2 Ebyomubyanda 26:5 - Baibuli Ekibono kya Katonda 2014

⁵ Yeeghaayo yaagheerezanga Katonda, ebiseera byonabyona Zekaria eyamwegeresa okutyanga Katonda oyo bye yamala ng'akaali mulamu. Era Musengwa Katonda yaaleetera Uzzia ebintu okumujiiranga obukalamu, ekiseera kyonakyona Uzzia oyo kye yamala ng'amugheereza.

2 Ebyomubyanda 26:5 Iomraidhean Croise

Amainhama 41:15

Kyabazinga yaamukoba ati: “Naloose ekirooto, aye ghazira aghanga kuvuunula makulu gaakyo. Mpuliire nga bakwogeraku bati oghanga okuvuunula ebirooto.”

Amainhama 41:38

Kyabazinga yaakoba abakungu be ati: “Tusobola okuzuulayo omusaadha ali ng'oti n'ono, omusaadha aidhwire omwoyo gwa Katonda.”

2 Bakyabazinga 15:34

Yothamu yaakolanga ebituufu Musengwa Katonda by'asiima, nga lata we Uzzia bye yakolanga.

1 Ebyomubyanda 22:11

Daudi yaayongera okukoba ati: “Kale ni mwana wange, nsaba Musengwa Katonda wo abenga n'iwe, akughe enkabi oghange okumuzimbira eisinzizo nga bwe yakusuubiza.

1 Ebyomubyanda 22:13

Bw'onaagonderanga Amateeka n'ebiragiro Musengwa Katonda bye yagha Isiraeli ng'abita mu Musa, ebintu byonabyona biidha kukujiiranga bukalamu. Guma omwoyo, otatya, era otawaamu maani.

2 Ebyomubyanda 14:6

Yaazimba mu Buyudaaya ebibuga ebyezungulwirwa ebimante ebigumu, kuba ensi yali mu miraala. Mu myaka egyo, Asa tiyali na ntalo, kuba Musengwa Katonda yamugha okuba emiraala.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 24:2

Yoashi yaakolanga ebituufu Musengwa Katonda by'asiima ekiseera kyonakyona Yehoiada kabona kye yamala nga mulamu.

2 Ebyomubyanda 25:8

Aye bw'obona ng'abo n'abanaakuleetera okuba ow'amaani mu lutalo, ja nabo. Aye Katonda aidha kukukuba enume y'ekigwo mu maiso g'abazigu bo, kuba Katonda oyo ali n'obuyinza obw'okubeera omuntu n'aghangula, era yaaba n'obw'okumuleka ni bamughangula.”

2 Ebyomubyanda 26:4

Uzzia yaakolanga ebituufu Musengwa Katonda by'asiima, nga lata we Amazia bye yakolanga.

2 Ebyomubyanda 27:6

Kale Yothamu yaafuuka wa maani, kuba yagonderanga Musengwa Katonda we.

2 Ebyomubyanda 29:1

Hezekia yafuuka kyabazinga wa Buyudaaya ng'agheza emyaka amakumi abiri n'etaanu egy'obukulu, era yaafugira entangama ya myaka amakumi abiri na mwenda mu Yerusalemu. Inhina nga bamweta Abiya mughala wa Zekaria.

2 Ebyomubyanda 32:30

Era Hezekia mwene oyo, n'eyasemba omweta ogw'amaadhi ogw'eitale, ogw'ensulo ya Gihoni. Yaasimagho ogundi ogwaleetera amaadhi ago okukuuluulira ku luuyi olw'e bugwandhuba bw'ekibuga kya Daudi. Hezekia oyo ebintu byonabyona byamujiiranga bukalamu.

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Danieli 1:17

Katonda yaagha abaisuka abo abana okwega n'okukuguka mu mpandiika edha buli nsambo, ni mu magezi aga buli nsambo. Ate Danieli yaamwongeraku okutegeera ebibaagho mu kubonekerwa, n'okuvuunula ebirooto.

Danieli 10:1

Mu mwaka ogwokusatu nga kyabazinga Kuro n'afuga Perusia, Katonda yaayoleka Danieli, ye baamutuuma eriina Beluteshazzari, obukwenda. Obukwenda obwo bwali bwa mazima aye nga bukalangafu inho okubutegeera. Aye yaamala yaabutegeera nga babumwinhonhoire mu kubonekerwa.

Danieli 2:19

Obwire obwo Katonda yaayoleka Danieli ekyama ekyo mu kubonekerwa. Era Danieli oyo yaasaaka Katonda ow'eigulu,

Danieli 5:16

Aye mpuliire mbu iwe osobola okuvuunula amakulu ag'omunda einho n'okwinhonhola ebintu ebizibu ebyagisibwa. Kale bw'onaasobola okusoma ekighandiiko ekyo, n'onkobera amakulu gaakyo, baidha kukuvaaza engoye edh'erangi ya nakasooma, bakute n'omukuufu ogwa zaabu mu nkoto, era bakukuze obe omufuzi ow'eidaala eryokusatu mu bwakyabazinga bwange.”

Hosea 6:4

Aye Musengwa Katonda akoba ati: Imwe Isiraeli ni Buyudaaya, mbakolere ki? Engeri ye mungonzaamu ya kiweeragho, ng'oti lufu lwa ku nkyo bwe luwaagho amangu, era ng'oti musulo bwegukala amangu.

Ebikolwa by'Abatume 20:30

Era ni mu imwe mulivaamu abantu abalyegeresa eby'obuguya okufuna abeegeresebwa ab'okubanonereza.

Yoshua 1:7

Iwe ky'oli n'okukola, n'okuba n'obumalirivu era n'obutatya nga weegendereza okugondera amateeka goonagoona, omugheereza wange Musa ge yakugha. Togavangaku waire akatono kati, olwo buli kintu kiidha kukujiiranga bukalamu woonawoona.

Yoshua 1:8

Ebiri mu kitabo kino eky'Amateeka bitakuvanga ku munwa. Bisomenga omusana n'obwire era ng'ogondera byonabyona ebyaghandiikibwamu. Olwo ebintu byonabyona biidha kukujiiranga bukalamu ng'ezira kikulema.

Abalamuzi 2:7

Abaisiraeli baagheerezanga Musengwa Katonda ekiseera kyonakyona Yoshua kye yamala ng'ali kubakulembera, era n'ekiseera ekyairirira kye baamala nga bakulemberwa abakulu b'ebikunsu Yoshua be yalekagho. Abakulu abo n'abaabona ebyo byonabyona Musengwa Katonda bye yakolera Isiraeli.