2 Ebyomubyanda 32:4 - Baibuli Ekibono kya Katonda 2014

⁴ Agho abantu kamaala beesoloza, baasemba ensulo dhoonadhoona edh'amaadhi era n'akaiga akaakuuluuliranga mu kiketezo ekyo, nga bakoba bati: “Tusobola tutya okuleka obuleke bakyabazinga ba Assiria okwagaana amaadhi amangi gatyo nga baidhie?”

2 Ebyomubyanda 32:4 Iomraidhean Croise

1 Bakyabazinga 19:21

Agho yaasooka yaaleka eby'okunonereza Eliya, yairayo, yaagema ente dhe yali ali kulimisa, yaadhiita. Yaafumba emamba yaadho ng'akozesa ebikoligo byadho ng'enku, yaagigabula abantu baalya. Ebyo bwe byawa, Elisha yaaja yaabanga ewa Eliya ng'amugheereza.

1 Bakyabazinga 3:9

Kale ni mpa nze omugheereza wo amagezi, nsobole okufuganga abantu bo, n'okwawulangagho ekirungi n'ekibi kuba naani aghanga okufuga eighanga lyo lino eikologho liti, aghazira ekyo?”

2 Bakyabazinga 18:13

Mu mwaka ogweikumi n'ena (14) nga kyabazinga Hezekia n'afuga Buyudaaya, Sennakeribu kyabazinga w'e Assiria yaalumba ebibuga byonabyona ebya Buyudaaya ebyezungulwirwa ebimante ebigumu, yaabighangula.

2 Bakyabazinga 18:9

Mu mwaka ogwokuna nga kyabazinga Hezekia n'afuga Buyudaaya, ogwo nga n'omwaka ogwomusanvu nga kyabazinga Hoshea mutabane wa Ela n'afuga Isiraeli, Shalumaneseri kyabazinga w'e Assiria yaalumba Isiraeli era yaazingiza ekibuga Samaria okukyezunguluza.

2 Bakyabazinga 19:17

Wo Musengwa Katonda, mu butuufu bakyabazinga ba Assiria bazikiriiza amaghanga kamaala, baaleka ensi edh'amaghanga ago nga dhifafaagaine.

2 Bakyabazinga 20:20

Ebindi byonabyona Hezekia bye yakola, omuli n'eby'amaani bye yakola, n'ensambo ye yasimamu ensulo n'omweta n'aingiza amaadhi mu kibuga, byaghandiikibwa mu Kitabo ky'Ebyomubyanda bya Bakyabazinga ba Buyudaaya.

2 Ebyomubyanda 30:14

Baasitukiramu, baatoolagho alutaari dhoonadhoona edhaali mu Yerusalemu, edhaagheerwangaku emisengo n'okuniokezebwangaku obubbaani, baadhisuula mu kaiga Kiduroni.

2 Ebyomubyanda 32:1

Ebyo Hezekia bye yakola n'obwesigwa nga bimaze okuwa, Sennakeribu kyabazinga w'e Assiria yaidha okulumba Buyudaaya. Yaasimba weema dhe kumpi n'ebibuga ebyezungulwirwa ebimante ebigumu, ng'asuubira okubighangula abigeme.

2 Ebyomubyanda 32:3

yaaba ghalala n'abakungu be era n'abasaadha be ab'amaani, baategeka okusemba ensulo edh'amaadhi edhaali kuliya kw'ekibuga.

2 Ebyomubyanda 32:30

Era Hezekia mwene oyo, n'eyasemba omweta ogw'amaadhi ogw'eitale, ogw'ensulo ya Gihoni. Yaasimagho ogundi ogwaleetera amaadhi ago okukuuluulira ku luuyi olw'e bugwandhuba bw'ekibuga kya Daudi. Hezekia oyo ebintu byonabyona byamujiiranga bukalamu.

Isaia 10:8

Yeesuuta ati, ‘Kiisi muduumizi wa magye gange yeenayeena, aba kyabazinga mulamba.

Isaia 22:11

Mwasima ekidiba mu kibuga, okukuumiramu amaadhi agava mu kidiba kire ekikaire. Aye timwafaayo ku Katonda eyategeka okuva eira ng'ebintu ebyo byakubaagho, era n'abireetera okubaagho.

Isaia 22:9

Mwabona ng'ebituli biri kamaala bye baawomola mu kimante ky'oku kibuga Yerusalemu. Agho mwaleeta ghalala amaadhi g'omu kidiba ky'eifo,

Nahumu 3:14

Abantu ab'e Nineve mwesombere amaadhi ag'okukozesa nga mwetegekera okuzingizibwa. Mwongere okugumya ebifo byaimwe eby'okwewogomamu. Muje mu itosi mulisambe era mugeme obutiba obw'amatoofaali.