Biblia Todo Logo
Bìoball air-loidhne

- Sanasan -




2 Ebyomubyanda 26:16 - Baibuli Ekibono kya Katonda 2014

16 Aye kyabazinga Uzzia bwe yafuuka ow'amaani atyo, yaidhamu okwekuluntaza era ekyo kyamuviiraku okugwa kuba yeetulinkiriza yaingira mu isinzizo lya Musengwa Katonda, yaaniokeza obubbaani ku alutaari eniokezebwaku obubbaani.

Faic an caibideil Dèan lethbhreac




2 Ebyomubyanda 26:16
24 Iomraidhean Croise  

Ku lunaku olweikumi n'eitaanu olw'omwezi ogwomunaana, omwezi mwene gwe yalonda ku lulwe, yaaja ku alutaari ye yazimba e Betheli. Yaateeragho Abaisiraeli ekibinuko, yaaja ku alutaari yaaniokeza obubbaani.


Agho omulanzi yaava mu Buyudaaya nga Musengwa Katonda n'amulagiire, yaaja e Betheli. Yaayagaana Yeroboamu ng'ayemereire aghali alutaari, okuniokeza obubbaani.


Kituufu waghangula Edomu, ekyo kyakuleetera okwekuluntaza. Kale ni ba ewuwo weesaake n'ekyo. Lwaki onaawuula ebizibu eby'okukuzikiriza iwe ni Buyudaaya yoonayoona?”


Agho Musengwa Katonda yaaleetera Uzzia okulwala endwaire ey'ebigenge, yaaba nayo okutuusa lwe yafa. Yaabanga mu ndhu yiye yenka. Mutabane we Yothamu yaasigala nga n'alabirira ekisaagaati kye eky'obwakyazinga, era nga n'afuga ensi eyo.


Rehoboamu bwe yamala okukakata ku bwakyabazinga n'aba ow'amaani, olwo mwene n'Abaisiraeli boonaboona, baava ku mateeka ga Musengwa Katonda.


Mpegaano oli kukoba oti, ‘Bona eno, naghangula Edomu!’ Ekyo kyakuleetera okwekuluntaza. Kale ni ba ewuwo weesaake n'ekyo. Lwaki onaawuula ebizibu eby'okukuzikiriza iwe ni Buyudaaya yoonayoona?”


Abasaadha abakugu baayiiya, baakola mu Yerusalemu ebyuma ebiteebwa ku bituuti ebirengererwaku ni ku nsonda dh'ebimante, ni birasa obusaale era ni bisuula amabaale amanene. Kale yaamanhika inho woonawoona, era yaaba wa maani olw'obuyambi obungi einho bwe yafuna.


Yothamu yaakolanga ebituufu Musengwa Katonda by'asiima, nga lata we Uzzia bye yakolanga. Aye tiyaghaguza kwingira mu isinzizo kuniokeza bubbaani, ng'oti ni ise bwe yakola waire ng'abantu baaja mu maiso n'okukola ebibi.


Aye Hezekia yaamala yeekuluntaza bwekuluntaze, yaaloba kusiima Musengwa Katonda nga bwe kyali kigwaniire, olw'ekirungi kye yamukolera. Kale Musengwa Katonda yaamusungughalira, era yaasungughalira n'abantu b'omu Buyudaaya, n'ab'omu Yerusalemu.


Okwekuluntaza kuleeta okuzikirira, n'okwegulumiza kwavaamu okugwa.


Bw'alimala okughangula eigye einene lityo, alyewulira mule nga wa maani, era aliita enkumi n'enkumi edh'abantu. Aye obughanguzi bwe tibulirwagho naire.


Embuzi enume eyo yeeyongera okwekudumbaza ekibitiriire. Aye bwe yali ekeeragalaga nga bw'eri n'amaani amangi, eiyiga lyayo eikologho lyamenheka. Mu kifo kyalyo ghaakukunukagho amayiga agandi agaboneekerera ana, nga gasonse mu ibbanga ku ndhuyi eina edh'ensi.


Buno ni, n'obukwenda bw'obe oghandiike, oti, ‘Abo boonaboona abatali beesimbu, ba kufa. Aye abo abatuufu baidha kuba balamu olw'obwesige bwaibwe ye ndi.’ ”


Agho Kora mutabane wa Izahara era nga mwidhukulu wa Kohathi ow'ekika kya Levi, ghalala ni Dathani ni Abiramu batabane ba Eliabu, era ni Oni mutabane wa Pelethi, ow'ekika kya Reubeni,


Kale buli muntu yaatoola ekiniokezebwamu obubbaani ekikye, yaakitaamu omuliro n'obubbaani, era boonaboona baayemerera ku mulyango ogw'Eweema ey'Okwagaananirangamu ni Musengwa Katonda, nga bali ni Musa ni Aaroni.


Agho Musengwa Katonda yaasindika omuliro gwayokya abantu ebikumi ebibiri n'ataanu abaali nga bali kuniosa obubbaani.


mubiteemu omuliro enkyo era mute obubbaani ku muliro okwo mu maiso ga Musengwa Katonda. Omuntu Musengwa Katonda y'anaalonda n'aidha okuba atuukiriire. Imwe baidhukulu ba Levi mubitiriiza okwekuluntaza!”


Omwigo ogw'omuntu ye nnaalonda gwidha kusibuka. Mu nsambo eyo ndidha kulekeza Abaisiraeli okukwemuluguunhizanga.”


Aye ebyo byonabyona nga bimaze okubaagho, mutagezangaku naire kwekuluntaza, ni mwerabira Musengwa Katonda waimwe eyabatoola e Misiri ye mwakolanga obwiru.


Kale ni mulobenga kukoba mule muti, “Amagezi gaife n'amaani gaife n'ebitufuniisa obukombe.”


Ghatabangagho ababuza ng'akozesa okwewooya n'okusinza bamalaika. Omuntu ng'oti n'oyo yeefuula okuba ng'abasinga, mbu kuba yabonekerwa. Yeetuusa aghazira na nsonga, okutoolaku ebirowoozo bye ebiziramu.


Lean sinn:

Sanasan


Sanasan