2 Ebyomubyanda 7:17 - Baibuli Ekibono kya Katonda 2014

¹⁷ Era iwe bw'onaajiiranga ku bye nkoba, nga lata wo Daudi bwe yakolanga, n'ogonderanga biragiro byange era n'ogemanga amateeka gange,

2 Ebyomubyanda 7:17 Iomraidhean Croise

1 Bakyabazinga 11:38

Bw'onaatanga omwoyo ku byonabyona bye nkulagira, n'ogumira ku nze, n'okola bye nsiima, era n'ogemanga amateeka n'ebiragiro byange ng'omugheereza wange Daudi bwe yakolanga, ndidha kubanga ghalala n'iwe. Ndikugha okufuga Isiraeli, era naaleetera ab'endhu yo okusigalagho nga bakaafuga, nga bwe nagha omugheereza wange Daudi.

1 Bakyabazinga 2:3

Otuukirizanga ebyo byonabyona Musengwa Katonda wo by'ayenda okole, ng'ojiira ku ebyo by'akukoba mu mateeka ge ni mu biragiro bye, nga bwe byaghandiikibwa mu Mateeka ga Musa. Olwo obenga n'enkabi mu byonabyona by'onaakolanga, ni yoonayoona y'onaajanga.

1 Bakyabazinga 3:14

Era bw'onaabanga omuwulize ye ndi, n'ogemanga amateeka gange n'ebiragiro byange byonabyona, nga lata wo Daudi bwe yakolanga, ndikugha obughanguzi.”

1 Bakyabazinga 8:25

Wo Musengwa Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

2 Ebyomubyanda 6:16

Wo Musengwa Katonda, iwe Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

2 Ebyomubyanda 7:16

kuba mpegaano ntukwiza eisinzizo lino, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

2 Ebyomubyanda 7:18

ndireetera obwakyabazinga bwo okusigalagho nga bugumu, nga bwe nasuubiza lata wo Daudi nti, ‘Mu b'eizaire lyo toobulengamu muntu atyama ku kityamo kya bwakyabazinga bwa Isiraeli.’

Zabbuli 105:45

ng'ayenda abantu be abo bagonderenga amateeka ge, era bajiirenga ku biragiro bye. Mwenamwena musaake Musengwa Katonda.

Zabbuli 119:5

Ha, kale ngoli neekuuma ni ntasobya, ni nkuuma by'olagira!

Ezekieli 36:27

Ndibataamu omwoyo ogwange, naabaleetera okujiira ku mateeka gange, nga mukola bye mbalagira.

Zekaria 3:7

Musengwa Katonda Afuga Amagye akobye ati: “Bw'onaagemanga amateeka gange era n'ojiiranga ku biragiro byange, oidha kusigala nga niiwe olabirira eisinzizo lyange ghalala n'empya dhaalyo. Era ndidha kukuganha okuseetanga ye ndi ng'oti ni bamalaika abo abali agho.

Yoanne 14:21

Oyo aganha ebiragiro byange era n'abigema, aba nga n'oyo angonza. Lata wange agonza oyo angonza, zeena naamugonza, era Lata wange oyo amweyolekeramu.”

Yoanne 15:10

Bwe muwulira ebiragiro byange mwidha kwekalangulira mu mukwano gwange oti ninze bwe mpulira ebiragiro bya Lata wange ni neekalangulira mu mukwano gwe.

Amateeka Agokubiri 4:40

Mukuumenga amateeka ge n'ebiragiro bye, bye ndi kubagha olwaleero, mughange okubanga obukalamu, imwe n'abaana baimwe abaliiragho, era mughangaalire mu nsi, Musengwa Katonda waimwe y'ali kubagha okubanga eyaimwe enaku dhoonadhoona.”