2 Ebyomubyanda 7:6 - Baibuli Ekibono kya Katonda 2014

⁶ Bakabona baayemerera mu bifo byaibwe. N'Abalevi boona baayemerera nga balingagaine ni bakabona abo, nga bagemye ebivuga Daudi bye yakola okusaakirangaku Musengwa Katonda era baabikozesa mu lwembo Daudi oyo lwe yabeegeresa olw'okwebaza Musengwa Katonda, olw'okuba okugonza kwe tikukoma, kubaagho byanda na byanda. Bakabona baafuuwa amagwala nga n'Abaisiraeli boonaboona beemereire.

2 Ebyomubyanda 7:6 Iomraidhean Croise

1 Ebyomubyanda 13:8

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide, nga bwe bafuuwa n'amagwala.

1 Ebyomubyanda 15:24

Bakabona bano nga n'ab'okufuuwa amagwala mu maiso g'Esanduuku ya Katonda: Shebania, Yoshafati, Nethaneli, Amasai, Zekaria, Benaia, ni Eliezeri.

1 Ebyomubyanda 16:34

Kale ni mwenamwena musiime Musengwa Katonda kuba mulungi, era okugonza kwe tikukoma, kubaagho byanda na byanda.

2 Ebyomubyanda 23:18

Yehoiada yaagemya bakabona n'Abalevi omulimo ogw'okukolanga mu isinzizo lya Musengwa Katonda abo nga Daudi be yataagho mu isinzizo eryo, okughangayo eri Musengwa Katonda ebigheebwayo ebyokebwa, nga bwe kyaghandiikibwa mu Mateeka ga Musa. Era ekyo bakikolenga nga basagamba era nga bemba, nga Daudi oyo bwe yalagira.

2 Ebyomubyanda 29:25

Yaata Abalevi mu isinzizo nga bagemye n'ebide, n'entongooli, n'endingidi, ng'ajiira ku kiragiro Musengwa Katonda kye yagha kyabazinga Daudi, ng'abita mu Gadi omulanzi wa kyabazinga ni Nathani omulanzi.

2 Ebyomubyanda 29:27

Agho Hezekia yaabalagira bagheeyo ekigheebwayo ekyokebwa ku alutaari. Era omukolo ogw'ekigheebwayo bwe gwatoolera, abantu baatoolera okwembera Musengwa Katonda, n'okufuuwa amagwala, n'okukuba ebivuga bya kyabazinga Daudi owa Isiraeli.

2 Ebyomubyanda 5:12

Ate Abalevi abembi boonaboona: Asafu, ni Hemani, ni Yeduthuni, ghalala ni batabane baibwe n'aboluganda lwaibwe, baayemerera ku luuyi lw'alutaari olw'e buvandhuba nga bali mu bivaalo ebyakolebwa mu lugoye olughegheevu era nga bagemye ebide, n'entongooli, n'endingidi. Baali nga beemereire ghalala ni bakabona kikumi n'abiri (120) abafuuyi b'amagwala.

2 Ebyomubyanda 5:13

Agho abembi n'ab'ebivuga baakwania amamiro, nga basaaka era nga beebaza Musengwa Katonda. Baagemagania ghalala mu lwembo amamiro gaibwe, n'ag'amagwala, n'ebide, n'ebivuga ebindi, bati: “Musaake Musengwa Katonda kuba mulungi, okugonza kwe tikukoma, kubaagho byanda na byanda.” Agho ekire kyagema woonawoona mu isinzizo,

2 Ebyomubyanda 7:3

Abaisiraeli boonaboona bwe baabona omuliro n'okumesunkana okw'ekitiisa kya Musengwa Katonda nga biri kwika ku isinzizo, baakuba amakiryaivu ku mabaale amataanhe era baakutama n'ebyeni byatuuka ku itaka. Era baasinza Katonda nga bamwebaza, nga bakoba bati: “Musengwa Katonda mulungi okugonza kwe tikukoma, kubaagho byanda na byanda.”

2 Ebyomubyanda 7:5

Kyabazinga Solomoni yaaghaayo ente emitwalo ebiri n'enkumi ibiri (22,000), n'entaama emitwalo ikumi n'ebiri (120,000) ng'emisengo. Kale atyo kyabazinga Solomoni n'abantu boonaboona baatukuza eisinzizo okulighaayo libe erya Katonda.

Ezera 6:18

Agho baataagho bakabona mu bikunsu byaibwe, n'Abalevi mu ngobo dhaibwe, baagheerezanga Katonda mu isinzizo e Yerusalemu, nga bwe kyaghandiikibwa mu kitabo kya Musa.

Zabbuli 106:1

Mwenamwena musaake Musengwa Katonda! Musiime Musengwa Katonda kuba mulungi; okugonza kwe tikukoma, kubaagho byanda na byanda.

Zabbuli 107:1

Bakagwa, musiime Musengwa Katonda kuba mulungi; okugonza kwe okutakoma kubaagho byanda na byanda!

Zabbuli 138:8

Wo Musengwa Katonda, iwe oidha kunkolera byonabyona bye wasuubiza; okugonza kwo tikukoma, kubaagho byanda na byanda. Otalekulira agho ekyo kye wakola n'engalo dho.

Zabbuli 87:7

Abembi n'abakini bakoba bati: “Mu Sioni n'omuva enkabi dhaife dhoonadhoona.”

Isaia 52:6

Kale ni ekiseera kirituuka abantu bange baamanha nga ninze Katonda, era nga ninze ndhogeire.”

Amosi 6:5

Mwembera ku ntongooli enhembo edh'ekigayaavu, era mweyiiyiza beene ebivuga ng'oti ni Daudi bwe yakola.

Yoshua 6:4

Bakabona musanvu, nga buli muntu agemye endeka eyakolebwa mu iyiga ery'entaama, baidha kukulemberamu Sanduuku y'Endagaano. Ku lunaku olwomusanvu mulyezungulula ekibuga emikuzi musanvu nga bakabona bafuuwa endeka.