2 Ebyomubyanda 24:16 - Baibuli Ekibono kya Katonda 2014

¹⁶ Baamuziika mu kyetebwa Ekibuga kya Daudi, mu lwambiidhi lwa bakyabazinga, kuba yali akoleire Katonda n'eisinzizo lye ebirungi mu Isiraeli.

2 Ebyomubyanda 24:16 Iomraidhean Croise

1 Bakyabazinga 2:10

Agho Daudi yaafa yeeyimba ku baadhaadha be abaafa, yaziikibwa mu kyetebwa Ekibuga kya Daudi.

2 Bakyabazinga 12:7

Kyabazinga Yoashi kyeyava n'ayeta Yehoiada kabona ni bakabona abandi, yaabakoba ati: “Lwaki timuli kulongoosa isinzizo? Kale ni mulekere agho okutoolanga empiiya ku bantu be mukolamu ni mu dhisigaza. Aye mudhighengayo dhikozesebwe okulongoosa eisinzizo.”

2 Ebyomubyanda 21:2

Yehoramu yali ni baganda be bano: Azaria, ni Yehieli, ni Zekaria, ni Azaria owundi, ni Mikaeli, ni Shefatia boonaboona abo nga batabane ba Yehoshafati kyabazinga wa Buyudaaya.

2 Ebyomubyanda 21:20

Yatoolera okufuga ng'agheza emyaka amakumi asatu n'ebiri egy'obukulu, era yaafugira entangama ya myaka munaana mu Yerusalemu. Bwe yafa, ghazira muntu waire omulala ati eyawulira mule ng'amusaire. Agho baamuziika mu kyetebwa Ekibuga kya Daudi, aye ti mu lwambiidhi lwe baazikangamu bakyabazinga.

2 Ebyomubyanda 24:15

Aye Yehoiada oyo yaamala yaakairika, era yaafa ng'agheziiza emyaka kikumi n'asatu (130) egy'obukulu.

2 Ebyomubyanda 24:17

Yehoiada bwe yamala okufa, abakungu mu Buyudaaya baaja baakubira kyabazinga amakiryaivu era baakutama n'ebyeni byatuuka ku itaka. Agho kyabazinga yaawulirisa bye baamukoba.

2 Ebyomubyanda 31:20

Kale Hezekia yaakolanga atyo mu Buyudaaya yoonayoona. Yaakolanga ebirungi n'ebituufu ebisiimya Musengwa Katonda we, era yaabanga mwesigwa y'ali.

Nehemia 13:14

Naasaba nti: “Wo Katonda wange, oteerabiranga ebyo ebirungi bye nkoleire eisinzizo lyo, n'emirimo gye bakoleramu okukusinza.

Mariko 6:29

Abeegeresebwa be bwe baawulira baaja, baatwala omulambo baaguziika mu magombe.

Ebikolwa by'Abatume 2:29

“Baganda bange, ndidha kwogera ku dhaadha Daudi nga titya. Yafa yaaziikibwa n'amagombe ge gali ghano n'okutuusa olwaleero.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.