2 Ebyomubyanda 7:10 - Baibuli Ekibono kya Katonda 2014

¹⁰ Ku lunaku olwairirira, olwamakumi abiri n'eisatu (23) olw'omwezi ogwomusanvu, kyabazinga Solomoni yaasiibula abantu okwirayo ewaibwe. Abantu bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi, ni Solomoni oyo, n'abantu be Abaisiraeli.

2 Ebyomubyanda 7:10 Iomraidhean Croise

1 Bakyabazinga 8:66

Ku lunaku olwomunaana, kyabazinga yaasiibula abantu okwirayo ewaibwe. Abantu baamusabira enkabi, bairayo ewaibwe nga basangaavu era nga basagamba mu myoyo gyaibwe olw'ebirungi Musengwa Katonda bye yagha Daudi omugheereza we, n'abantu be Abaisiraeli.

2 Ebyomubyanda 29:36

Agho Hezekia n'abantu boonaboona baasagamba, kuba Katonda yababeera, baakola ebintu ebyo byonabyona amangu gatyo.

2 Ebyomubyanda 30:26

Era ekibuga Yerusalemu kyaidhula okusagamba, kuba ghaali tighabangaghooku kiri ng'oti n'ekyo, okuva mu biseera bya Solomoni mutabane wa Daudi, kyabazinga wa Isiraeli.

2 Ebyomubyanda 6:41

Wo Musengwa Katonda waife, situkiramu otyame mu kifo kyo, obeemu n'Esanduuku yo ey'Endagaano eyoleka obukumu bwo. Bakabona bo baleetere okukolanga ebituufu buliidho, ekyo kibenga ng'ekivaalo ekitabavaaku; era abo abakutya baleetere okukubanga emizira olw'eisanhu.

2 Ebyomubyanda 7:11

Mu nsambo eyo, Solomoni yaamaliriza okuzimba eisinzizo n'ekisaagaati kye eky'obwakyabazinga, era yaamaliriza byonabyona bye yayenda okuzimba nga bwe yabitegeka.

2 Ebyomubyanda 7:9

Baamala enaku omusanvu edh'okutukuza alutaari ebe eya Musengwa Katonda, n'enaku edhindi omusanvu edh'ekibinuko ekyo. Ku lunaku olwomunaana boonaboona beesoloza ghalala okusinza.

Nehemia 8:10

Buti mwireyo ewaimwe, mulye ebisavu, munhwe omwenge ogw'emizabbibu oguwooma einho, era mugabireku n'abo abazira ghe batoola kuba olunaku lwa Musengwa Katonda waife luno lutukuvu. Agho ni mutanakughala, kuba eisanhu Musengwa Katonda ly'abagha imwe, n'eribaleetera okuba ab'amaani.”

Zabbuli 100:2

Mwidhe y'ali nga mwemba mumusinze nga muli basangaavu.

Zabbuli 105:3

Muwulire okwesiima olw'eriina lye eitukuvu; abo abasinza Musengwa Katonda ka basagambe.

Zabbuli 106:5

Nsobole okubona ng'abantu bo be weerondera, obulamu bubajiira bukalamu. Olwo nsagambire ghalala n'eighanga lyo, era neesiime n'abo ababo.

Zabbuli 32:11

Imwe abatuufu musangaale era musagambe olw'ebyo Musengwa Katonda by'akola. Imwe abagondera ebiragiro bye, mukube emizira.

Zabbuli 92:4

Wo Musengwa Katonda, nasangaala inho olw'ebyo eby'amaani bye wakola; naayemba n'eisanhu olw'ebyo bye wakola n'engalo dho.

Okuvaayo 18:1

Yethuro omusaadha eyazaalanga muka Musa era nga kabona ow'e Midia, yaawulira byonabyona Katonda bye yakolera Musa, Abaisiraeli boonaboona, n'abantu be, bweyali ng'ali kubatoola mu Misiri.

Ezekieli 45:25

“Ni ku mbaga ey'Ekibinuko eky'Entindi, etoolera ku lunaku olweikumi n'eitaanu olw'omwezi ogwomusanvu, kyabazinga era aidha kukolanga mu nsambo n'endala eyo: buli lunaku okumala enaku omusanvu edh'ekibinuko, aidha kutangagho ebintu bityo olw'ekigheebwayo olw'ebibi, n'olw'ekigheebwayo ekyokebwa kyonakyona okuwaagho, n'olw'ekigheebwayo eky'emere ey'empeke. Era atengagho n'omuzigo ogw'ebibala eby'emiti emyoliva.”

Ebikolwa by'Abatume 16:34

Agho yaatwala Paulo ni Sila mu ndhu ye, yaabagha eby'okulya. Yaasangaala ghalala n'ab'omu ndhu ye boonaboona, olw'okuba baikiriza Katonda.

Ebikolwa by'Abatume 2:46

Baafubanga buli lunaku okuba aghalala mu isinzizo, era baajanga mu ndhu dhaibwe okumegula omugaati. Emere nga bagiriisa isanhu na kwisania

Amateeka Agokubiri 12:12

Mwidha kusagambiranga eyo mu maiso ga Musengwa Katonda waimwe, nga muli ghalala ni batabane baimwe, n'abairu baimwe abasaadha n'abakazi, n'Abalevi abali mu bibuga byaimwe kuba, Abalevi abo tibaja kufuna mugabo gwa itaka lya nsikirano, gwaibwe ku bwaibwe.

Amateeka Agokubiri 12:18

Aye imwe, ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ababa mu bibuga byaimwe, mwidha kulyanga ebigheebwayo ebyo mu maiso ga Musengwa Katonda waimwe, mu kifo ekyo Musengwa Katonda waimwe oyo ky'aidha okulondagho. Era mwidha kusagambiranga eyo olwa byonabyona bye munaabanga nga mukoze.

Amateeka Agokubiri 12:7

Eyo, nga muli mu maiso ga Musengwa Katonda waimwe, imwe n'ab'omu maka gaimwe ye mwidha okuliiranga n'okusagambiranga, olw'ebyo byonabyona bye munaabanga nga mukoze nga Musengwa Katonda oyo abaghaire enkabi.

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.

Amateeka Agokubiri 16:14

Mu kibinuko ekyo, mwidha kusagambiranga ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi, n'abasenze, ni bamulekwa, ni banamwandu abali mu bibuga byaimwe.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!