2 Ebyomubyanda 8:12 - Baibuli Ekibono kya Katonda 2014

¹² Agho Solomoni yaaghangayo eri Musengwa Katonda ebigheebwayo ebyokebwa ku alutaari ye yazimba emberi gh'eisinzizo.

2 Ebyomubyanda 8:12 Iomraidhean Croise

1 Ebyomubyanda 28:17

Yaamugha n'obuzito bwa zaabu omukenenule ow'okukolamu ebyuma eby'amaino ng'oti wuuma, n'ow'okukolamu ebibya n'ebikopo n'obuzito bwa zaabu n'obwa feeza ow'okukolamu entamu

2 Ebyomubyanda 1:6

Solomoni oyo yaaniinaniina, yaaja yaaghaayo ebigheebwayo ebyokebwa, nga buli kigheebwayo kyokebwa kyonakyona okuwaagho ku alutaari eyo ey'ekyuma eky'ekikomo. Yaaghaayo ensolo lukumi (1,000).

2 Ebyomubyanda 15:8

Asa bwe yawulira eby'obulanzi Azaria mutabane wa Odedi bye yayogera, yaafuna amaani. Yaatoola mu kiketezo kya Yuda n'ekya Benjamini, ebintu ebyenhinhalwa ebitali Katonda ebyasinzibwanga. Yaatoolayo n'ebyo ebyali mu bibuga ebyo byonabyona bye yanhaga mu kiketezo kya Efuraimu eky'oku nsozi. Era yaizaagho buyaaka alutaari ya Musengwa Katonda eyali emberi gh'eisinzizo.

2 Ebyomubyanda 4:1

Kyabazinga Solomoni yaakola alutaari ey'ekyuma ky'ekikomo, ng'endhuyi dhaayo eina dhaagayaga, era nga dhigheza mita mwenda buli luuyi, ate obugungumavu ng'egheza mita ina n'ekitundu.

Ezekieli 45:17

Era kyabazinga oyo n'aidha okutangagho ebigheebwayo ebyokebwa byonabyona okuwaagho, n'ebigheebwayo eby'emere ey'empeke, n'ebigheebwayo eby'okunhwa, ku mikolo gino: ku mbaga edh'Ebibinuko eby'Okuboneka kw'Omwezi, ni ku Sabbato, ni ku mbaga edh'ebibinuko ebindi ebyalagirwa mu ighanga Isiraeli. Era aidha kutangagho ebigheebwayo olw'ebibi, n'ebigheebwayo eby'emere ey'empeke, n'ebigheebwayo ebyokebwa, n'ebigheebwayo olw'okutabagana, olw'okusabira abantu b'eighanga Isiraeli basoniyibwe ebibi byaibwe.”

Ezekieli 8:16

Kabiri yantwala mu luya olw'omunda olw'eisinzizo lya Musengwa Katonda. Okuja okulinga nti nga mbona gha mulyango ogw'eisinzizo eryo erya Musengwa Katonda, ghagati gh'ekisasi ni alutaari, nga ghaligho abantu ng'oti amakumi abiri na bataanu (25). Baali nga bakubye eisinzizo lya Musengwa Katonda omugongo, nga balingiriire e buvandhuba, era nga bali kusinza endhuba eri kuvaayo.

Yoeli 2:17

Bakabona abagheereza Musengwa Katonda, ka balirire amaziga ghagati gh'omulyango gw'eisinzizo ni alutaari, nga bakoba bati: “Wo Musengwa Katonda saasira abantu bo. Otatuleka kufuuka kivumo era eky'okwogeraku mu bamaghanga agandi, nga bakoba bati, ‘Memale Katonda waibwe aligha.’ ”

Yoanne 10:23

Yesu yali ali kutambula mu isinzizo mu kigangu kya Solomoni.