2 Ebyomubyanda 26:23 - Baibuli Ekibono kya Katonda 2014

²³ Agho Uzzia oyo yaafa yeeyimba ku badhaadha be abaafa, era yaaziikibwa kumpi nabo, aye nga ti mu lwambiidhi lwa bakyabazinga, kuba abantu baakoba bati: “Ali n'endwaire ey'ebigenge.” Mutabane we Yothamu yaamusikira ku bwakyabazinga.

2 Ebyomubyanda 26:23 Iomraidhean Croise

2 Ebyomubyanda 21:20

Yatoolera okufuga ng'agheza emyaka amakumi asatu n'ebiri egy'obukulu, era yaafugira entangama ya myaka munaana mu Yerusalemu. Bwe yafa, ghazira muntu waire omulala ati eyawulira mule ng'amusaire. Agho baamuziika mu kyetebwa Ekibuga kya Daudi, aye ti mu lwambiidhi lwe baazikangamu bakyabazinga.

2 Ebyomubyanda 26:18

baamulobera nga bakoba bati: “Uzzia, ti mulimo gwo okuniokeza Musengwa Katonda obubbaani. Ogwo mulimo gwa bakabona ab'oku lulyo lw'Aaroni abaayawulibwa okubuniosanga. Fuluma mu kifo kino ekitukuvu kuba okoze kisobyo, era Musengwa Katonda taidha kukugha kitiibwa naire olw'ekyo ky'okoze.”

2 Ebyomubyanda 27:1

Yothamu yafuuka kyabazinga ng'agheza emyaka amakumi abiri n'etaanu egy'obukulu, era yaafugira entangama ya myaka ikumi na mukaaga mu Yerusalemu. Inhina yali nga ni Yerusha mughala wa Zadoki.

2 Ebyomubyanda 28:27

Agho Ahazi yaafa yeeyimba ku badhaadha be abaafa, era yaaziikibwa mu kibuga Yerusalemu aye ti mu lwambiidhi lwa bakyabazinga. Mutabane we Hezekia yaamusikira ku bwakyabazinga.

2 Ebyomubyanda 33:20

Agho Manasse yaafa yeeyimba ku badhaadha be abaafa, era yaaziikibwa mu kisaagaati kye eky'obwakyabazinga. Mutabane we Amoni yaamusikira ku bwakyabazinga.

Isaia 6:1

Mu mwaka kyabazinga Uzzia gwe yafiiramu, nabona Musengwa Katonda ng'atyaime ku kityamo kye eky'obwakyabazinga, ekigungumavu era nga kya kitiisa. Era ng'ekivaalo kye eky'oku ngulu kyeyandhulwiza okubuna eisinzizo.