2 Ebyomubyanda 26:10 - Baibuli Ekibono kya Katonda 2014

¹⁰ Era yaazimba ebituuti ebirengererwaku mu irungu, yaasima n'ensulo kamaala, kuba yali n'ebyayo kamaala mu biketezo eby'omu biiko n'eby'oku museetwe. Era yali n'abalimi abaalabiriranga emizabbibu mu nsozi, ni mu itaka eigimu, kuba yayendanga inho okulima.

2 Ebyomubyanda 26:10 Iomraidhean Croise

2 Bakyabazinga 19:23

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era n'otemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

2 Bakyabazinga 3:4

Ghaabaagho Mesha kyabazinga wa Moabu eyali omwayi w'entaama. Buli mwaka ng'ali n'okugha kyabazinga wa Isiraeli entaama ento emitwalo ikumi (100,000), n'obuviiri obwavanga ku ntaama emitwalo ikumi (100,000) enume.

2 Ebyomubyanda 17:12

Yehoshafati yaaja nga yeeyongera okuba ow'amaani, yaazimba ebifo eby'okwewogomamu, n'ebibuga ebyalimu amaterekero,

2 Ebyomubyanda 17:13

olwo yaaba ng'ali n'amaterekero amakologho mu bibuga bya Buyudaaya. Yaata mu Yerusalemu abaisirukale ab'amaani abaziramu ntete,

2 Ebyomubyanda 26:11

Uzzia era yali n'eigye ery'abaisirukale abeetegefu okulwana olutalo, nga bali mu bikunsu ebirimu abaisirukale ababaliibwa era ni baghandiikibwa Yeieli omughandiisi ni Maaseia omukungu, nga bombi bakulemberwa Hanania owundi ku baduumizi ba kyabazinga.

2 Ebyomubyanda 32:29

Era yaazimba ebibuga kamaala, yaafuna entaama n'embuzi n'ente kamaala, kuba Katonda yamugha ebintu kamaala inho.

Omulangirizi 5:8

Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Isaia 29:17

Ekaabulayo akaseera katono, ekibaire ekibira ekizibirivu eky'e Lebanoni bakifuulemu enimiro edhigimusa ebirime, ate ebaire enimiro egimusa ebirime eiremu okuba ekibira.

Amateeka Agokubiri 3:10

Twanhaga ekiketezo kyonakyona eky'obwakyabazinga bwa Ogi ow'e Bashani: ebibuga byonabyona eby'oku museetwe, n'ebiketezo byonabyona ebya Gileadi n'ebya Bashani, okutuukira irala e Saleka n'Edurei.”

Yoshua 15:55

Era baagheebwayo ekiketezo ekindi nga kirimu ebibuga bino: Maoni, Karumeli, Zifa, Yutta,

1 Samueli 15:12

Bwe bwakya, Samueli yaawuuna okuja okubona Saulo. Baamukobera bati: “Saulo yajiire Karumeli, mwene ye yeezimbira ekiidhukizo, era yamaze yeeyongerayo yaatuuka e Giligali.”