2 Ebyomubyanda 4:1 - Baibuli Ekibono kya Katonda 2014

¹ Kyabazinga Solomoni yaakola alutaari ey'ekyuma ky'ekikomo, ng'endhuyi dhaayo eina dhaagayaga, era nga dhigheza mita mwenda buli luuyi, ate obugungumavu ng'egheza mita ina n'ekitundu.

2 Ebyomubyanda 4:1 Iomraidhean Croise

1 Bakyabazinga 8:22

Agho Solomoni yaayemerera mu maiso g'alutaari ya Musengwa Katonda, ng'Abaisiraeli boonaboona abeesoloiza baligho, yaayandhululiza emikono gye eri eigulu.

1 Bakyabazinga 8:64

Ku lunaku olwo, kyabazinga yaatukuza oluya olwa ghagati olwali mu maiso g'eisinzizo, kuba eyo ye yagheerayo ekigheebwayo ekyokebwa kyonakyona okuwaagho, n'ekigheebwayo eky'emere ey'empeke, n'amasavu agaava ku bigheebwayo olw'okutabagana. Yabigheerayo eyo, kuba alutaari ey'ekyuma eky'ekikomo eyali mu maiso ga Musengwa Katonda, yali ntono inho nga tibisobola kusugaku.

1 Bakyabazinga 9:25

Emikuzi esatu buli mwaka, Solomoni yaaghangayo ku alutaari ye yazimbira Musengwa Katonda, ebigheebwayo ebyokebwa n'ebigheebwayo olw'okutabagana. Era yaaniokezanga obubbaani mu maiso ga Musengwa Katonda. Kale yaamaliriza eisinzizo.

2 Ebyomubyanda 1:5

Ate alutaari ey'ekyuma eky'ekikomo, Bezaleli mutabane wa Uri era mwidhukulu wa Huri ye yakola, yoona yali e Gibeoni emberi w'Eweema ey'Okwagaananirangamu ni Musengwa Katonda. Kyabazinga Solomoni n'abantu boonaboona baasinziza eyo Musengwa Katonda.

2 Ebyomubyanda 15:8

Asa bwe yawulira eby'obulanzi Azaria mutabane wa Odedi bye yayogera, yaafuna amaani. Yaatoola mu kiketezo kya Yuda n'ekya Benjamini, ebintu ebyenhinhalwa ebitali Katonda ebyasinzibwanga. Yaatoolayo n'ebyo ebyali mu bibuga ebyo byonabyona bye yanhaga mu kiketezo kya Efuraimu eky'oku nsozi. Era yaizaagho buyaaka alutaari ya Musengwa Katonda eyali emberi gh'eisinzizo.

2 Ebyomubyanda 29:18

Agho Abalevi baaja ye kyabazinga Hezekia, baamukoba bati: “Isebantu kyabazinga, tumaze okulongoosa eisinzizo lyonalyona, n'alutaari y'ebigheebwayo ebyokebwa ghalala n'ebikozesebwaku byonabyona, n'emeeza kwe bata emigaati egigheereibwayo eri Katonda ghalala n'ebikozesebwaku byonabyona.

2 Ebyomubyanda 7:7

Kyabazinga Solomoni yaatukuza oluya olwa ghagati olwali emberi gh'eisinzizo, kuba eyo ye yagheerayo ekigheebwayo ekyokebwa kyonakyona okuwaagho, n'ekigheebwayo eky'emere ey'empeke, n'amasavu agaava ku bigheebwayo olw'okutabagana. Yabigheerayo eyo, kuba alutaari ey'ekyuma eky'ekikomo ye yakola, yali ntono inho ng'ebigheebwayo ebyo byonabyona tibisobola kusugaku.

2 Ebyomubyanda 8:12

Agho Solomoni yaaghangayo eri Musengwa Katonda ebigheebwayo ebyokebwa ku alutaari ye yazimba emberi gh'eisinzizo.