2 Ebyomubyanda 4:19 - Baibuli Ekibono kya Katonda 2014

¹⁹ Solomoni yaakola mu zaabu omukenenule ebintu ebyo byonabyona eby'okukozesebwanga mu isinzizo: alutaari, ni meeza kwe bata emigaati egigheereibwayo eri Katonda,

2 Ebyomubyanda 4:19 Iomraidhean Croise

2 Bakyabazinga 24:13

Yaatoola eby'obukombe byonabyona eby'omu isinzizo, n'eby'omu kisaagaati kya kyabazinga, yaabitwala. Era nga Musengwa Katonda bwe yakoba, Nebukadinezzari yaamenhamenha ebintu byonabyona ebya zaabu, kyabazinga Solomoni owa Isiraeli bye yali ataire mu isinzizo.

1 Ebyomubyanda 28:16

n'obuzito bwa zaabu ow'okukolamu buli meeza ey'okutangaku emigaati egigheereibwayo eri Katonda, n'obwa feeza ow'okukolamu meeza edha feeza.

2 Ebyomubyanda 2:3

Solomoni yaagheereza Hiramu kyabazinga w'e Tiro obukwenda obukoba buti: “Ka ghabeegho enkolagana ninze nga ye wali nayo ni lata wange Daudi, bwe wamugheerezanga emivule gye yazimbisa ekisaagaati kye eky'obwakyabazinga.

2 Ebyomubyanda 36:10

Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

2 Ebyomubyanda 36:18

Yaatoola n'ebintu byonabyona ebyakozesebwanga mu isinzizo ka bibe ebinene oba ebitono, n'eby'obukombe eby'omu isinzizo, n'eby'obukombe ebya kyabazinga, n'eby'abakungu be, byonabyona yaabitwala e Babilonia.

2 Ebyomubyanda 4:8

Yaakola n'emeeza ikumi yaadhita mu isinzizo: eitaanu ku luuyi olw'omukono omusaadha olw'e buvandhuba w'eisinzizo eryo, n'eitaanu edhindi ku luuyi olw'omukono omugooda olw'e buvandhuba waalyo. Yaakola n'ebibya kikumi mu zaabu.

Yeremia 28:3

Mu myaka ebiri egiidha, nja kwiza mu kifo kino ebintu byonabyona eby'eisinzizo, kyabazinga Nebukadinezzari bye yatwala e Babilonia.

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Matayo 12:4

Bwe yangira mu ndhu ya Katonda, n'alya emigaati egigheereibwayo eri Katonda, gye yali taikirizibwa kulya, waire be yali nabo okutoolaku bakabona bonka?

Okwolekebwa 8:3

Ghaidhagho malaika owundi, yaayemerera gh'alutaari ng'ali n'ekiniokezebwaku obubbaani ekya zaabu, era yaagheebwa obubbaani kamaala abuyimbe n'okusaba kw'abatuukirivu ku alutaari eya zaabu eri gha mberi gh'ekityamo.

Okwolekebwa 9:13

Agho malaika owomukaaga yaafuuwa eigwala lye. Naawulira amamiro nga gava mu mayiga ana ag'alutaari eya zaabu eri mu maiso ga Katonda.