2 Ebyomubyanda 4:7 - Baibuli Ekibono kya Katonda 2014

⁷ Yaakola ebikondo by'entaala ikumi mu zaabu, mu nsambo ye byali nga biri n'okukolebwa, yaabita mu isinzizo: ebitaanu ku luuyi olw'omukono omusaadha olw'e buvandhuba w'eisinzizo eryo, n'ebitaanu ebindi ku luuyi olw'omukono omugooda olw'e buvandhuba waalyo.

2 Ebyomubyanda 4:7 Iomraidhean Croise

1 Bakyabazinga 7:39

Yaata ebituuti bitaanu ku luuyi olw'omukono omusaadha olw'e buvandhuba w'eisinzizo, n'ebindi bitaanu ku luuyi olw'omukono omugooda olw'e buvandhuba w'eisinzizo eryo. Era yaata etanka ere mu nsonda eringiriire ghagati gh'oluuyi olw'omukono omusaadha olw'e buvandhuba n'oluuyi olw'e buvandhuba olw'eisinzizo.

1 Bakyabazinga 7:49

ebikondo eikumi eby'entaala bye bata mu maiso ag'Ekifo Ekitukuvu Einho, ng'ebitaanu biri ku luuyi olw'omukono omusaadha olw'e buvandhuba w'ekifo ekyo ate ebitaanu byaba ku luuyi olw'omukono omugooda olw'e buvandhuba waakyo. Solomoni oyo era yaakola ni bino: ebimuli, entaala, entooleso,

1 Ebyomubyanda 28:12

Yaamugha n'entegeka ey'enzimba y'ebyo byonabyona bye yayenda okuzimbira ku isinzizo eryo: empya dhaaku, n'ebimante ebyezungulwire empya edho, n'amaterekero g'ebintu eby'okukozesanga mu isinzizo, n'ago ag'okutangamu ebintu ebigheereibwayo okuba ebya Musengwa Katonda.

1 Ebyomubyanda 28:14

Yaamugha n'obuzito bwa zaabu ni feeza ow'okukolamu ebintu byonabyona ebya zaabu ni feeza eby'okukozesanga ku buli mulimo

1 Ebyomubyanda 28:15

n'obuzito bwa zaabu ow'okukolamu buli kikondo kya ntaala ghalala n'entaala dhaaku, nga bajiira ku mirimo ebintu ebyo gye bikola

1 Ebyomubyanda 28:19

Kyabazinga Daudi yaakoba ati: “Ebyo byonabyona biri mu ntegeka eyaghandiikibwa ng'ejiira ku biragiro ebyo, Musengwa Katonda mwene bye yandagira okutuukiriza.”

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Abaheburayi 8:5

Omulimo gwe bakola nga bakabona gwefaanaanirizaaku bwefaanaanirize, era kinsense bunsense eky'ebyo ebikolebwa mu igulu; kuba ni Musa bwe yali ng'aja okutaagho eweema, Katonda yamulagira ati: “Bona nti byonabyona obikola ng'ojiira ku ekyo ekyakulagibwa ku lusozi.”

Okwolekebwa 1:20

Gano n'amakulu amagise ag'emuunienie omusanvu dh'oboine mu mukono gwange omusaadha, n'ebikondo eby'entaala omusanvu ebya zaabu: Emuunienie omusanvu, ni bamalaika ab'Ebikunsu eby'Abaikiriza mu Kurisito omusanvu, ate ebikondo eby'entaala omusanvu, n'Ebikunsu eby'Abaikiriza mu Kurisito omusanvu.