2 Ebyomubyanda 5:7 - Baibuli Ekibono kya Katonda 2014

⁷ Kale bakabona baaleeta mu isinzizo Esanduuku ya Musengwa Katonda ey'Endagaano, baagita mu kifo kyayo munda mu isinzizo, mu Kifo Ekitukuvu Einho, ghansi gh'amaghagha ag'ebitonde ebyetebwa bikerubi

2 Ebyomubyanda 5:7 Iomraidhean Croise

1 Ebyomubyanda 22:19

Kale ni, mperaano mugheerezenga Musengwa Katonda waimwe n'omutima gwaimwe era n'omwoyo gwaimwe gwonagwona. Musitukiremu, mutoolere okuzimba eisinzizo, musobole okutaamu Esanduuku y'Endagaano ya Musengwa Katonda, n'ebintu ebindi byonabyona ebitukuvu eby'okukozesa, bibenga mu isinzizo lyemuja okuzimba okumugheesa ekitiisa.”

2 Ebyomubyanda 35:3

Yaakoba Abalevi abaayegeresanga abantu mu Isiraeli mwonamwona era abaalinga abatukuvu eri Musengwa Katonda, ati: “Mute Esanduuku entukuvu ey'Endagaano mu isinzizo, Solomoni mutabane wa kyabazinga Daudi owa Isiraeli lye yazimba. Tikikaabeetaagisa kugibbeederanga ku mabega gaimwe. Mpegaano mugheereze Musengwa Katonda waimwe n'abantu be Abaisiraeli.

2 Ebyomubyanda 4:20

ebikondo by'entaala nga biriku n'entaala dhaaku edh'okwakiranga mu maiso ag'Ekifo Ekitukuvu Einho, ng'entegeka bwe yalinga,

2 Ebyomubyanda 5:4

Abakulu ab'ebika ab'omu Isiraeli boonaboona bwe baidha, Abalevi baabbeeda Esanduuku ey'Endagaano,

2 Ebyomubyanda 5:6

Agho kyabazinga Solomoni n'Abaisiraeli boonaboona abaali beesoloiza gh'ali, baaba agho mu maiso g'Esanduuku ey'Endagaano, era baaghaayo ente n'entaama ng'omusengo, nga tidhibalika olw'obungi.

2 Ebyomubyanda 5:8

kuba bikerubi ebyo byakolebwa nga byandhulwiza amaghagha gabyo, era nga ghansi gh'amaghagha ago n'aghali ekifo kye bataamu Sanduuku eyo n'emiti gyayo egy'okugibbeedesa.

2 Ebyomubyanda 6:11

Naalitaamu ekifo ekibaamu Sanduuku y'Endagaano, endagaano eyo Musengwa Katonda ye yakola n'Abaisiraeli.”

Zabbuli 132:8

Wo Musengwa Katonda, situkiramu oje otyame mu kifo kyo obeemu n'Esanduuku yo ey'Endagaano eyoleka obukumu bwo.

Ezekieli 41:4

Yaapima n'ekisenge ekyo kyene eky'omunda einho, nga kyagayaga mu buleeyi ni mu bugazi, mita ikumi ku ikumi. Ekisenge ekyo n'ekyali kisinga okuba munda einho. Omusaadha yankoba ati: “Kino n'Ekifo Ekitukuvu Einho.”