2 Ebyomubyanda 7:8 - Baibuli Ekibono kya Katonda 2014

⁸ Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

2 Ebyomubyanda 7:8 Iomraidhean Croise

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

1 Bakyabazinga 8:2

Kale abantu boonaboona beesoloza ewa kyabazinga Solomoni ku Kibinuko eky'Entindi, mu mwezi ogwomusanvu ogwetebwa Ethanimu.

1 Bakyabazinga 8:65

Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

2 Ebyomubyanda 30:13

Agho abantu kamaala inho beesolokeza e Yerusalemu mu mwezi ogwokubiri, okukuza Ekibinuko eky'Emigaati Egitazimbulukusiibwa.

2 Ebyomubyanda 30:26

Era ekibuga Yerusalemu kyaidhula okusagamba, kuba ghaali tighabangaghooku kiri ng'oti n'ekyo, okuva mu biseera bya Solomoni mutabane wa Daudi, kyabazinga wa Isiraeli.

2 Ebyomubyanda 5:3

Kale abantu boonaboona beesoloza ewa kyabazinga Solomoni ku Kibinuko eky'Entindi, mu mwezi ogwomusanvu.

Ezekieli 45:25

“Ni ku mbaga ey'Ekibinuko eky'Entindi, etoolera ku lunaku olweikumi n'eitaanu olw'omwezi ogwomusanvu, kyabazinga era aidha kukolanga mu nsambo n'endala eyo: buli lunaku okumala enaku omusanvu edh'ekibinuko, aidha kutangagho ebintu bityo olw'ekigheebwayo olw'ebibi, n'olw'ekigheebwayo ekyokebwa kyonakyona okuwaagho, n'olw'ekigheebwayo eky'emere ey'empeke. Era atengagho n'omuzigo ogw'ebibala eby'emiti emyoliva.”

Ezekieli 47:20

“Ku luuyi olw'e bugwandhuba, Enhandha Eyaghagati n'eriba ensalosalo okuva ku nsalosalo ey'oku luuyi olw'omukono omusaadha olw'e buvandhuba okutuuka aghangirirwa e Hamathi.

Amosi 6:14

Aye Musengwa Katonda Afuga Amagye akoba ati: “Imwe Abaisiraeli mubone eno, nja kubasindikaku eighanga libalumbe. Lirituntuza abantu okuviira irala ku mwiga Araba okutuuka ku Hamathi.”

Yoanne 7:2

Ekibinuko ky'Abayudaaya eky'Entindi kyali kiri kumpi okutuuka.