2 Ebyomubyanda 32:1 - Baibuli Ekibono kya Katonda 2014

¹ Ebyo Hezekia bye yakola n'obwesigwa nga bimaze okuwa, Sennakeribu kyabazinga w'e Assiria yaidha okulumba Buyudaaya. Yaasimba weema dhe kumpi n'ebibuga ebyezungulwirwa ebimante ebigumu, ng'asuubira okubighangula abigeme.

2 Ebyomubyanda 32:1 Iomraidhean Croise

2 Bakyabazinga 15:19

Agho Puli kyabazinga w'e Siria, yaalumba Isiraeli. Menahemu yaagha Puli oyo kilo emitwalo amakumi asatu n'ena (340,000) edha feeza, olwo Puli oyo aghange okuyamba Menahemu okukakata ku bwakyabazinga.

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

2 Bakyabazinga 18:11

Kyabazinga w'e Assiria yaakukumba abantu ab'omu Isiraeli yaabatwala mu Assiria. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedi.

2 Bakyabazinga 19:19

Wo Musengwa Katonda waife, mpegaano ni tukweghemba otuwonie, otutoole mu ngalo edh'Abassiria. Olwo abantu abamaghanga agandi boonaboona baghange okumanha nga iwe, Musengwa Katonda, niiwe Katonda wenka.”

2 Ebyomubyanda 32:2

Hezekia bwe yabona nga Sennakeribu aidhie, era nga mwetegefu okulwanisa Yerusalemu,

2 Ebyomubyanda 35:20

Ebyo byonabyona bwe byamala okuwa, Yosia ng'amaze okutegeka eisinzizo, kyabazinga Neko owa Misiri yaidha okulwanira olutalo e Karikemishi ku mwiga Eufurate. Yosia yaaja okumulwanisa.

Isaia 10:32

Olwaleero omuzigu aidha kuba e Nobu, ali kwesoomera Olusozi Sioni nga yeesumba ekibuga Yerusalemu.

Isaia 36:1

Mu mwaka ogweikumi n'ena (14) nga kyabazinga Hezekia n'afuga Buyudaaya, Sennakeribu kyabazinga w'e Assiria yalumba ebibuga byonabyona ebya Buyudaaya ebyezungulwirwa ebimante ebigumu, yaabighangula.

Isaia 37:37

Agho Sennakeribu kyabazinga w'e Assiria yaavaagho yairayo, yaaja e Nineve yaaba eyo.

Hosea 11:5

Baliirayo e Misiri, kyabazinga w'e Assiria yaabafuga, kuba baaloba okwira ye nze.

Mika 2:13

Agho Mika yaalanga ati: “Katonda mwene aja kwiguliragho abantu be, abakulemberemu ng'abatoola mu bunhage. Baja kughagulagho omulyango ogw'ekibuga, babitemu baje nga ghazira na kibakobaku. Musengwa Katonda mwene era kyabazinga waibwe, n'aja okubakulemberamu abafulumye.”