2 Ebyomubyanda 7:12 - Baibuli Ekibono kya Katonda 2014

¹² Agho Musengwa Katonda yaamubonekera obwire, yaamukoba ati: “Mpuliire by'onsabye, era ndhikiriiza eisinzizo lino libenga ery'okugheerangamu emisengo ye ndi.

2 Ebyomubyanda 7:12 Iomraidhean Croise

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

1 Bakyabazinga 9:2

Musengwa Katonda yaamubonekera omukuzi ogwokubiri, nga bwe yamubonekera e Gibeoni.

2 Bakyabazinga 2:6

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ku mwiga Yorudani.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale bombi beeyongerayo,

2 Bakyabazinga 20:5

Yaamukoba okwirayo akobe Hezekia omukulembeze w'abantu ba Musengwa Katonda oyo ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kukuwonia, era ku lunaku olwokusatu oidha kuja mu isinzizo.

2 Bakyabazinga 21:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

2 Ebyomubyanda 1:7

Obwire obwo Katonda yaabonekera Solomoni, yaamukoba ati: “Saba ky'oyenda nkughe.”

2 Ebyomubyanda 7:16

kuba mpegaano ntukwiza eisinzizo lino, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

Zabbuli 10:17

Wo Musengwa Katonda, iwe owulirisa okusaba kw'abo abagonvu, era obagumya emyoyo.

Zabbuli 66:19

Aye bwenebwene Katonda yawulirisa okusaba kwange, era yankolera bye namusaba.

Malaki 3:4

Olwo ebigheebwayo, abantu b'omu Yerusalemu n'ab'omu Buyudaaya bye balileeteranga Musengwa Katonda, birimusangaazanga nga bwe kyalinga eira.

Luka 1:13

Aye malaika yaamukoba ati: “Zekaria otatya, kuba okusaba kwo kuwuliirwa era mukazi wo Elisabethi aidha kukuzaalira omwana omulenzi, omutuume eriina Yoanne.

Ebikolwa by'Abatume 10:31

Era yankoba ati, ‘Korunelio, Katonda awuliire okusaba kwo era aidhukiire n'okugaba kwo.

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.