2 Ebyomubyanda 26:9 - Baibuli Ekibono kya Katonda 2014

⁹ Uzzia era yaazimba ebituuti ebirengererwaku, ku kimante ekyezungulwire Yerusalemu ku Mulyango ogw'omu Nsonda, ni ku Mulyango ogw'omu Kiiko, n'ekimante ghe kigonhokera.

2 Ebyomubyanda 26:9 Iomraidhean Croise

2 Bakyabazinga 14:13

Agho kyabazinga Yehoashi owa Isiraeli, yaagema kyabazinga Amazia owa Buyudaaya mutabane wa Yoashi era mwidhukulu wa Ahazia, ng'amugemera e Bethi Shemeshi. Yaamuleeta e Yerusalemu era Yehoashi oyo yaamenha ekisenge ekyezungulwire ekibuga Yerusalemu ekyo, okuva ku Mulyango gwa Efuraimu okutuuka ku Mulyango Ogwokunsonda obwo nga n'obuleeyi bwa mita ng'oti ebikumi bibiri (200).

2 Ebyomubyanda 25:23

Agho kyabazinga Yehoashi owa Isiraeli, yaagema kyabazinga Amazia owa Buyudaaya mutabane wa Yoashi era mwidhukulu wa Ahazia, ng'amugemera e Bethi Shemeshi. Yaamuleeta e Yerusalemu, era Yehoashi oyo yaamenha ekimante ekyezungulwire ekibuga Yerusalemu ekyo, okuva ku Mulyango gwa Efuraimu okutuuka ku Mulyango Ogwokunsonda obwo nga n'obuleeyi bwa mita ng'oti ebikumi bibiri.

Nehemia 2:13

Naaja obwire obwo naabita mu Mulyango ogw'omu Kiiko, era naabitira ku Nsulo ey'Ogusota, naatuuka ku Mulyango gw'Obusa. Naajanga nga neekebeedha ebimante ebyezungulwire Yerusalemu bye baamenhamenha, n'emiryango gyakyo gye baayokya omuliro.

Nehemia 2:15

Era obwire obwo naaja naabita mu kiiko nga bweneekebeedha ekimante ekyo. Bwe namala, naakyuka naira einhuma, naingirira mu Mulyango ogw'omu Kiiko, nairayo mu kibuga.

Nehemia 3:13

Hanuni n'abatyamye ab'omu kibuga Zanoa n'abaalongoosa ogwetebwa Omulyango ogw'omu Kiiko. Baaguzimba buyaaka, baagutaamu endhigi dhaamu, era endhigi edho baadhitaaku eminhololo n'ebisiba ebindi. Era baalongoosa ekitundu ku kimante ekyo nga kigheza mita ebikumi bina n'ana (440), baakituusa ku Mulyango gw'Obusa.

Nehemia 3:24

Ku oyo kwairaku Binnui mutabane wa Henadadi, yaalongoosa ekitundu ekyairaku ku kimante ekyo, okuva ku ndhu ya Azaria okutuuka ekimante ghe kigonhokera.

Nehemia 3:32

Agho abagheesi ab'ebintu bya zaabu, N'abasuubuzi, baalongoosa ekitundu ekyasembayo ku kimante ekyo, okuva ku nsonda eyo eyaliku akasenge aka ghaigulu okutuuka ku Mulyango ogw'Entaama.

Yeremia 31:38

Musengwa Katonda era akoba ati: “Ekiseera kiri kwidha bairemu okuzimba ekibuga Yerusalemu, okuva ku kituuti ekyetebwa ekya Hananeli mu bugwandhuba, okutuuka ku gwetebwa Omulyango ogw'omu Nsonda.

Zekaria 14:10

Ekiketezo kyonakyona ekiri ku luuyi olw'omukono omusaadha olw'e buvandhuba olwa Yerusalemu, okuva e Geba okutuuka e Rimmoni, kirifuulibwa museetwe mwereere. Aye Yerusalemu kirisigala mu kifo kyakyo nga kiri ghaigulu okuwula ebiketezo byonabyona ebikyezungulwire. Era ekibuga ekyo kiriva ku gwetebwa Omulyango gwa Benjamini, kyaja kyatuuka ku gwetebwa Omulyango ogw'omu Nsonda aghaali omulyango omukaire, era kyatuuka ku kyetebwa Ekituuti ekya Hananeli, ni ku bikunhiro bya kyabazinga eby'omwenge ogw'emizabbibu.