daudi yaakoba ati: “Ebyo byonabyona biri mu ntegeka eyaghandiikibwa ng'ejiira ku biragiro ebyo, Musengwa Katonda mwene bye yandagira okutuukiriza.”

1 Ebyomubyanda 9:17

Abakuumi b'eisinzizo baali bano: Shallumu, ni Akkubu, ni Talumoni, ni Ahimani, ni baganda baibwe. Shallumu n'eyali omukulu waibwe.

1 Ebyomubyanda 9:24

Abakuumi abo baabanga ku ndhuyi dhoonadhoona edh'eisinzizo: e buvandhuba, e bugwandhuba, ku luuyi olw'omukono omugooda olw'e buvandhuba, ni ku luuyi olw'omukono omusaadha olw'e buvandhuba.

2 Ebyomubyanda 23:19

Yehoiada era yaataagho abakuumi ku miryango gy'eisinzizo, lirobenga kwingirwamu atali mulongoofu.

2 Ebyomubyanda 23:4

Era yaabakoba ati: “Kino kye mwidha okukola. Imwe bakabona n'Abalevi, bwe munaidha okukuuma mu ngobo dhaimwe ku Sabbato, mwidha kwegabaniamu ebikunsu bisatu nga byagayaga. Ekikunsu ekindi ku ebyo ebisatu eby'abakuumi, baidha kukuuma emiryango gy'eisinzizo.

2 Ebyomubyanda 29:25

Yaata Abalevi mu isinzizo nga bagemye n'ebide, n'entongooli, n'endingidi, ng'ajiira ku kiragiro Musengwa Katonda kye yagha kyabazinga Daudi, ng'abita mu Gadi omulanzi wa kyabazinga ni Nathani omulanzi.

2 Ebyomubyanda 31:2

Agho kyabazinga Hezekia yaataagho bakabona n'Abalevi mu bikunsu bikunsu, nga bagheereza mu ngobo ng'omulimo gwa buli muntu bwe gwali okughangayo ebigheebwayo ebyokebwa n'ebigheebwayo olw'okutabagana, okwo nga kw'otaire okugheerezanga Musengwa Katonda, n'okumwebazanga, n'okumusaakanga mu isinzizo.

2 Ebyomubyanda 35:10

Ebintu byonabyona bwe byamala okutegekebwa, bakabona n'Abalevi baayemerera mu bifo byaibwe nga kyabazinga bwe yalagira.

2 Ebyomubyanda 35:15

Abembi ab'oku nda ya Asafu bano: Asafu, ni Hemani, ni Yeduthuni omulanzi wa kyabazinga, baali mu bifo byaibwe nga kyabazinga Daudi bwe yalagira. N'abaigazi b'emiryango gy'eisinzizo tibaava ku miryango, kuba Balevi banaibwe abandi baabategekera.

2 Ebyomubyanda 35:4

Mwetegeke mukolere mu ngobo nga mujiira ku nda dha badhaadha baimwe nga bwe dhiri, era nga mujiira ku kiragiro kya kyabazinga Daudi owa Isiraeli ni mutabane we Solomoni.

2 Ebyomubyanda 5:11

Bakabona boonaboona abaaligho, baali bamaze okwetukuza. Kale boonaboona baaseeta aghazira kufaayo ku bikunsu byaibwe bye baabangamu.

2 Ebyomubyanda 8:15

Kyabazinga Daudi bye yalagira bakabona n'Abalevi ku bintu ebyaterekebwa ni ku bintu ebindi, baabituukiriza bukalamu.

Ezera 6:18

Agho baataagho bakabona mu bikunsu byaibwe, n'Abalevi mu ngobo dhaibwe, baagheerezanga Katonda mu isinzizo e Yerusalemu, nga bwe kyaghandiikibwa mu kitabo kya Musa.

Nehemia 12:24

Abalevi nga bakulemberwa Hashabia, ni Sherebia, ni Yeshua mutabane wa Kadimieli, beegabaniamu ebikunsu. Nga ku buli mukuzi ghabaagho ebikunsu bibiri ebiba biri kwemba enhembo edhisaaka n'okwebaza Katonda, ng'ekindi kiri kwemba eby'okwiramu, nga kyabazinga Daudi omuntu wa Katonda bwe yalagira.

Nehemia 12:25

Mattania, ni Bakabukia, ni Obadia, ni Meshullamu, ni Talimoni, ni Akkubu, n'abaali abaigazi b'emiryango abaakuumanga amaterekero agaali ku miryango.

Nehemia 12:36

Hoshaia oyo era yaaja n'aboluganda lwe abandi bano: Shemaia, ni Azareli, ni Milalai, ni Gilalai, ni Maai, ni Nethaneli, ni Yuda, ni Hanani, abaajanga nga bakuba ebivuga ng'ebya kyabazinga Daudi omuntu wa Katonda. Ezera omunamateeka n'eyabakulemberamu.

Luka 1:5

Mu biseera bya Herode, kyabazinga wa Buyudaaya, ghaaligho kabona nga bamweta Zekaria, nga wa mu kikunsu kya Abiya. Ni mukazi we nga bamweta Elisabethi, nga mwidhukulu wa Aaroni.

Luka 1:8

Lwali lulala, Zekaria bwe yali ng'ali ku mulimo gwe ogw'obwakabona mu maiso ga Katonda, mu lugobo olw'ekikunsu kye,

Ebikolwa by'Abatume 13:22

Katonda bwe yamutoolagho, yaabateeragho Daudi okuba kyabazinga waibwe. Ono ni Katonda ye yayogereraku ati: ‘Nzwire mu Daudi omwana wa Yesse omusaadha ye nsiima, anaakolanga byonabyona ebinsangaaza.’

Ebikolwa by'Abatume 13:36

Kuba Daudi yamala okukola emirimo gye yamutegekera mu bulamu bwe, yaafa, yaaziikibwa aghali badhaadha be, yaavunda.

Amateeka Agokubiri 33:1

Dhino n'enkabi, Musa omusaadha wa Katonda dhe yasabira Abaisiraeli ng'akaali kufa.