2 Ebyomubyanda 5:2 - Baibuli Ekibono kya Katonda 2014

² Agho kyabazinga Solomoni yaayeta abakulembeze boonaboona ab'omu Isiraeli, n'abakulu b'ebika n'abakulu b'enda dh'abantu, okwidha y'ali e Yerusalemu, baje batoole Esanduuku ey'Endagaano ya Musengwa Katonda mu kyetebwa Ekibuga kya Daudi, ekyo nga ni Sioni.

2 Ebyomubyanda 5:2 Iomraidhean Croise

2 Samueli 5:7

Aye ate Daudi oyo yaagema ekifo kyaibwe eky'okwewogomamu eky'e Sioni, ekyo kyafuuka “Ekibuga kya Daudi.”

2 Samueli 6:12

Agho baakobera kyabazinga Daudi bati: “Musengwa Katonda yagha ab'endhu ya Obedi Edomu ni by'ali nabyo byonabyona enkabi, olw'Esanduuku ya Katonda.” Kale Daudi yaaja yaatoolayo Esanduuku ya Katonda mu ndhu ya Obedi Edomu, yaagitwala mu kibuga kye ekyetebwa ekya Daudi, n'okusagamba okw'amaani.

1 Ebyomubyanda 15:1

Daudi yazimba amayumba ge mu kyetebwa Ekibuga kya Daudi. Yaategeka n'ekifo eky'okutaamu Esanduuku ya Katonda, yaakisimbaku weema.

1 Ebyomubyanda 15:12

Yaabakoba ati niimwe abakulu b'enda dha baiseimwe mu kika kya Levi. Mwetukuze imwe beene ni baganda baimwe, mughange okuleeta Sanduuku ya Musengwa wa Isiraeli mu kifo kye ngitegekeire.

1 Ebyomubyanda 15:25

Kale Daudi, n'abakulembeze mu Isiraeli, n'abaduumizi b'abaisirukale olukumi olukumi, baaja baatoolayo Esanduuku y'Endagaano ya Musengwa Katonda mu ndhu ya Obedi Edomu, n'okusagamba okw'amaani.

1 Ebyomubyanda 15:3

Kale Daudi yaayeta Abaisiraeli boonaboona, baaja beesololeza e Yerusalemu okutwala Sanduuku ya Musengwa Katonda mu kifo kye yali agitegekeire.

1 Ebyomubyanda 16:1

Baaleeta Esanduuku ya Katonda baagita mu kifo kyayo, mu Weema Daudi ye yagisimbiragho. Olwo baaghaayo eri Musengwa Katonda ebigheebwayo ebyokebwa, n'ebigheebwayo olw'okutabagana.

1 Ebyomubyanda 24:31

Era abo baakola nga Balevi banaibwe abaasimuka mu Aaroni bwe baakola eira, nga kiisi mukulu wa nda ni muganda we omuto bakuba akalulu. Ekyo baakikola mu maiso ga kyabazinga Daudi, nga Zadoki ni Ahimeleki boona baligho, ghalala n'abakulu b'enda dha bakabona n'edha Balevi.

1 Ebyomubyanda 24:6

Abaasimuka mu Eleazari n'abaasimuka mu Ithamari baakuba akalulu nga baja mu ngobo. Shemaia owundi ku Balevi, eyali mutabane wa Nethaneli era nga mughandiisi, yaabaghandiika mu nkalala nga bano boonaboona babona: Kyabazinga mwene, n'abakungu, ni Zadoki kabona, ni Ahimeleki mutabane wa Abiathari, n'abakulu b'enda dha bakabona n'edha Balevi.

1 Ebyomubyanda 26:26

Shelomothi oyo ni baganda be, n'abaakuliranga amaterekero omwateebwanga ebintu byonabyona ebigheereibwayo okuba ebya Katonda nga bigheebwayo bano: kyabazinga, n'abaakuliranga enda dha baiseibwe, n'abaakuliranga ebikunsu by'abaisirukale olukumi olukumi n'ekikumi ekikumi, era n'abaduumizi mu magye.

1 Ebyomubyanda 28:1

Kyabazinga Daudi yaalagira abakungu boonaboona mu Isiraeli okwesoloza. Kale bano beesololeza e Yerusalemu: abakulu b'ebika, n'abakulira ebikunsu ebyagheerezanga kyabazinga, n'abaduumizi b'abaisirukale olukumi olukumi n'ekikumi ekikumi, n'abaalabiriranga ebintu n'ebyayo bya kyabazinga ni batabane be, ghalala n'abakungu b'omu kisaagaati kya kyabazinga, era n'abaisirukale boonaboona ab'amaani.

2 Ebyomubyanda 1:4

Aye Esanduuku ey'Endagaano yali mu Yerusalemu, nga bagikuumira mu kifo Daudi kye yagitegekera, bwe yagitoola e Kiriathi Yearimu.

2 Ebyomubyanda 5:1

Mu nsambo eyo omulimo gwonagwona kyabazinga Solomoni gwe yakola ku isinzizo gwawa. Era Solomoni oyo yaingiza mu isinzizo eryo ebintu byonabyona lata we Daudi bye yaghaayo okubanga ebya Musengwa Katonda: feeza, ni zaabu, n'ebikozesebwa byonabyona, yaabitereka mu iterekero ery'eisinzizo lya Katonda.

2 Ebyomubyanda 5:12

Ate Abalevi abembi boonaboona: Asafu, ni Hemani, ni Yeduthuni, ghalala ni batabane baibwe n'aboluganda lwaibwe, baayemerera ku luuyi lw'alutaari olw'e buvandhuba nga bali mu bivaalo ebyakolebwa mu lugoye olughegheevu era nga bagemye ebide, n'entongooli, n'endingidi. Baali nga beemereire ghalala ni bakabona kikumi n'abiri (120) abafuuyi b'amagwala.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 87:2

Musengwa Katonda agonza Yerusalemu okusinga ebifo ebindi byonabyona ebiri mu Isiraeli.

Abalevi 9:5

Ebyo byonabyona Musa bye yalagira, baabireeta emberi w'Eweema ey'Okwagaananirangamu ni Musengwa Katonda. Abaisiraeli boonaboona baaseeta, baayemerera mu maiso ga Musengwa Katonda.

Okubala 10:33

Kale baava ku lusozi lwa Musengwa Katonda, baatambula olugendo lwa nnaku isatu. Era Esanduuku ey'Endagaano ya Musengwa Katonda yaabeesookangayo emberi olugendo lwa nnaku isatu, okubanooneza ekifo eky'okusimbamu weema dhaibwe.

Okubala 10:36

Era bwe baalekeranga okugitambuza, ng'akoba ati: “Wo Musengwa Katonda, ira obe mu nkumi n'enkumi edh'Abaisiraeli.”