2 Ebyomubyanda 23:8 - Baibuli Ekibono kya Katonda 2014

⁸ Abalevi n'abantu ab'omu Buyudaaya boonaboona, baakola byonabyona Yehoiada kabona bye yalagira. Buli muduumizi yaaleeta abasaadha be abaali baja okukuuma ku Sabbato, ghalala n'abo abaali bamaze okukuuma kuba Yehoiada oyo kabona tiyaleka bikunsu kuja eby'abo abamaze engobo dhaibwe ku Sabbato.

2 Ebyomubyanda 23:8 Iomraidhean Croise

2 Bakyabazinga 11:9

Abaduumizi baakola byonabyona Yehoiada kabona bye yalagira: buli muduumizi yaaleeta eri Yehoiada oyo abasaadha be abaali baja okukuuma ku Sabbato, ghalala n'abo abaali bamaze okukuuma.

1 Ebyomubyanda 25:25

Akeikumi n'omunaana kaagwa ku Hanani, ni batabane be, era ni baganda be, boonaboona aghalala baaba abantu ikumi na babiri.

1 Ebyomubyanda 26:26

Shelomothi oyo ni baganda be, n'abaakuliranga amaterekero omwateebwanga ebintu byonabyona ebigheereibwayo okuba ebya Katonda nga bigheebwayo bano: kyabazinga, n'abaakuliranga enda dha baiseibwe, n'abaakuliranga ebikunsu by'abaisirukale olukumi olukumi n'ekikumi ekikumi, era n'abaduumizi mu magye.

1 Ebyomubyanda 9:25

Aboluganda lwaibwe abaabanga mu byalo, baidhanga baababeeraku mu ngobo okukuuma emiryango, okumala enaku musanvu musanvu.

2 Ebyomubyanda 23:7

Abalevi baidha kukuuma kyabazinga Yoashi nga bamwezungulwire era nga buli muntu agemye eby'okulwanisa bye. Omuntu yeenayeena anaingira mu isinzizo wa kwitibwa. Baidha kuba ghalala ni kyabazinga buli gh'anaajanga.”

2 Ebyomubyanda 23:9

Agho Yehoiada kabona yaagha abaduumizi amafumo n'engabo enene n'entono ebya kyabazinga Daudi, ebyali mu isinzizo.