2 Ebyomubyanda 5:13 - Baibuli Ekibono kya Katonda 2014

¹³ Agho abembi n'ab'ebivuga baakwania amamiro, nga basaaka era nga beebaza Musengwa Katonda. Baagemagania ghalala mu lwembo amamiro gaibwe, n'ag'amagwala, n'ebide, n'ebivuga ebindi, bati: “Musaake Musengwa Katonda kuba mulungi, okugonza kwe tikukoma, kubaagho byanda na byanda.” Agho ekire kyagema woonawoona mu isinzizo,

2 Ebyomubyanda 5:13 Iomraidhean Croise

1 Ebyomubyanda 16:4

Daudi yaataagho abandi ku Balevi okugheerezanga mu maiso g'Esanduuku ya Musengwa Katonda nga basaba, beebaza, era baasaaka Musengwa Katonda, oyo Katonda wa Isiraeli.

2 Ebyomubyanda 20:21

Bwe yamala okwebuuzaaku ku bantu, yaataagho ab'okwembera Musengwa Katonda okumusaaka, nga bavaire ebivaalo eby'emikolo emitukuvu. Abo baakulemberamu eigye, baaja nga bemba bati: “Musaake Musengwa Katonda, kuba okugonza kwe tikukoma, kubaagho byanda na byanda.”

2 Ebyomubyanda 20:22

Bwe baatoolera okwemba n'okusaaka, Musengwa Katonda yaazinduukiriza Abammoni, n'Abamoabu, n'abantu ab'oku lusozi Seiri, abaali balumbye Buyudaaya eigye lyaibwe lyagumbulukuka.

2 Ebyomubyanda 7:1

Solomoni bwe yamala okusaba kwe, omuliro gwaghanuka okuva mu igulu, gwayokya ebigheebwayo ebyokebwa n'emisengo gwabisaanaigho. N'okumesunkana okw'ekitiisa kya Musengwa Katonda kwabuna eisinzizo eryo.

2 Ebyomubyanda 7:2

Bakabona tibaasobola kwingira mu isinzizo, kuba okumesunkana okw'ekitiisa kya Musengwa Katonda kwali kulibunie lyonalyona.

2 Ebyomubyanda 7:3

Abaisiraeli boonaboona bwe baabona omuliro n'okumesunkana okw'ekitiisa kya Musengwa Katonda nga biri kwika ku isinzizo, baakuba amakiryaivu ku mabaale amataanhe era baakutama n'ebyeni byatuuka ku itaka. Era baasinza Katonda nga bamwebaza, nga bakoba bati: “Musengwa Katonda mulungi okugonza kwe tikukoma, kubaagho byanda na byanda.”

2 Ebyomubyanda 7:6

Bakabona baayemerera mu bifo byaibwe. N'Abalevi boona baayemerera nga balingagaine ni bakabona abo, nga bagemye ebivuga Daudi bye yakola okusaakirangaku Musengwa Katonda era baabikozesa mu lwembo Daudi oyo lwe yabeegeresa olw'okwebaza Musengwa Katonda, olw'okuba okugonza kwe tikukoma, kubaagho byanda na byanda. Bakabona baafuuwa amagwala nga n'Abaisiraeli boonaboona beemereire.

Ezera 3:11

Baayemba eno nga bwe bairamu, nga basaaka era nga basiima Musengwa Katonda, bati: “Musengwa Katonda mulungi okugonza kwe tikukoma, era kubaagho ghalala n'Abaisiraeli ebyanda n'ebyanda.” Abantu boonaboona baakuba emizira n'amaani agataloodheka, nga basaaka Musengwa Katonda olw'okuteebwagho okw'omusingi ogw'eisinzizo lya Musengwa Katonda oyo.

Nehemia 12:27

Ekiseera bwe kyatuuka okutukuza ekimante ekyezungulwire ekibuga Yerusalemu, baasoloza Abalevi boonaboona ye baali baba, baidhe beeyimbe mu mukolo ogwo ogw'okusagamba n'okwebaza, nga bemba enhembo era nga bakubiraku ebide, n'entongooli, n'endingidi.

Zabbuli 100:5

kuba Musengwa Katonda mulungi okugonza kwe tikukoma kubaagho byanda na byanda, n'obwesigwa bwe buligho eri ense n'ense edh'abantu.

Zabbuli 106:1

Mwenamwena musaake Musengwa Katonda! Musiime Musengwa Katonda kuba mulungi; okugonza kwe tikukoma, kubaagho byanda na byanda.

Zabbuli 107:1

Bakagwa, musiime Musengwa Katonda kuba mulungi; okugonza kwe okutakoma kubaagho byanda na byanda!

Zabbuli 118:1

Bakagwa, musiime Musengwa Katonda kuba mulungi, okugonza kwe tikukoma kubaagho byanda na byanda.

Zabbuli 150:3

Mumusaake nga mufuuwa amagwala, mumusaake nga mukuba endingidi n'entongooli.

Zabbuli 150:5

Mumusaake nga mukuba obude obutono, mumusaake nga mukuba ebide ebinene.

Zabbuli 22:4

Niiwe badhaadha baife ye baataamu obwesige, baakwesiga era waabawonia.

Zabbuli 81:2

Mutoolere olwembo, ow'obugoma ateeku, memale ow'endingidi ewooma n'ow'entongooli beeyimbe okwo.

Okuvaayo 29:43

Mu kifo ekyo mwe ndidha okwagaanananga n'Abaisiraeli boonaboona, era ekitiisa kyange kiidha kukifuulanga kitukuvu.

Isaia 52:8

Muwulire abakuumi b'ekibuga kyaimwe bwe baasiikana! Bali kwembera ghalala olw'eisanhu, kuba bali kubonera irala n'amaiso gaibwe nga Musengwa Katonda ali kwira e Sioni.

Yeremia 32:39

Ndibaleetera okweyimba ekitole era nga bali n'ekigendererwa kirala, eky'okuntaamu ekitiisa olubeerera ku lw'obulungi bwaibwe beene n'obwa baidhukulu baibwe.

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Ebikolwa by'Abatume 4:32

Abo boonaboona abaali baikiriza, baali n'omutima n'omwoyo mulala. Era nga ghazira akoba ku ebyo bye yabanga nabyo ati kuliku ekikye ku bubwe. Aye nga byonabyona byaibwe ghalala.

Ab'e Roma 15:6

Musaake Katonda Lata wa Musengwa waife Yesu Kurisito nga mwogera n'omwoyo mulala.

Okwolekebwa 15:8

Eisinzizo lyaidhula omwosi oguva ku kitiisa kye, ni ku bukumu bwe nga ghazira asobola kwingira mu isinzizo okutuusa ebibamba omusanvu ebya bamalaika omusanvu nga biwoire.