2 Ebyomubyanda 4:18 - Baibuli Ekibono kya Katonda 2014

¹⁸ Ebintu ebyo byonabyona Solomoni tiyabipima buzito bwabyo, kuba byali kamaala inho. Kale obuzito obw'ekyuma eky'ekikomo kye baakozesa tibwamanhika.

2 Ebyomubyanda 4:18 Iomraidhean Croise

1 Bakyabazinga 7:47

Ebintu ebyo byonabyona Solomoni tiyabipima buzito bwabyo, kuba byali kamaala inho. Kale obuzito obw'ekyuma eky'ekikomo kye baakozesa tibwamanhika.

1 Ebyomubyanda 22:14

Nze ku lwange mu bukaluubirivu obungi, nkoze kyonakyona ekisoboka, naateeragho eisinzizo talanta edha zaabu edhighera emitwalo eikumi (100,000) ni talanta edha feeza edhighera akakaire akalamba (1,000,000) n'ekyuma eky'ekikomo, taaku n'ekyuma ekigumu einho, ebitasoboka kupimika olw'obungi bwabyo. Era naataagho n'emiti, n'amabaale. Weena okwo kw'obe oyongereze ebindi.

1 Ebyomubyanda 22:3

Yaataagho ekyuma ekigumu einho mu bungi, nga kya kugheesaamu misumaali n'obubaati, eby'okukola ku ndhigi edhiigala emiryango eminene. Yaataagho n'ekyuma eky'ekikomo mu bungi, ekitasoboka na kupimika.

2 Ebyomubyanda 4:17

Kyabazinga yakola ebintu ebyo mu kyuma ekisaanuusiibwa, ere mu kiketezo eky'oku museetwe gwa Yorudani, aghali eitaka ery'eitosi, ghagati gh'ebibuga Sukkothi ni Zereda.

Yeremia 52:20

Obungi bw'ekyuma eky'ekikomo kyabazinga Solomoni kye yakolamu empango eibri, n'etanka enkologho, n'ebifaananie eby'ente enume eikumi n'eibiri etanka eyo kw'etyama, byonabyona ebyo nga byali mu isinzizo, bwali buzito inho baaloba kusobola kubupima.