2 Ebyomubyanda 32:7 - Baibuli Ekibono kya Katonda 2014

⁷ “Mube bagumu era nga muli bamalirivu. Mutatya era mutawaamu maani olw'okubona kyabazinga w'e Assiria, oba olw'okubona eigye lye einene, kuba ife tuli n'ali n'amaani okusinga abo.

2 Ebyomubyanda 32:7 Iomraidhean Croise

2 Bakyabazinga 18:30

Era atabasendasenda kwesigulira ku Musengwa Katonda, nga mukoba muti, ‘Musengwa Katonda aidha kutuwonia, era aidha kulobera kyabazinga w'Abassiria okugema ekibuga kyaife.’

2 Bakyabazinga 18:5

Hezekia yeesiganga Musengwa Katonda, Katonda wa Isiraeli, ghaaloba kubaagho kyabazinga wa Buyudaaya yeenayeena amutuukaku, ku baamusookagho n'abaamwiririra.

2 Bakyabazinga 6:16

Elisha yaamwiramu ati: “Otatya, kuba abali ku luuyi olwaife, bangi okusinga abali ku luuyi olwaibwe.”

1 Ebyomubyanda 22:13

Bw'onaagonderanga Amateeka n'ebiragiro Musengwa Katonda bye yagha Isiraeli ng'abita mu Musa, ebintu byonabyona biidha kukujiiranga bukalamu. Guma omwoyo, otatya, era otawaamu maani.

1 Ebyomubyanda 28:10

Kale ni ogwaine okimanhe nga Musengwa Katonda akulonze okuzimba endhu ey'okusinzizaamu. Kale omulimo ogwo gukole n'obumalirivu.”

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

2 Ebyomubyanda 15:7

Aye imwe mugume bugume, mulobe kuwaamu maani, muligheebwa empeera olw'ebyo bye mukola.”

2 Ebyomubyanda 16:7

Mu kiseera ekyo, omulanzi Hanani yaaja ye kyabazinga Asa owa Buyudaaya, yaamukoba ati: “Olw'okuba weesiga kyabazinga wa Siria, waaloba kwesiga Musengwa Katonda wo, eigye lya Isiraeli likweibyeku lyakulumukaku.

2 Ebyomubyanda 20:15

Yahazieli oyo yaakoba ati: “Isebantu kyabazinga Yehoshafati, n'imwe mwenamwena abantu ab'omu Buyudaaya ni mu Yerusalemu, muwulirise: Musengwa Katonda akoba ati, mutatya, era eigye lino einene litabamalamu maani, kuba olutalo luno ti niimwe mwidha okululwana, aye Katonda mwene n'aidha okululwana.

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

Nehemia 4:8

Era boonaboona beekobaana okulumba Yerusalemu, bakireetemu okutabukatabuka.

Zabbuli 118:8

Okwesiga Musengwa Katonda n'ekisingaku okwesiga abantu.

Isaia 35:4

Mukobe abo abawoiremu amaani muti: “Mube bagumu, mutatya. Mubone, Katonda waimwe ali kwidha okubalokola, yeesasuulize ku bazigu baimwe ng'ababonereza.”

Yeremia 42:11

Mulekere agho okutya kyabazinga w'e Babilonia. Nze ndi n'imwe era ndidha kubatoola mu ngalo dhe mbawonie.

Danieli 10:19

Yankoba ati: “Iwe oli mugonzi inho ye Katonda, kale otatya. Ba mugumu era emiraala gibe n'iwe.” Bwe yankoba atyo, neeyongera okuwulira mule amaani era naamukoba nti: “Musengwa, yogera, kuba buti ondhiziizaamu amaani.”

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Zekaria 8:9

“Mugume imwe abali kuwulira mpegaano ebibono bino abalanzi bye baakoba, mu biseera abazimbi bye baateeragho omusingi ogw'eisinzizo lyange, nga lija okwiramu okuzimbibwa.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

Amateeka Agokubiri 20:1

Musa yaakoba Abaisiraeli ati: “Bwe munaajanga okulwanisa abazigu baimwe, aye ni mubona embalaasi, n'ebigaali eby'omu lutalo, n'eigye erisinga eryaimwe obunene, mutatyanga kuba Musengwa Katonda waimwe eyabatoola e Misiri, ali n'imwe buliidho.

Amateeka Agokubiri 31:23

Agho Musengwa Katonda yaataagho Yoshua mutabane wa Nuni ng'omukulembeze wa Isiraeli, yaamukoba ati: “Ba mugumu era mumalirivu. Kuba niiwe oidha okutuusa Abaisiraeli mu nsi ye nasuubiza, era ndidha kubanga ghalala n'iwe.”

2 Timotheo 2:1

Iwe niini mwana wange, weekalangule ng'oyambibwa amaani agali mu kwisa ekirala mu Kurisito Yesu.

1 Yoanne 4:4

Baana bange muli ba Katonda, abo abalanzi abaguya mwabaghangula, kuba ali mu imwe asinga ali mu nsi.